1 PETRUS 2:7 - KITAB NU TUMPU ALLA LELE MA'IMAI'

⁷ Batu aijo' ko angga'nyo hondo hi belemiu anu pinalesaya. Panyo bele nu to mia-mian anu madi' pinalesayamo, nukonamo nu to aya-ayat nu Kitab nu Tumpu anu sumo uuka, “Batu anu madi' opake nu to tuka-tukang nu laigan aijo', batumo ahi' ai-aijo' na anu talalo penting,”

1 PETRUS 2:7 ပူးပေါင်းရင်းမြစ်များ

YESAYA 28:5

Tumpu Anu Daka' na Kuasanyo na timbalimo bunga anu kaimai hi aha mian anu palesayamo hi Ia, aijo' aha anu daagi' tinontuha'.

HAGAI 2:7

Iwi-iwi' na bansang Ku pokalangkabutmo ka' mule' halata' nu aha nu boamo mae nu aha sahingga Laigan-Ku mobuke'mo nu kakaya'an nu aha.

ZAKHARIA 4:7

Maumo ko anu molewot anu ko daka'nyo sumo bungkutnyo timbali molinggin da madi'mo ko anu atina i ahop nu beleyum. Beleyum po ule'mo mombau Laigan-Ku, ka' de beleyum mompotimpasmo batu pundasi i tampatnyo to mia-mian motataemo, ‘Ebeh na kino ima'nyo!’ ”

MATIUS 21:42

Saba' i Yesus notatae hi aha, “Ma'isa toho' komiu nombasa' anu tinulis i uno nu Kitab nu Tumpu? ‘Batu anu madi' opake nu tukang bangunan tinimbalimo batu anu talalo o palalui. Sumo aijo' na palabuatan nu Tumpu; palias na ko ima'nyo!’ ”

LUKAS 2:32

Sumo jingka anu monjingkai jalan bagi nu to bansa-bansa sangga'at, da toka hi Belento; aijo'mo jingka anu mompotoka mae kadaka'an bagi nu mian-To anu palesayamo Israel.”

LUKAS 2:34

I Simeon nombalakati aha, ka' notatae hi Maria tina nu Anak aijo', “Anak aiya pinile'anmo nu Tumpu da mombahayai ka' momposalamat manjoo' na mian nu Israel. Ia timbalije tanda lengkat mae hi Tumpu, anu nugagakon nu mian da'isan,

LUKAS 20:17

Tinonto'an i Yesus na aha ka' notatae, “Desumo atina', apaa na alati'nyo ayat nu Kitab nu Tumpu aiya? ‘Batu anu madi' pinake nu tukang nu laigan, tinimbalimo batu anu talalo o palalui.’

YOHANES 4:42

Aha notatae hi boune aijo', “Kami palesayamo uuka aiya, misa' ola kalana apaa na anu tinaloakonmo nu beleyum hi kami, panyo kalana posi ihongomo mami na Ia, ka' nonsumbu'mo taalu' memang Ia anu Momposalamat dunia.”

SISIKON NU TO RASUL-RASUL 26:19

“Kalana aijo', kita Tomundo' Agripa, aku saja' bala usaha mohongo-hongo hi anu tinoa ka' tinalimangkumo lengkat mae hi Tumpu aijo'.

ROMA 10:21

Panyo mongkona bansa Israel, i Yesaya nontaloakon, “Sumo uuka na koo-Nyo nu Tumpu, ‘Sansina-sinaa Aku montajuakon limang-Ku hi sa'angu' na bansa anu panggaga ka' madi' mohongo-hongo.’ ”

ROMA 15:31

Balado'a da Tumpu molapasakon aku i lima nu to mia-mian anu madi' palesaya kiijo' mae i Yudea, da kalajangku momboa pontulungimo kiijo' i Yerusalem otalima nu kinyonyoa sanang nu mian anu palesayamo hi Tumpu kiijo' mae.

KOLOSE 2:10

Ka' kalana kantumuu'an nosa'angu'mo tiba i Kristus, komiu mule' binee'anmo kantumuu'an anu sukup. Kalana i Kristus na mompalentah to roh-roh anu ko kuasa ka' anu mompalentah.

TITUS 3:3

Kalana naipuan mae kita suele ponga', sala' na jalan, ka' madi' tulu-tulutan. Kita binotuananmo nu ngangahan na napisu tiba anu o ka'ima'i; kita tumuu' ko makisut ma'idek ka' madi' sanang hi sangalu, tiba mule' mompaha ka'i-ka'ideki.

IBRANI 11:31

Ola kalana bala'iman, sahingga i Rahab, boune anu lewa-lewa' masala' aijo', madi' pinatean hingga-hinggat tiba to mia-mian anu madi' tunduk hi Tumpu; kalana ia na nontalima ima-ima' mian nu Israel anu namba nondoyoni.

IBRANI 4:11

Kalana aijo', imbo' na kita da bala usaha totu-totu'u da mohumpak pingkainan anu jinanji'mo nu Tumpu aijo'. Boli sampe ko samian anu aiya hi kita na moteba' susumo aha naipuan mae, kalana madi'mo palesaya hi Tumpu.

1 PETRUS 1:8

Komiu mongkalibosi Ia mau mule' naipuan mae komiu madi' nontoa Ia. Ka' komiu pinalesayamo hi Ia mau mule' uuka aiya komiu madi' nontoa Ia. Mokonyo aijo' komiu lame' ka' mongoa'i kasanangan anu daka' ka' anu madi' opoko taloakon.

1 PETRUS 2:4

Mokonyo aijo', tokamo mae hi Tumpu. Ia salaku batu anu tumuu', batu anu ingalinmo nu manusia kalana osangka madi' mingguna; panyo anu pinile'anmo nu Tumpu salaku batu anu ko angga'nyo.

1 PETRUS 2:8

ka' “Aijo'mo na batu anu nonsaduakonmo mian tinosumpun, batu anu nonsaduakonmo aha notua'.” Aha tinosumpun kalana aha madi' palesaya i potatae nu Tumpu Allah. Sumo aijo'mo na Tumpu nontantukanmo aha.