1 PETRUS 2:4 - KITAB NU TUMPU ALLA LELE MA'IMAI'

⁴ Mokonyo aijo', tokamo mae hi Tumpu. Ia salaku batu anu tumuu', batu anu ingalinmo nu manusia kalana osangka madi' mingguna; panyo anu pinile'anmo nu Tumpu salaku batu anu ko angga'nyo.

1 PETRUS 2:4 ပူးပေါင်းရင်းမြစ်များ

YESAYA 28:16

Kalana aijo' Tumpu Anu Matangkas na Kuasanyo notataemo sumo uuka, “Ku potimpasmo na usoi anu mahoson hondo aita' i Sion; sa'angu' na batu bau usoi anu mahan na olinyo ka' kotulisannyo: ‘Ihe na palesaya totu-totu'u madi' mangaku kala'.’

YESAYA 42:1

Tumpu notatae, “Aiyamo na posaihon-Ku anu Ku tinjohi, mian anu pinile'au-Kumo ka' mule' anu nomposanangmo kinyonyoang-Ku. Kuasang-Ku binee'-Kumo hi ia, da momboa ka adilan hi toto sa'angu' na bansa.

YESAYA 55:3

Potombihing mae obansang-Ku, tokamo mae hi beleng-Ku, belemiu Ku bee'ije kantumuu'an anu totu'unyo. Kalana kalibosan ka' kanonongan anu jinanji'-Kumo hi Daud, Aku nontoongimo palajanjian anu madi' ko kamingkotanyo tiba belemiu.

YEREMIA 3:22

O belemiu iwi-iwi' anu nompala'imo Tumpu, pinsusule'mo mae! Ia mompo alinmo belemiu ka' mompotimbalimo belemiu tulu-tulutan. Belemiu notatae, “Ii', uuka aiya kami tokamo mae hi Tumpu, kalana Ia Tumpu Allah mami.

DANIEL 2:34

Hau-haunyo belento Tuanku montonto'i, sa'angu' na batu anu daka' hondo noluntunmo mae aita' i keles pada han madi' ko mian anu nohenggo lantas tinuda'nyomo na patong aijo' i tengkenyo anu besak na binau ka' tano' kun na binau aijo' sahingga i hansunmo.

DANIEL 2:45

Temisa' tinoamo nu belento Tuanku madi' kino mian nohenggo sa'angu' na batu nolingginmo mae aita i keles lantas nontuda'mo ka' mule' nompohintutumo patong besak, ka' tambaga, tano' kun, salaka tiba mosoni' aijo'? Tumpu Anu daka' na Kuasanyo nompoto'imo hi belento Tuanku apaa na anu jadi saidi mae. Ipion aijo' timbali opalesaya ka' mule' katalanganku madi' sala'.”

ZAKHARIA 3:9

Ku potimpasmo na batu sa'angu' hi ahop i Yosua, popitu' na pasu'nyo anu Ku botikje nu tulisan-tulisan. Ola sansinaa na kopinnyo Ku alinmo na dosa' nu lipu' aiya.

ZAKHARIA 4:7

Maumo ko anu molewot anu ko daka'nyo sumo bungkutnyo timbali molinggin da madi'mo ko anu atina i ahop nu beleyum. Beleyum po ule'mo mombau Laigan-Ku, ka' de beleyum mompotimpasmo batu pundasi i tampatnyo to mia-mian motataemo, ‘Ebeh na kino ima'nyo!’ ”

MATIUS 11:28

Tokamo mae hi beleng-Ku na komiu iwi-iwi' anu malawe, ka' anu mongoa'i koboatnyo nu boaon; Aku mompilaweije komiu.

MATIUS 12:18

“Aiyamo na anu pinile'an-Ku anu sinaing-Kumo, mian anu Ku kalibosi ka' anu kona i kinyonyoang-Ku. Roh-Ku, Kubee'je hi Ia, ka' ka'adilan-Ku Nu leleakonje hi to bansa-bansa.

MATIUS 21:42

Saba' i Yesus notatae hi aha, “Ma'isa toho' komiu nombasa' anu tinulis i uno nu Kitab nu Tumpu? ‘Batu anu madi' opake nu tukang bangunan tinimbalimo batu anu talalo o palalui. Sumo aijo' na palabuatan nu Tumpu; palias na ko ima'nyo!’ ”

YOHANES 14:19

Me sasaingoni' dunia madi'mo montoa Aku. Panyo komiu montoaje Aku. Ka' kalana Aku tumuu', komiu suele tumuu'.

YOHANES 14:6

I Yesus nontaami, “Akumo na jalan da osumbu' na Tumpu Allah, ka' pohumpakan kantumuu'an. Madi' ko samian pe'e moko ala toka hi Tuuma, de madi' montului Aku.

YOHANES 5:26

Sumo Tuuma pinolengkatan nu kantumuu'an, Ia suele mompotimbali Anak-Nyo polengkatan nu kantumuu'an.

YOHANES 5:40

Panyo komiu madi' mongka'oho' toka hi beleng-Ku da mohumpak kantumuu'an sidu-sidutu'.

YOHANES 6:37

Iwi-iwi' mian anu binee'mo nu Tuuma hi beleng-Ku, toka hi beleng-Ku. Madi' Aku mongkangkang mau pe'e ihe na anu toka hi beleng-Ku.

YOHANES 6:57

Tuuma anu tumuu' aijo' nonsai mae Aku, ka' Aku mule' tinumuu' kalana i Tuuma. Sumo aitu mule' na mian anu mongkaan butong-Ku, tumuu' kalana Aku.

ROMA 5:10

De tempo'nyo kita nompaha idek ka' Tumpu, kita pinodame-Nyomo nu kinasilakaan nu Anak-Nyo, apaa mule' uuka aiya salatan pompahasumbu'anto ka' Tumpu po'ule'mo na'ima', matantumo kita oposalamat mule' i uno nu kantumuu'an i Kristus.

1 KORINTUS 3:11

Kalana ola sa'a-sa'angu'nyomo i Yesus Kristus na pino'una' nu Tumpu da timbali mesen pompotinjoan gudang aijo'; madi' ko mesen sangga'at.

KOLOSE 3:4

Jadi, pinolengkatan nu kantumuu'an miu anu totu-totu'u atina'mo hi Kristus, ka' de Ia po'ule'mo otoa, komiu suele tokamo mae hingga-hinggat tiba Ia ka' opopodaka'mo suele tiba Ia!

1 PETRUS 1:19

panyo anu ko angga'nyo hondo; aijo'mo posi butong i Kristus anu tinimbalimo salaku domba, anu kinolobanakon hi Tumpu anu madi' ko panyakitnyo kabai ko kakulangannyo.

1 PETRUS 1:7

Anu nupatui aijo'mo kahanda' momponyata' pa' komiu totu-totu'u palesaya hi Tumpu kabai madi'. Mosoni' pe'e anu timbali ma'idek, o uji' nu apu. Jadi, palesaya miu anu totu-totu'u molingkudui oli nu mosoni', jadi tionyo ahi' o uji' suele da timbali mahoson. Ka' tiba jalan sumo aijo' komiu o puji' ka' o angga'i tiba opopodaka' toka i sinaa-Nyo de i Yesus Kristus po'ule'mo toka.

1 PETRUS 2:7

Batu aijo' ko angga'nyo hondo hi belemiu anu pinalesaya. Panyo bele nu to mia-mian anu madi' pinalesayamo, nukonamo nu to aya-ayat nu Kitab nu Tumpu anu sumo uuka, “Batu anu madi' opake nu to tuka-tukang nu laigan aijo', batumo ahi' ai-aijo' na anu talalo penting,”

2 PETRUS 1:1

To Utu-utus anu totu-totu'u pinalesayamo sumo kami! I Yesus Kristus, aijo'mo Tumpu ka' Tomundo anu Momposalamat kita, nompotimbalimo kita palesaya hi Ia, kalana Ia nombaumo anu totu'u. Sulat aiya lengkat mae hi Simon Petrus, samian na posaihon ka' rasul i Yesus Kristus.

2 PETRUS 1:4

Tiba jalan anu sumo aijo' na Tumpu nombee'imo kita to bala-balakat anu ko angga'nyo ka' madi' ko gampanyo anu jinanji'-Nyomo. Kalana balakat haha aijo' sahingga belemiu nolapasmo i han anu ma'idek anu lewa' okamilui ka' anu nongideimo dunia aiya, ka' komiu nohumpakmo atulan nu Tumpu.