Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 PETRUS 2:2 - KITAB NU TUMPU ALLA LELE MA'IMAI'

2 Tionyo ahi' komiu timbali sumo bunga mea' anu sala'je i hampe, saja' megot kahanda' monginum susu nu rohani anu madi' ko galo'nyo. Desumo aitu yo belemiu tumuu' ka' oposalamat.

အခန်းကိုကြည့်ပါ။ ကော်ပီ




1 PETRUS 2:2
21 ပူးပေါင်းရင်းမြစ်များ  

Sumo aijo'mo na lee'ku anu nu balakatimo nu Tumpu Allah, Palajanjian-Nyo hi belengku madi'mo mongabali' anu jinanji'-Nyomo aijo sampe toka sidu-sidutu' ka' madi'mo ko anu kulangnyo iwi-iwi' ta atun hondo. Tumpu Allah na montantukan ka untunganku mahampate ka' mombee'mae iwi-iwi' apaa na anu nu kahanda'i nu kinyonyoangku.


Mian anu ma'ima' na kinyonyoanyo ka' anu madi' ko kasala'annyo, lebemo nu oa'i totu-totu'u na kantumuu'annyo kina'ima' anmo nu Tumpu Allah.


Jalan nu mian anu ma'idek na kinyonyoanyo pintung sumomo londomi' de malomo. Aha tosumpun ka' motua' madi' nusumbu' nu aha. Panyo mule' ahi' jalan anu nutulu nu mian anu ma'ima' na kinyonyoanyo sumomo ahi' batu nu sinaa bete'mo mae; ko pipinnyo ko jingka-jingkanyomo, sahingga ahennyo mae majingkamo hondo.


Tumpu notatae, Mian-Ku anu palesayamo nonoteba'mo na kalakuannyo po ule'mo Ku ala, ka' kinyonyoang-Ku totu-totu'u mongkalibosimo aha madi'mo daagi Ku tambuha'i.


Aha po ule'mo tumuu' ka' mompaka pintuangmo susumo sosu'anon anu minsumpemo iyaya mae na tampat. Ko ima'nyo sumomo ahi' kau' zaitun manohong sumo kau' cemara!


Kalana aijo' imbo' mo da kita mompagala ahi' totu-totu'u palesaya hi Tumpu. Ia totu-totu'u tokamo mae hi kita susumo sinaa kahandamo mae bete', ka' susumo mule' ujan mohomeimo tano' salatan ohanimo mingkot na lonu nu ujan.”


Panyo kona hi belemiu anu tulu-tulutan hi beleng-Ku, kuasang-Ku na momposalamat anu bete'mo mae susumo batu nu sinaa ka' jingkanyo momboa mae kahosonan nu mian anu masakit. Belemiu bebasmo ka' mule' lame'mo susumo anak nu sapi' anu salaje' mosabat mae i pangkunnyo.


Lantas i Yesus notatae, “Palesayamo! Ola ahi' de komiu mongabali' ka' timbali susumo to ana-anak, komiu timbali minsoop mian anu palesayamo hi Tumpu.


Sahingga i Yesus notatae hi anu saja' mombatuki Ia, “Bakas na to ana-anak aijo' toka hi beleng-Ku! Boli montewa' aha, kalana to mia-mian anu susumo aiya na timbali mian anu palesayamo hi Tumpu.”


Inau'mo na aiya! Ihena madi' mangadap hi Tumpu sumo samian na anak, madi' timbali minsoop mian anu palesayamo hi Tumpu.”


O inau'! Mian anu madi' mangadap hi Tumpu sumo samian na anak, madi' timbali minsoop mian anu palesayamo hi Tumpu Allah.”


Tiba palamandian aijo' kita ilamunmo tiba i Kristus ka' sinilakamo hingga-hinggat tiba Ia, da sumo i Kristus sinilaka po'ule' pinotumuu' kuasa nu Tuuma anu daka', sumo aitumo mule' na kita timbali monjalani sa'angu' na kantumuu'an anu bu'ou.


To Utu-utus! Boli bapikin sumo to ana-anak. I han anu ma'idek, bakas da tataapmo na komiu susumo anak ise'. Panyo i han bapikin, tionyo ahi' komiu timbali mian anu motu'amo.


Iamo na nongkunsun ingko-ingkot anu opotinjo aijo' sahingga tinimbali Laigan nu Tumpu, anu samata-mata Tumpu na tumpu-Nyo.


Madi' sumo aijo'! Panyo ola ahi' kita tionyo momponyata' hahan anu totu'u nu kinyonyoa anu mongkalibosi hondo, sahingga i uno nu iwi-iwi' na han kita kopipinnyo timbalimo talakana' pokakana sumo i Kristus anu timbalimo kapalanto.


To Utu-utus, kami saja' tionyo montaloakon talima kase hi Tumpu kalana komiu. Ka' konanyomo na kami mombau sumo aijo', kalana komiu nompaka palesayamo hi Kristus, ka' komiu lebemo nompaha kali-kalibosimo samian ka' samian.


Kalana potatae anu tumuu' ka' sampe toka sidu-sidutu' lengkat mae hi Tumpu aijo', belemiu pinotimbalimo manusia bu'ou anu misa' i hampeakon nu manusia, panyo lengkat mae hi Tuuma anu tumuu' sampe toka sidu-sidutu'.


Tionyo ahi' belemiu lebemo mongoa'i balakat i Yesus Kristus, Tumpu ka' Tomundo anu Momposalamat kita, ka' tionyo ahi' belemiu lebemo mule' monsumbu' Ia. O puji' na Ia, uuka aiya ka' sampe toka sidu-sidutu'! Amin. Tabea' mami, I Petrus 9


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ