1 PETRUS 2:19 - KITAB NU TUMPU ALLA LELE MA'IMAI'

¹⁹ Tumpu na mombalakati belemiu, de komiu mangalati' i kahanda' nu Tumpu, sabaan na mongoa'i sansala i hukuman anu madi' adin.

1 PETRUS 2:19 ပူးပေါင်းရင်းမြစ်များ

AYUB 21:27

Memang ku sumbu' apaa na anu opotutugakon nu belemiu, ka' iwi-iwi' na kalakuan anu ma'idek anu otanga'imo nu belemiu.

MAZMUR 119:86

Iwi-iwi' na atulan nu Belento timbali otaha'imani, tulungiakon mae na aku, kalana aku i loloi'mo mae madi' ko sababnyo.

MAZMUR 35:19

Boli opojohok na aku opopo ambangmo nu mian anu monsampobali' mae aku padahan madi' ko sababnyo. Boli opojohok na aku okokojoi nu mian anu mongka'ideki mae aku padahan madi' ko sababnyo.

MAZMUR 38:19

Ku akuimo na dosa'ku iwi-iwi'; kinyonyoangku bata-bata na mompotutugakon kasala'anku.

MAZMUR 69:4

Aku lewa'mo nomoita tulung sahingga aku nalawemo ka' mule' gogohongku pinakamo hondo. Matangku naposmo hondo na lewa' montanda'i Tumpungku pa' hipian mae na montulungi aku.

LUKAS 6:32

De komiu mongkalibosi to mia-mian ola anu saja' mongkalibosi komiu, apaa na gunanyo? Mian anu baladosa' pe'e mongkalibosimo to mia-mian anu mongkalibosi aha!

YOHANES 15:21

Iwi-iwi' aijo' saidi' mae nubau nu aha hi komiu, kalana komiu anu saja' mombatuki Aku, kalana aha madi' monsumbu' Ia anu nonsai mae Aku.

SISIKON NU TO RASUL-RASUL 11:23

Ka' salatan i Barnabas tinokamo kiijo' mae, ka' nontoa mosia na Tumpu nombalakatimo to mia-mian aijo', ia ilame' hondo. Lantas ia nompoita da aha totu-totu'u mohongo-hongo Tumpu nu iwi-iwi' na kinyonyoa.

ROMA 13:5

Mokonyo aijo' kita Utus tionyo montapali pamalentah – misa' ola kalana kita Utus madi' mongka'oho' o hukum, panyo kalana molengkat mae ahi' i kinyonyoaum anu mohongo-hongo totu-totu'u.

1 KORINTUS 15:10

Panyo kalana balakat nu Tumpu aku tinimbalimo susumo tinuu'ku uuka aiya. Ka' madi' pinalasuma na Tumpu nongampunimo aku. Pakalaus aku ahi' na mokalaja lebe makeke molingkudui rasul kanjoo'annyo sangga'at. Panyo sabenannyo aijo' misa' usahangku; aijo' usaha nu Tumpu anu mongkalibosi aku ka' mokalaja hingga-hinggat ka' aku.

2 KORINTUS 1:12

Kami sanang kalana kinyonyoa mami na mompohoson kami, saba' kantumuu'an mami i dunia aiya – anu talalo hondo pompahasumbu'an mami tiba kita Utus – pinojalanmo mami ma'i-ma'ima' ka' sahondo-hondonyo. Kami nombau aijo' misa' kalana kapandean nu mian, panyo kalana kahosonan anu binee' nu Tumpu Allah.

2 KORINTUS 8:1

To Utu-utus, O'indi mami da komiu monsumbu' suele mongkona mosia na ko'ima'nyo na Tumpu hi to jama-jama'at i Makedonia.

2 TIMOTIUS 1:12

Mokonyo aijo' aku nongoa'imo kasansala'an iwi-iwi' aiya, panyo aku tataap palesaya totu-totu'u, kalana kusumbu' ihe na anu ku palesaya. Ku palesaya totu-totu'u saba' apaa na anu pinalesayakon-Nyomo hi belengku Ia sanggup ahi' na monjagai sampe toka i Sinaa Kakiamatanmo.

IBRANI 10:2

Bisuannyo to mia-mian anu monsombah Tumpu aijo' totu-totu'u binelesi'mo i dosa', aha madi'mo daagi' ko pikilan montutugi dosa', ka' koloban madi'mo daagi' osombahkon.

1 PETRUS 2:20

Kalana apaa na ima'nyo de belemiu sabaan na mongoa'i hukuman anu sabenannyo o tanggung nu belemiu kalana sinala'mo? Panyo de belemiu sabaan na mongoa'i sansala anu mongkona belemiu kalana mombau anu totu'u, saba' Tumpu mombalakatije belemiu.

1 PETRUS 4:15

Boli ko samian itina' hi komiu mongoa'i kasansala'an kalana ia topo patei, kabai pambuling, kabai anu saja' mombau idek, kabai kalana ia monggalo'i ulusan nu mian sangga'at.