1 PETRUS 2:17 - KITAB NU TUMPU ALLA LELE MA'IMAI'

¹⁷ O'angga'i na mian iwi-iwi', ka' o kalibosi na to utu-utus miu sangko mian Kristen. O kabuhuk na Tumpu ka' o adati na Kaisar.

1 PETRUS 2:17 ပူးပေါင်းရင်းမြစ်များ

KAJADIAN 20:11

I Abraham nontaami, “Ku tutugi saba' i aiya madi' ko mian anu mabuhuk hi Tumpu Allah, sahingga aku nupateimo nu mian anu mongka'ima'i bengkele'ku.

KAJADIAN 22:12

“Boli osakiti nu belento na anak aijo' kabai opoposia nu beleyum na ia”, sumo aijo' na potatae nu Tumpu anu pinoto'i nu malaekat. “Uuka aiya sinumbu'-Kumo taalu' beleyum mongadati ka' tulu-tulutan hi beleng-Ku, kalana beleyum madi' pinanggaga na nombee' anak nu beleyum anu sa'a-sa'angu'nyomo aijo' hi beleng-Ku.”

KAJADIAN 42:18

I sinaa ko itolunnyomo i Yusuf notataemo hi aha, “Aku mian anu mabuhuk ka' tulu-tulutan hi Tumpu Allah. Belemiu madi' opoposia asan mombatuki atulanku.

1 TAWARIKH 29:20

Noko lapas na binalado'a sumo aijo', pinoto'imo i Daud hi mian da'isan anu sinihukmo, “O puji' na Tumpu Allah nu belemiu!” Sahingga iwi-iwi' na mian lewa'mo nompuji' Tumpu, Tumpu Allah anu nu sombah nu mompolee' nu aha. Lantas aha tinolodadupumo nongadati Tumpu tiba i tomundo'.

MAZMUR 111:10

Ihe na mongkahanda'i da pande tionyo ahi' moholomati Tumpu. Ia mompopangalati' mian iwi-iwi' anu tulu-tulutan. O, puji' na Tumpu sansina-sinaa!

NOSABATMO 20:12

O adati na tuuma ka' tina nu belemiu da belemiu mohumpak ka'ima'an ka' mantan nu umun i lipu' anu Ku bee' hi belemiu.

AMSAL 1:7

Da mohumpak ilimu' anu sahondo-hondonyo momonanyo mian tionyo ahi' mongadati ka' mabuhuk hi Tumpu. Mian anu ponga' madi' mongangga'i kapandean bapikin ka' madi' mongka'oho' opogulu'.

AMSAL 23:17

Boli mongka'ideki mian anu baladosa'. Saja' o tuluti na Tumpu Allah,

AMSAL 24:21

O anaku, okabuhuk na Tumpu ka' oholomati na tomundo. Boli mobobatukan tiba mian anu madi' situju hi aha.

ANU MOMPOLELE POTATAE NU TUMPU 8:2

De tomundo' mompalentahmo otapali; ka' boli balajanji kosia-sia' hi Tumpu.

IMAMAT 19:32

O angga'i ka' o adati na to mia-mian anu motu'amo. Tionyo ahi' belemiu mongadati ka' okabuhuk na Aku, kalana Akumo na Tumpu.

ZAKHARIA 11:14

Lapas aijo' pinato'kumo na tokonku ko ohua'nyo, aijo'mo anu kusanggohi “Posegotan”, maka no poso'mo na posaangu'an i Yehuda ka' Israel.

MATIUS 22:21

“Tomundo,” tinaaman nu aha. Saba' i Yesus notatae hi aha, “Desumo aitu, bee'mo hi Tomundo apaa na anu i Tomundo, ka' hi Tumpu apaa na anu nu Tumpu Allah.”

YOHANES 13:35

De komiu mompaha kali-kalibosi, atina'je ka' nusumbu' nu mian iwi-iwi', taalu' komiu anu saja' mombatuki Aku.”

ROMA 12:10

Tionyo to Utu-utus mompaha kali-kalibosi samian ka' samian nu kinyonyoa ma'ima' sumo to mia-mian anu moto utus i sa'angu' na auwan, ka' opai-pai lio komiu mompaha tabe-tabea'i ihe na tongkoimoona montabea'i.

ROMA 13:7

Jadi o bayan hi pamalentah apaa na anu tionyo o bayan nu kita Utus hi ia. O bayan na hasin de kita Utus tionyo mombayan hasin; ka' bea o bayan de kita Utus tionyo mombayan bea. O'angga'i na aha de anu tionyo o'angga'i, ka' o'adati na aha de anu tionyo o'adati.

2 KORINTUS 7:1

To Utu-utus anu okanonongi! Iwi-iwi' na anu jinanji'mo aijo' kona hi kita. Mokonyo aijo' iwi-iwi' na anu mombusiki kinyonyoa ka' butongto tionyo ahi' opobelesi'. Tumpu tionyo ahi' okabuhuk da kita timbali tumuu' maima ka' hondo-hondo mombau apaa na anu nu palentahkon.

EFESUS 5:21

Bau pongadati i Kristus, maunyo ahi' komiu mompaha hongo-hongo samian ka' samian.

FILIPI 2:3

Boli mombau apa-apaa ola kalana kapalaluan nu posi butong, kabai da bau pombuulakon butong. Ola ahi' tionyo komiu toto samian mati aluk na kinyonyoa, ka' monsangka mian sangga'at na lebe talakana' molingkudui butong miu.

1 TIMOTIUS 6:1

To mia-mian Kristen anu tinimbalimo posaihon, tionyo ahi' nu akui nu aha na tuan nu aha patut ahi' o adati, da mian madi' mombusiki sanggo nu Tumpu kabai pangajalanto.

IBRANI 13:1

Tionyo ahi' komiu tataap mompaha kali-kalibosi samian ka' samian susumo to mia-mian Kristen anu moto utus.

1 PETRUS 1:22

Kalana komiu tulu-tulutan i pangajalan anu lengkat mae hi Tumpu, jadi belemiu mompolomas ahi' butong, ka' halala' ahi' na mongkalibosi to mia-mian anu bubu'mo pokakana na kapalesaya'an. Kalana aijo' tionyo ahi' kinyonyoa miu mompaha kali-kalibosi totu-totu'u samian ka' samian.

1 PETRUS 2:13

Kalana Tumpu, sahingga tionyo ahi' belemiu mati aluk hi batu-batu anu mongkuasai manusia; mau hi Kaisar anu talalo mongkuasai,

1 PETRUS 5:5

Sumo aitumo na kita Utus, to oli-olitau ka' to lalangkoyang. Tulu-tulutan hi to mia-mian anu motu'amo. Kita Utus iwi-iwi' boli ko tige-tige ka' mompaha kale-kalesang ahi', boli kobubuun na kinyonyoa. Kalana i uno nu Kitab nu Tumpu tinulismo sumo uuka, “Tumpu mongewa mian anu buulon, panyo mongkalibosi mian anu madi' ko tige-tige.”

1 SAMUEL 15:30

Tinaaman i Saul, “Binaladosa'mo na aku. Panyo tulungi mae kita Tuumangku, imbo' minsusule'mo hingga-hinggat tiba aku da aku monsombahmo Tumpu Allah nu belento Tuumangku. Tiba jalan anu sumo aijo' belento Tuumangku mongadatimo aku i ahop nu to pola-polaya' nu bansangku tiba mule' i ahop nu aha iwi-iwi' na mian nu Israel.”