1 PETRUS 2:1 - KITAB NU TUMPU ALLA LELE MA'IMAI'

¹ Kalana aijo', alinmo na anu ma'idek iwi-iwi' itina' i butongum; bolimo daagi' baleko', ka' boli mimbudi-budi. Boli mongka'ideki mian sangga'at, ka' boli mompopo'ise' mian sangga'at.

1 PETRUS 2:1 ပူးပေါင်းရင်းမြစ်များ

AYUB 36:13

Mian anu madi' palesaya Tumpu saja' motambuha' i uno nu kinyonyoanyo; mau nuhukumo nu Tumpu, madi' mongka'oho' na aha momoita tulung.

MAZMUR 32:2

Mohumpak ka'ima'an na kantumuu'an nu mian anu palabuatannyo ma'i-ma'idek madi'mo nu palahatikan nu Tumpu ka' suele anu madi' ka'oho' mongakali.

MAZMUR 34:13

Pa' belemiu mongka'ima'i da mantan na umun ka' molasai anu ma'ima'?

MAZMUR 37:1

Mazmur i Daud. Boli bata-bata kalana palabuatan nu mian anu ma'idek na kinyonyoanyo boli pusa hi mian anu nombaumo palabuatan anu sala'.

MAZMUR 73:3

kalana aku nongka'idekimo mian anu saja' takabun, salatan aku nontoamo mian anu ma'idek na kinyonyoanyo nohumpakmo dale'.

AMSAL 14:30

Kinyonyoa anu madi' lewa' mangada' momposehat butongnyo; panyo anu saja' pusa nakinyonyoa sumomo panyakit anu monsilakai.

AMSAL 24:1

Boli mongka'ideki mian anu ma'idek na kinyonyoanyo ka' boli mongka'ima'i mosangalu tiba aha.

AMSAL 24:19

Boli mongka'ideki kabai madi' sanang hi mian anu ma'idek na kinyonyoanyo.

AMSAL 3:31

Boli ma'idekan na kinyonyoa hi miana nu talalo mompakisa mian, ka' boli montiho kalakuan nu aha.

YESAYA 30:22

Iwi-iwi na patong bapilogotan nu belemiu anu ilapisan nu salaka tiba mosoni' saidi' mae o, alinmo nu belemiu susumo duhehe ka' motatae, “Lako' pala'imo na aku!”

MATIUS 15:7

Komiu mian baleko'! Kona hondo apaa na anu tinaeakonmo i Yesaya mongkona komiu, aitumo,

MATIUS 23:28

Sumo aitumo na komiu. I sambiha'nyo komiu o toa ma'ima' hi mian; panyo i unonyo komiu mobuke' nu kabaleko'an ka' mombahakon palentah.”

MATIUS 24:51

Saba' posaihon-posaihon aijo' pinahandokeakon totu-totu'u nu tuannyo ka' ingalin nokiijo' i tampat nu to mia-mian anu palangues. Aha humaang ka' mongoa'i sansala i kiijo' mae.”

MATIUS 7:5

Ee baleko'! Alinakon pe'e na pangkot i posi mataum, timbalije beleyum montoa totu-totu'u, ka' timbali mongalinakon sangkunyit na kau' i mata nu utusum.

MARKUS 12:15

I Yesus monsumbu' kabaleko'an nu aha. Ia nontaami, “Apaa na sababnyo komiu kahanda' monsobai, molio kasala'an-Ku? Soba potoamae hi beleng-Ku sa'angu' na doi salaka.”

LUKAS 11:44

Silaka na komiu! Komiu sumo kubun anu madi' ko paliasa'nyo, anu nu peja-peja' nu mian kalana madi' nu sumbu'.”

LUKAS 12:1

Momada-madala na mian nompaha genso-gensotmo sampe ko anumo pinahampeja'akon na tengkenyo. Hau-haunyo mian haha aijo' gombu-gombu, i Yesus notatae hi anu saja' mombatuki Ia, “Obala'ingati na ragi nu mian Farisi, patu nu potataeng-Ku, kageguanan nu aha.

LUKAS 6:42

Mosia na komiu montaloakon hi utusum, ‘Imbo', utus da ku alinakon na kau' sangkunyit atina' i uno nu mataum,’ yo aitu i uno nu posi mataum daagi' ko balak anu madi' otoa miu? O anu baleko'! Alinakon pe'e na balak anu daagi' i posi mataum. Atina'je ka' komiu moko toa mana-manasa, ka' timbali mongalinakon sangkunyit na kau' i mata nu utusum.”

YOHANES 1:47

I Yesus nontoa i Natanael tinoka, lantas notatae mongkona ia, “Toa, aijo' mian nu Israel totu-totu'u. Madi' ko baleko'nyo hi ia.”

ROMA 1:29

Kinyonyoa nu aha nobuke'mo nu anu toto ma'i-ma'idek, anu madi' totu'u; nobuke'mo nu mangoa, kabusikan tiba saja' mongoa'i singgi; nobuke'mo nu kahanda' mompai patei, mahantuda', mongakali tiba mongingu. Aha mongka'ima'i solaa' monsisik mian sangga'at,

1 KORINTUS 14:20

To Utu-utus! Boli bapikin sumo to ana-anak. I han anu ma'idek, bakas da tataapmo na komiu susumo anak ise'. Panyo i han bapikin, tionyo ahi' komiu timbali mian anu motu'amo.

1 KORINTUS 5:8

Jadi imbo' da kita molame'akon bau-bauonto aijo' nu roti anu madi' ko raginyo, aijo'mo roti anu monggambanakon kabelesi'an ka' iwi-iwi' anu nuka'ima'i nu kinyonyoa nu Tumpu. Boli kita molame'akon bau-bauon nu Paskah aijo' nu roti anu ko raginyo pininmo, aijo'mo ragi nu dosa' tiba ka'idekan.

2 KORINTUS 12:20

Aku bata-bata de aku mamba molenga saidi' mae, ku tokai na komiu madi' sumo anu tinahaimanankumo. Boli-boli saidi' mae daagi' ko anu mahantuda', anu sumpu, anu buhingison, anu mompentingkan kapalaluan nu posi butong, anu ola lewa' mompobau-bau, anu ola monsale'i da mombau gau' ma'idek, anu ola kobubuun, ka' anu ola momposubali pikilan.

EFESUS 4:31

Alinakon na anu o'oa'i moko pasakit na kinyonyoa mongingu ka' pusa. Bolimo daagi' mahaloboo'an ka' solaa' monguduli. Bolimo daagi' ko kinyonyoa mongka'ideki kabai ko kinyonyoa sangga'at anu sumo aijo'.

1 TESALONIKA 2:3

Kami monsale'i komiu misa' pa' sinangkalinga; ka' misa' mule' ko kahanda' anu madi' ma'ima' kabai ola mongakali.

1 TIMOTIUS 3:11

Bengkele' nu aha suele tionyo ahi' mian anu tobos, misa' mian anu mongka'ima'i lewa' mombebakon sisik anu madi' totu'u. Aha tionyo monsumbu' boli mahasisikon ka' jujun i uno nu han iwi-iwi'.

TITUS 2:3

Sumo aitu mule' tionyo ahi' beleyum mompokinde'i to bou-boune anu bengkele'mo da kalakuan nu aha sosok tiba apaa na anu patut hi mian anu tumuu' samata-mata bau kapentingan nu Tumpu. Aha madi' timbali mompitana'i mian sangga'at ka' madi' timbali katagean i inumon anu moko palangu. Aha tionyo ahi' mongajanakon hahan anu ma'ima',

IBRANI 12:1

Yo de hi kita, manjoo' hondo aiya hi kita na sakisi! Kalana aijo', imbo' da o'alintomo iwi-iwi' na anu mompiboati ka' dosa' anu saja' maningkampit hi kita. Ka' imbo' na kita da sabaan na mombatuki baku lebee anu aiyamo i ahopto.

YAKOBUS 1:21

Mokonyo aijo', alinmo na kabiasa'an anu mahenyu ka' ma'idek. Boli kobubuun na montalima potatae anu sinu'anmo nu Tumpu Allah i uno nu kinyonyoa miu, kalana potatae aijo' ko kuasa momposalamat komiu.

YAKOBUS 3:14

Panyo de komiu minsihip, mongka'ideki sangga'at, ka' mompentingkan posi butong, boli mombuulakon kapandean aijo', kalana tiba jalan anu sumo aijo' komiu monggeo-geo'akonmo lele anu nolengkat mae hi Tumpu.

YAKOBUS 4:11

To Utu-utus, boli mompaha alu-alu kabai mompaha pisa-pisala'i. Mian anu mongalu kabai mompisala'i utusnyo anu bubu' Kristen, ia mongalu kabai mompisala'i atulan nu Tumpu. Ka' de komiu mompisala'i atulan nu Tumpu, aijo' alati'nyo komiu madi' mombatuki atulan haha aijo', panyo mongatunmo atulannyo.

YAKOBUS 4:5

Boli monsangka Kitab nu Tumpu notatae madi' ko sababnyo, “I uno nu butongto Tumpu nompojoongmo roh anu madi' opoko gagakon na pongka'oho'nyo.”

YAKOBUS 5:9

Boli lewa' motusa' ka' mompaha pisa-pisala'i, da komiu madi' o hukum nu Tumpu. O inau'! Mian Kopian ingohanimo, malia'mo toka.

1 PETRUS 2:16

Komiu tionyo ahi' tumuu' sumo mian anu bebas, panyo boli mompake kabebasan nu belemiu aijo' da bau pongkulubi anu ma'idek, panyo tumuu'mo ahi' susumo posaihon nu Tumpu.

1 PETRUS 2:22

Ia madi' toho' nombau dosa', ka' madi' toho' samian pe'e na nohongo Ia binaleko'.

1 PETRUS 3:10

I uno nu Kitab nu Tumpu tinulismo sumo uuka, “Mian anu mongka'oho' mongoa'i kantumuu'an ka' mongka'oho' mongoa'i iwi-iwi' na sinaa anu ma'ima', nganga'nyo o jagai ahi' da boli lewa' monsisik hahan anu ma'idek, ka' madi' montaeakon hahan anu baleko'.

1 PETRUS 4:2

Kalana aijo', saja' ahi' komiu tumuu' i dunia aiya mombatuki pongka'oho' nu Tumpu, ka' misa' mombatuki pongka'oho' nu manusia.

1 PETRUS 4:4

Tempo' uuka mian anu madi' monsumbu' Tumpu, mongkabangangi kalana komiu madi'mo mombatuki tumuu' sumo aha, mombau dosa' madi' ko batasnyo. Mokonyo aijo' aha monjojoa belemiu.

ANU PINOTO'I HI YOHANES 14:5

Madi' toho' aha baleko'; ka' madi' ko anu opisala'i sangkiding pe'e hi aha.