1 PETRUS 1:8 - KITAB NU TUMPU ALLA LELE MA'IMAI'

⁸ Komiu mongkalibosi Ia mau mule' naipuan mae komiu madi' nontoa Ia. Ka' komiu pinalesayamo hi Ia mau mule' uuka aiya komiu madi' nontoa Ia. Mokonyo aijo' komiu lame' ka' mongoa'i kasanangan anu daka' ka' anu madi' opoko taloakon.

1 PETRUS 1:8 ပူးပေါင်းရင်းမြစ်များ

NYANYIAN ANU TALASANGGO 1:7

O sindua'anku poto'i mae, iya mae na polaya'an nu beleyum domba haha aijo', Iya mae na pompolukutan nu beleyum aha de malomo? Toho' mule' na aku susumo mian anu lewa' mamba momoya hi aha gombuan nu domba nu to sanga-sangalu nu beleyum?

NYANYIAN ANU TALASANGGO 5:16

De ia motatae sanang hondo na mohongo, iwi-iwi' na anu aijo' i butongnyo oka'ima'i. Somo aijo'mo na sindua'anku ka' mule' anu mompahakona tiba aku, o to lalangkoyang nu Yerusalem!

NYANYIAN ANU TALASANGGO 5:9

Pa' sindua'an nu beleyum na molingkudui sindua'an nu sangga'at, o langkoyang anu talalo ahi' tingkai'on? Pa' sindua'an nu beleyum na molingkudui sindua nu sangga'at, sahingga beleyum nonsaimo kami balajanji'?

MATIUS 10:37

Mian anu mongkalibosi tumanyo kabai tinanyo molingkudui Aku, madi' pantas timbali anu mombatuki Aku. Sumo aitu mule' na mian anu mongkalibosi anaknyo mo'ane kabai boune, molingkudui Aku.

YOHANES 14:15

“De komiu mongkalibosi Aku, komiu tionyo monjalanakon to pale-palentah-ngKu.

YOHANES 14:21

Mian anu montalima to pale-palentah-ngKu ka' mombau, iamo na anu mongkalibosi Aku. Tuumang-Ku mongkalibosi mian anu mongkalibosi Aku. Aku mule' mongkalibosi mian aijo' ka' mompotoa butong-Ku hi ia.”

YOHANES 14:24

Mian anu madi' mongkalibosi Aku, madi' mombatuki pangajalan-Ku. Pangajalan anu ohongo miu aijo', misa' lengkat hi beleng-Ku, panyo lengkat mae hi Tuuma anu nonsai mae Aku.

YOHANES 16:22

Sumo aitu mule' na komiu: Uuka komiu susa' na kinyonyoa, panyo Aku singkabotje mule' tiba komiu, sahingga kinyonyoaum po'ule'je lame'; ka' madi' ko samian pe'e na moko ala kalame'an aijo' i kinyonyoaum.

YOHANES 20:29

Sahingga i Yesus notatae hi ia, “Te misa' o beleyum palesayamo kalana nontoamo Aku? Higahi na mian anu palesaya mau mule' madi' montoa Aku.”

YOHANES 8:42

Lantas i Yesus notatae hi aha, “De Tumpu aijo' Tuumaum, komiu tionyo mongkalibosi Aku, kalana Aku tinoka mae lengkat hi Tumpu. Aku madi' tinoka kalana posi pongka'oho'ku, panyo Ia anu nonsai mae Aku.

SISIKON NU TO RASUL-RASUL 16:34

Lapas aijo' ia nomboa i Paulus ka' i Silas nokiijo' i laigannyo ka' nombee'i nongkaan aha. Ia ka' iwi-iwi' to Utu-utusnyo sinanangmo hondo kalana aha uuka aiya pinalesayamo hi Tumpu.

ROMA 14:17

Kalana de Tumpu mompalentahmo kantumuu'an nu mian toto samian, apaa na anu timbali nukaan kabai o inum, madi'mo penting. Anu penting aijo'mo, mian anu mohongo-hongo pongka'oho' nu Tumpu Allah, mongoa'i sabaan na kinyonyoa, ka' montalima kalame'an anu binee'mo nu Roh nu Tumpu.

ROMA 15:13

Tumpu aijo'mo na tampat anu otaha'imani miu. O amalakon iaje na mongisi kinyonyoaum nu iwi-iwi' na kalame'an ka' ka'ima'an, kalana komiu palesaya hi Ia, da kalana kuasa nu Roh nu Tumpu komiu mompaka taha'iman hi Tumpu.

1 KORINTUS 16:22

Mian anu madi' mongkalibosi Tumpu, nukutuki nu Tumpu na ia! Maranatha – Tumpu mami, tinokamo!

2 KORINTUS 1:22

Kalana han aijo' sahingga Tumpu nompotantumo kita, iamo na tumpu-Nyo, ka' nombee'imo Roh-Nyo i kinyonyoanto salaku tanda pompohoson saba' tionyo nu bee' hi kita iwi-iwi' na anu jinanji'-Nyomo.

2 KORINTUS 4:18

Kalana kami madi' mongka'ima'i hahan anu kantoan, panyo anu madi' kantoan. Anu kantoan ola montahan sasaingoni', panyo anu madi' kantoan aijo' pin sampe toka sidu-sidutu'.

2 KORINTUS 5:7

Kalana kami tumuu' mintoong i kapalesaya'an hi Kristus, misa' mintoong i apaa na anu otoa,

2 KORINTUS 9:15

Tionyo ahi' kita montalima kase hi Tumpu kalana anu binee'-Nyomo aijo' madi' ko gampanyo!

GALATIA 5:22

Sumo aitu mule' de to mia-mian nupotiju'mo nu Roh nu Tumpu Allah, kasawe'annyo aijo'mo: Aha mompaha kali-kalibosimo, aha lame'mo, aha madi'mo lewa' mombau apa-apaa; aha sabaanmo ka' monginau' sangalu, aha mongkanonongi mian sangga'at, aha tulu-tulutan,

GALATIA 5:6

Kalana de kita mosa'angu'mo tiba i Kristus Yesus, han mombatuki kabai madi' mombatuki atulan nu sunat, madi'mo mongkuka. Anu palalu hondo ola ahi' palesayamo hi Kristus, ka' aijo' oponyata' i uno nu kita mongkalibosi mian sangga'at.

EFESUS 3:19

anu de ola kapandean nu mian madi' opoko sumbu' hondo-hondo. Ku'amalakon da komiu monsumbu' kalibosan i Kristus aijo', sahingga tabiat nu Tumpu mobuke'mo ma'i-ma'ima' hi komiu.

EFESUS 6:24

O amalakon da Tumpu mombalakati kita Utus iwi-iwi' anu mongkalibosi Tumpunto i Yesus Kristus, nu kalibosan anu madi' ko kapopoho'annyo. Tabea' mami, I Paulus

FILIPI 1:25

Ku palesaya hondo na han aijo'. Mokonyo aijo' kusumbu' aku tataap jojoong tiba to Utu-utus iwi-iwi', da timbali montulungi komiu da mompaka pahoson ka' mompaka sanang na palesaya hi Tumpu.

FILIPI 3:3

Padahan kitamo na to mia-mian anu nontalimamo sunat anu totu-totu'u misa' aha. Kita monsombah Tumpu posi Roh nu Tumpu na nompotuka', ka' kita montalima kase kalana kita tumuu' nosa'ngu'mo tiba i Kristus Yesus. Kita madi' taha'iman i to ada-adat anu ola mombatuki kabiasa'an nu dunia.

FILIPI 4:4

O'amalakon da komiu saja' lame' kalana komiu tinumuu'mo nosa'angu' tiba Tumpu. Po'ule' pe'e kutaloakon: Obau lame-lame'!

IBRANI 11:1

Bala'iman alati'nyo palesayamo totu-totu'u i hahan anu otaha'imani, alati'nyo ko katantuan i unonu kinyonyoa mongkona hahan anu madi' otoa.

IBRANI 11:27

Kalana bala'iman, sahingga i Musa nompala'imo Mesir ka' madi'mo mabuhuk maumo nu tambuha'i nu tomundo'. I Musa nolausakonmo patujunyo sumomo ia nontoamo Tumpu anu madi' otoa-toa.

1 PETRUS 1:6

Kalana aijo' oposanang na kinyonyoa miu, kalana tempo' uuka mau mule' ola sasaingoni' na tempo' panyo komiu tionyo susa' kalana saidi' mae komiu mongoa'i ngangahan nu soba'an.

1 PETRUS 2:7

Batu aijo' ko angga'nyo hondo hi belemiu anu pinalesaya. Panyo bele nu to mia-mian anu madi' pinalesayamo, nukonamo nu to aya-ayat nu Kitab nu Tumpu anu sumo uuka, “Batu anu madi' opake nu to tuka-tukang nu laigan aijo', batumo ahi' ai-aijo' na anu talalo penting,”

1 PETRUS 5:4

Ka' de saidi' mae Polaya' Anu Talasanggo aijo' tokamo mae, komiu mohumpakmo makota anu jongkilaban, anu madi' toho' mingkot na jongkilabannyo.