1 PETRUS 1:7 - KITAB NU TUMPU ALLA LELE MA'IMAI'

⁷ Anu nupatui aijo'mo kahanda' momponyata' pa' komiu totu-totu'u palesaya hi Tumpu kabai madi'. Mosoni' pe'e anu timbali ma'idek, o uji' nu apu. Jadi, palesaya miu anu totu-totu'u molingkudui oli nu mosoni', jadi tionyo ahi' o uji' suele da timbali mahoson. Ka' tiba jalan sumo aijo' komiu o puji' ka' o angga'i tiba opopodaka' toka i sinaa-Nyo de i Yesus Kristus po'ule'mo toka.

1 PETRUS 1:7 ပူးပေါင်းရင်းမြစ်များ

AYUB 23:10

Panyo Nusumbu' na kalakuanku ka' mule' apaa na anu ku bau. De lapangnyo susumo mosoni' aku o'uji', tantu osumbu'mo na kinyonyoangku, totu-totu'u molino.

AYUB 28:1

Daagi' ko tampat anu lewa' pongkekean salaka; daagi' ko tampat mule' lewa' pontapisan mosoni' da totu-totu'u ohumpak na mosoni' anu madi' ko galo'nyo.

MAZMUR 17:3

De Belento monguji' kinyonyoangku ka' de pihi na toka mae mompalesa aku, tantu osumbu'je nu Belento na aku memang ahi' sahondo-hondonyo na kinyonyoangku; potataengku madi' sala' sumomo ahi' pikilanku.

AMSAL 16:16

Mohumpak kapandean bapikin nu lingkudui na mohumpak mosini'; mohumpak ilimu' lebe ko angga'nyo nu lingkudui na mohumpak salaka.

AMSAL 17:3

Mosoni' tiba salaka o uji' iponsuangan; panyo kinyonyoa nu mian nu uji' nu Tumpu.

AMSAL 8:19

Anu nu humpak hi belengku molingkudui mosoni' anu madi' kogalo'nyo lebe ko angga'nyo molingkudui salaka anu madi' kogalo'nyo.

ANU MOMPOLELE POTATAE NU TUMPU 5:14

Kita i hampeakon langgo-langgo' sumo aitu mule' de kita mompala'imo dunia aiya madi' momboa apa-apaa anu i humpak nu lawento.

YESAYA 48:10

Aku nonguji'mo beleyum i uno nu apu kasansala'an susumo salaka sinuangmo i uno nu apu.

YEREMIA 48:36

Iwi-iwi' na kakaya'an nu Kir-Heres tiba songko-songko na Moab imadi'anmo. Aku molibos hondo na montoa kantumuu'an nu aha aijo'; Aku sumomo ahi' mian anu montiop lagu anu otiop de ko anumo silaka isa'angu'na puloit.

YEREMIA 9:7

Kalana aijo' Tumpu Anu Mahakuasa notataemo, “Susumo logam, mian anu palesayamo hi beleng-Ku Ku uji'mo da aha madi'mo daagi' ko galo-galo'nyo. Apaa mule' na daagi' Ku bau hi aha mian anu palesayamo hi beleng-Ku nonombaumo palabuatan anu ma'idek?

ZAKHARIA 13:9

Me sambagian na dunia na daagi' salamat. Ka' mule' aha aijo' Ku posusi'mo susumo salaka anu osuangmo i apu da madi'mo ko galo'nyo. Aha Ku uji'mo susumo mian monguji'mo mosoni'. Lantas aha balado'amo hi beleng-Ku ka' suele ahi' Ku taamimo na aha. Ku poto'imo hi aha tukoong-Ku aha aijo' mian anu palesayamo hi beleng-Ku, ka' aha suele mongakuimo tukoonyo nu aha; Akumo na Tumpu nu aha.”

MALEAKHI 3:3

Ia toka mae da momputusimo, susumo mian anu mompobelesi'mo ka' mule' monsopu'mo salaka. Susumo samian na tukang logam monsopu'mo mosoni' tiba salaka, sumo aijo'mo na anu nu utus nu Tumpu monsopu'mo to ima-imam da aha monsombahkon iwi-iwi na koloban mombatuki ahi' apaa na anu nu situjui nu Tumpu.

NOMBILANGMO 5:28

Panyo de ia madi' ko kasala'an yo ia madi' ahi' nukona nu kutuk ka' daagi' ahi mohumpak anak.

MATIUS 19:28

I Yesus notatae hi aha, “Palesayamo: I Dunia Bu'ou, Anak nu Mian sumuhangje i kasuhangan-Nyo anu talasanggo. Tempo'nyo aitu, komiu anu saja' mombatuki Aku, sumuhangje i sampulu' ka' ohua' na kasuhangan anu talasanggo, ka' momputusi sampulu' ka' ohua' na tulunan nu bansa Israel!

MATIUS 25:21

‘Ma'ima'mo’, koonyo nu tuan aijo', ‘beleyum posaihon anu ma'ima' ka' mohongo-hongo. Kalana beleyum timbali o palesaya i hahan anu sangkiding, manjoo'je na kubee' hi beleyum. Pinsoop ka' batuki na aku, basana-sanang tiba aku!’

MATIUS 25:23

‘Ma'ima'mo’, koonyo nu tuan aijo', ‘beleyum posaihon anu ma'ima', ka' mohongo-hongo. Kalana beleyum timbali o palesaya i hahan anu sangkiding, manjoo'je na kubee' hi beleyum. Pinsoop ka' batuki na aku, basana-sanang tiba aku!’

LUKAS 12:33

Pobaluk na anu daagi' hi beleyum ka' bee' na doinyo hi mian kasiasi. Pombaumo dompet bau kapentingan nu butongum, anu madi' toho' ma'idek, aijo'mo halata' anu opo una' i suluga'. Halata' aijo' madi' ko kapolapusannyo, kalana madi' nupoko ala nu anu buling, ka' atak madi' moko ala mongidei.

LUKAS 17:30

Sumo aitumo na baunyo saidi' mae de sinaa Anak nu Mian oponyata'mo.

YOHANES 12:26

Mian anu mongka'oho' mohongo Aku, tionyo mombatuki Aku; da posaihon-Ku mo'imboa ka' Aku i tampat kajojoongan-Ku. Mian anu mohongo Aku, nu angga'i nu Tuumang-Ku.”

YOHANES 5:44

Mosia na komiu timbali palesaya, de komiu molio da o puji' nu bubu komiu ka' madi' bala usaha molio pompuji' anu lengkat mae hi Tumpu, anu ola-olamo Ia na Tumpu?

SISIKON NU TO RASUL-RASUL 8:20

Panyo tinaaman i Petrus, “Silakamo na beleyum ka' doium! Te kooyum anu obee' nu Tumpu timbali o oli nu doi?

ROMA 2:10

Panyo iwi-iwi' mian anu mongka'oho' mombau anu ma'ima', tionyo obee'i anu opopodaka' ka' anu o adati tiba ka'ima'an lengkat mae hi Tumpu; momoonanyo hi mian Yahudi, sumo aitu mule' hi to mia-mian bansa sangga'at.

ROMA 2:29

Panyo sabenannyo ahi', samian anu totu-totu'u Yahudi aijo'mo mian anu mingkinyonyoa Yahudi, ka' anu totu-totu'u sinunat, aijo'mo sunat i uno nu kinyonyoa anu binau nu Roh nu Tumpu, misa' anu tinulis i uno nu kitab. Mian anu sumo aijo' mohumpak pompuji' lengkat hi Tumpu, misa' lengkat hi mian.

ROMA 2:7

Tumpu mombee'i kantumuu'an kopian ka' sidu-sidutu' hi aha anu sabaan mombau anu ma'ima' da pohumpakan anu ko angga'nyo, anu opopodaka' ka' toka sidu-sidutu'.

ROMA 8:19

Songko-songko na dunia daka-daka' na kinyonyoa montanda'i te tempo'nyo Tumpu momponyata' to ana-anak-Nyo.

1 KORINTUS 3:13

Kalaja nu batu-batu mian otoaje saidi' mae de i Kristus po'ule'mo toka. Kalana i sinaa aijo' apu mokalajamo da toto samian kantoanmo. Apu monguji'mo ka' mompotantumo angga'nyo nu kalaja aijo'.

1 KORINTUS 4:5

Mokonyo aijo', kalana misa' pe'e tempo'nyo, boli komiu lia-lia' montantukan batu-batu mian kosala'nyo kabai madi'. Tanda'i tokaje na Tumpu. Iaje na mompoto'i iwi-iwi' lahasia anu sulu-suluk i uno nu pintung. Iaje na mompotalang tanga'an anu sulu-suluk i uno nu kinyonyoa nu mian. Tempo'je aitu ka' batu-batu mian mohumpak pompuji' lengkat hi Tumpu anu patut nu talima.

YAKOBUS 1:12

Mohumpak ka'ima'an na mian anu sabaan de ia monta'up soba'an. Kalana de ia moko alamo montahan soba'an aijo', ia mohumpakje tambonyo, aijo'mo kantumuu'an anu jinanji'mo nu Tumpu Allah hi to mia-mian anu mongkalibosi Tumpu.

1 PETRUS 1:13

Kalana aitu, tionyo ahi' komiu saja' mosadia. Bajaga-jaga ka' otaha'imani ahi' totu-totu'u na balakat anu obee'je mae hi beleyum de i Yesus Kristus po'ule'mo toka saidi' mae.

1 PETRUS 1:5

Iwi-iwi' aijo' bau bagi miu, kalana komiu pinalesayamo hi Tumpu. Jadi komiu o jagai nu kuasa nu Tumpu da komiu mohumpak kasalamatan anu oponyata'je toka i tempo'nyo saidi' mae.

1 PETRUS 2:4

Mokonyo aijo', tokamo mae hi Tumpu. Ia salaku batu anu tumuu', batu anu ingalinmo nu manusia kalana osangka madi' mingguna; panyo anu pinile'anmo nu Tumpu salaku batu anu ko angga'nyo.

1 PETRUS 2:7

Batu aijo' ko angga'nyo hondo hi belemiu anu pinalesaya. Panyo bele nu to mia-mian anu madi' pinalesayamo, nukonamo nu to aya-ayat nu Kitab nu Tumpu anu sumo uuka, “Batu anu madi' opake nu to tuka-tukang nu laigan aijo', batumo ahi' ai-aijo' na anu talalo penting,”

1 PETRUS 4:12

To Utu-utus anu okanonongi! Komiu tempo' uuka aiya nongoa'imo hondo kasansala'an kalana hau-haunyomo o'uji'. Panyo boli bangang, au'aitu daagi' ko apa-apaa anu tahahumo pa' apaa na tinimbali hi belemiu.

1 PETRUS 4:13

Ola ahi' komiu sabenannyo mongoa'i sanang kalana sansalamo hingga-hinggat tiba i Kristus. Sahingga de saidi' mae katalasanggoan i Kristus opotoamo, komiu balame-lame'je.

1 PETRUS 5:1

Ku poita da okalesang hondo-hondo nu to pola-polaya' nu jama'at miu. Aku nontulis aiya salaku sangalu bubuu' polaya' ka' salaku mian anu nonsakisimo kasansala'an anu ingoa'anmo i Kristus, ka' anu saidi' mae suele opopodaka', de maluannyo katalasanggoan i Kristus opotoamo hi manusia. Ku poita sabole-bole,

2 PETRUS 1:1

To Utu-utus anu totu-totu'u pinalesayamo sumo kami! I Yesus Kristus, aijo'mo Tumpu ka' Tomundo anu Momposalamat kita, nompotimbalimo kita palesaya hi Ia, kalana Ia nombaumo anu totu'u. Sulat aiya lengkat mae hi Simon Petrus, samian na posaihon ka' rasul i Yesus Kristus.

2 PETRUS 1:4

Tiba jalan anu sumo aijo' na Tumpu nombee'imo kita to bala-balakat anu ko angga'nyo ka' madi' ko gampanyo anu jinanji'-Nyomo. Kalana balakat haha aijo' sahingga belemiu nolapasmo i han anu ma'idek anu lewa' okamilui ka' anu nongideimo dunia aiya, ka' komiu nohumpakmo atulan nu Tumpu.

2 PETRUS 3:14

Kalana aijo', to utu-utus anu okanonongi, hau-haunyo belemiu montanda'imo Sinaa aijo', bala usaha totu-totu'u da tumuu' susi' ka' madi' ko alunyo i ahop nu Tumpu. Ka' opokopiani ima-ima' na pompahasumbu'an tiba Tumpu.

YUDAS 1:24

Tumpu, na anu moko ala monjagai da komiu madi' manabu', ka' anu moko ala momboa komiu i ahop-Nyo anu talasanggo ka' mongoa'i lame' ka' madi' ko apa-apaa na anu sinala'.

ANU PINOTO'I HI YOHANES 1:7

Toa, Ia toka mae nu saput nu kundom! Iwi-iwi' na mian montoa Ia, ka' suele aha anu nonjalo'mo Ia. Iwi-iwi' na bansa i dunia mohangi Ia. Memang, totu-totu'u! Amin!

ANU PINOTO'I HI YOHANES 2:10

Boli mabuhuk i kasansala'an anu madi'mo daagi' pin tionyo o'oa'imo miu. O inau', Ibilis momposoopje sambahagian anu atina' hi komiu i uno nu talungku' monsobai miu. Komiu mongoa'ije sansala sampulu' na sinaa na kopinnyo. Tionyo ahi' komiu tulu-tulutan hi beleng-Ku sampe mate, sahingga aku mombee'ije hi beleyum kantumuu'an kopian ka' sampe toka sidu-sidutu' salaku tamboo inguntungmo, i uno nu kasabalan.

ANU PINOTO'I HI YOHANES 3:10

Kalana belemiu nontulutimo palentah-ngKu da totu-totu'u na kinyonyoa, Aku suele monjagaije komiu i tempo' nu kasusa'an anu mongkona songko-songko na dunia. Han aijo' saidi' mae timbali da monsobai iwi-iwi' na mian i dunia.

ANU PINOTO'I HI YOHANES 3:18

Mokonyo aijo' Aku mompokinde'i belemiu, da mongoli hi beleng-Ku mosoni', aijo'mo mosoni' anu madi' kogalo'nyo, da komiu timbali kaya. Oli mule' suele na baju' mopute' hi beleng-Ku, da belemiu mipake ka' mongkulubi kantumuu'an miu anu langgo-langgo' ka' mongambangi. Ka' olimo na pakuli' anu o gegesakon i mata miu da belemiu timbali montoa.

1 SAMUEL 2:30

Aku Tumpu Allah nu Israel, naipuan mae binalajanji'mo da belemiu salaigan ka' belemiu sa'angu' na tulunan mombau anu Ku palentahkon timbali imam sampe toka sidu-sidutu'. Panyo uuka aiya madi'mo Ku ka'ima'i na anu sumo aijo'! Kalana anu mongadati Aku suele Ku adati, panyo anu mongambangi Aku suele Ku ambangi.