1 PETRUS 1:6 - KITAB NU TUMPU ALLA LELE MA'IMAI'

⁶ Kalana aijo' oposanang na kinyonyoa miu, kalana tempo' uuka mau mule' ola sasaingoni' na tempo' panyo komiu tionyo susa' kalana saidi' mae komiu mongoa'i ngangahan nu soba'an.

1 PETRUS 1:6 ပူးပေါင်းရင်းမြစ်များ

MAZMUR 119:28

Kinyonyoangku nohintutumo kalana tinokanmo mae nu kasusa'an, pohosonakon mae na aku susumo anu jinanji'mo nu Belento.

MAZMUR 119:75

Ku sumbu' na kaputusan nu Belento adin o, Tumpu, Belento nohukumo mae aku kalana Belento nongkanonongi mae.

MAZMUR 34:19

Tumpu ohani hi mian anu kinesewamo; ka' momposalamat mian anu madi'mo ko sumangatnyo.

MAZMUR 35:10

Sahondo-hondonyo na kinyonyoangku montaloakon, “Tumpu, Belento madi' koanu timbali pompokakanakonan! Belento nompobebasmo anu madi' mahoson da madi'mo nu kuasai nu anu mahoson, Anu kasiasi ka' sansala da madi'mo sola' obee' kasansala'an.”

MAZMUR 69:20

Sinumbu'mo nu Belento na aku, iletakonmo, ingalumo, ka' pinobau-baumo tinoamo nu Belento iwi-iwi' na mian anu monsampobali' mae aku.

MAZMUR 9:14

Toa mae, na sampobali'ku monsansalamo aku; kalibosiakon mae na aku, o Tumpu, po'uhanakon mae na aku da boli silaka,

MAZMUR 95:1

Imbo' da kita manyanyi bau pompuji' Tumpu, montaligalai anu momposalamat kita!

YESAYA 61:10

Yerusalem notataemo, “Aku i lame'mo kalana Tumpu, kinyonyoangku binilahimo kalana Tumpu. Susumo boting mo'ane ka' boune nompakemo mainan anu toto ima-ima' hondo, sumo atina'mo na Tumpu nompopusok mae hi belengku baju' kasalamatan ka' kamangan.

YESAYA 61:3

da mombee'i kabilahian ka' kalame'an hi mian anu sinusa'mo nakinyonyoanyo kalana koanumo sinilaka; da momabli'imo kinyonyoa nu aha sisinusa'mo timbalimo nyanyian bau pompuji'. Aha sumomo kau' anu pinosi su'an nu Tumpu. Aku mombaumo anu ma'ima' ka' totu'u, sahingga Tumpu opopodaka'mo.

MATIUS 11:28

Tokamo mae hi beleng-Ku na komiu iwi-iwi' anu malawe, ka' anu mongoa'i koboatnyo nu boaon; Aku mompilaweije komiu.

MATIUS 26:37

Lantas Ia nonsale'i Petrus ka' ua'aha na anak i Zebedeus mamba mohingga-hinggat tiba Ia. Ia nomulaimo nongoa'i nolibos ka' madi' sanang.

MATIUS 5:12

To nabi-nabi anu tinumuu' ma'isa pe'e kino komiunyo sinakisamo sumo aijo'. Oposanaang ka' opolame' na kinyonyoa, saba' daka' na tamboo anu pinosadiakon nu Tumpu bau bagi miu.”

LUKAS 1:47

ka' santuu'ku binilahimo kalana Tumpu Pomposalamatku.

LUKAS 10:20

Mau mule' sumo aijo', boli bilahi kalana to roh-roh ma'idek mohongo-hongomo komiu. Sahanyo komiu bilahi kalana sanggoum tinulismo i suluga'.”

LUKAS 2:10

Panyo koonyo nu malaikat, “Boli mabuhuk! Kalana aku toka momboa lele ma'ima' hi komiu – lele anu talalo mompolame' iwi-iwi' mian.

YOHANES 16:22

Sumo aitu mule' na komiu: Uuka komiu susa' na kinyonyoa, panyo Aku singkabotje mule' tiba komiu, sahingga kinyonyoaum po'ule'je lame'; ka' madi' ko samian pe'e na moko ala kalame'an aijo' i kinyonyoaum.

YOHANES 16:33

Iwi-iwi' aiya Ku taloakon da komiu mohumpak ka' ima'an, kalana mosa'angu' tiba Aku. I dunia komiu sansala, panyo potataap na kinyonyoa miu! Ihungku'ankumo na dunia!”

SISIKON NU TO RASUL-RASUL 14:22

I kota-kota aijo' aha nompaka pohoson kinyonyoa nu anu saja' mombatuki Yesus ka' nompokinde'i anu saja' mombatuki aijo' da tataap palesaya hi Yesus. “Kita tionyo manjoo' na mongoa'i sansala i moonanyo, atina'je ka' kita mongoa'i ka'ima'an nu Dunia Bu'ou nu Tumpu,” sumo aitumo na to rasul-rasul aijo' mongajanakon hi anu saja' mombatuki Yesus i to kota-kota haha aijo'.

ROMA 12:12

Tionyo kita Utus saja' montaha'imani Tumpu ka' saja' lame', sabaanakon na kasusa'an, ka' saja' balado'a.

ROMA 5:11

Ka' lebe mule' molingkudui aijo', kita lame' kalana ka'ima'an nu Tumpu anu inyata'mo hi Tumpunto i Yesus Kristus. Kalana palesaya hi Kristus, kita uuka aiya nongoa'imo pompahasumbu'anto anu ma'ima' aijo' tiba Tumpu.

ROMA 5:2

Kalana kita palesaya hi Yesus, sahingga Ia nompotimbali kita moko ala mongoa'i liibos nu Tumpu, ka' kalana liibos aijo' kita tumuu' uuka aiya. Kalana aijo' kita lame' na kinyonyoa, kalana kita ko anu otaha'imani aijo'mo kita mongoa'ije tumuu' ma'ima' anu binee' nu Tumpu!

ROMA 9:2

Aku talalo susa' tibaa kinyonyoangku talalo mongoa'i sansala

2 KORINTUS 4:17

Ka' kasusa'an anu madi' tala-talalomo sumo aiya, anu o'oa'i mami ola sasaingoni', mompodaagi'je hi kami sa'angu' na kabilahian anu madi' ko gampanyo ka' sampe toka sidu-sidutu'. Kabilahian aijo' lebe daka' molingkudui kasusa'an ai-aijo'.

2 KORINTUS 6:10

Mau mule' kinyonyoa mami oposusa', panyo kami saja' ahi' lame'. Kami otoa kasiasi, panyo kami nompotimbalimo manjoo' na mian kinayamo. Otoa kami madi' ko apa-apaa, panyo sabenannyo iwi-iwi' daagi' hi kami.

GALATIA 5:22

Sumo aitu mule' de to mia-mian nupotiju'mo nu Roh nu Tumpu Allah, kasawe'annyo aijo'mo: Aha mompaha kali-kalibosimo, aha lame'mo, aha madi'mo lewa' mombau apa-apaa; aha sabaanmo ka' monginau' sangalu, aha mongkanonongi mian sangga'at, aha tulu-tulutan,

FILIPI 2:26

Ia molibos hondo hi komiu to Utu-utus iwi-iwi', ka' sinusa'mo na kinyonyoanyo kalana komiu nohongomo lele ia masakit.

FILIPI 3:3

Padahan kitamo na to mia-mian anu nontalimamo sunat anu totu-totu'u misa' aha. Kita monsombah Tumpu posi Roh nu Tumpu na nompotuka', ka' kita montalima kase kalana kita tumuu' nosa'ngu'mo tiba i Kristus Yesus. Kita madi' taha'iman i to ada-adat anu ola mombatuki kabiasa'an nu dunia.

FILIPI 4:4

O'amalakon da komiu saja' lame' kalana komiu tinumuu'mo nosa'angu' tiba Tumpu. Po'ule' pe'e kutaloakon: Obau lame-lame'!

1 TESALONIKA 1:6

Komiu mombatukimo sonto' mami, ka' sonto' nu Tumpu. Mau mule' komiu talalo mongoa'i sansala, otalima miu nu lame' na lele anu opolele hi komiu. Kalame'an aijo' binee' nu Roh nu Tumpu.

YAKOBUS 1:2

To Utu-utus! De komiu mongoa'i ngangahan nu soba'an, oa'i na aijo' salaku sumo ka'untungan.

YAKOBUS 1:9

Mian Kristen anu kasiasi de nuhangkatmo nu Tumpu tionyo ahi' saja' mongoa'i lame'.

YAKOBUS 4:9

Tionyo ahi' komiu totu-totu'u na mompele-pele' ka' humaang, ka' montando'i; tionyo ahi' kojoo miu timbali haang ka' lame' miu timbali kasusa'an!

1 PETRUS 3:17

Sahanyo mongoa'i kasansala'an kalana mombau anu ma'ima' – de aijo' pongka'oho'mo nu Tumpu – ka' de mule' mongoa'i kasansala'an kalana mombau anu ma'idek.

1 PETRUS 4:7

Iwi-iwi na apaa mongahopi ka'ahenannyo, mokonyo aijo' okuasai ahi' na butong miu ka' balajaga-jaga, da belemiu moko ala timbali balado'a.

1 PETRUS 5:10

Panyo salatan lapasmo na komiu mongoa'i kasansala'an, Tumpu Allah na saidi' mae mompotimbali belemiu talakana'. Ia na mompotinjo ka' mompohoson belemiu ka' mule' mompotantu belemiu. Kalana Iamo na Tumpu anu manonong hondo, anu nolagamo belemiu da suele mongoa'i katalasanggoan-Nyo anu sampe toka sidu-sidutu' kalana i Kristus.

1 SAMUEL 2:1

Lantas i Hana binalado'amo, ia notatae, “Tumpu nompolame'mo kinyonyoangku; anu binau binauNyo nomposanangmo santu'ku. Sinanangmo na aku mompopo ambang sampo bali'ku, kalana totu-totu'u Tumpu Allah nontulungimo mae aku.