1 PETRUS 1:23 - KITAB NU TUMPU ALLA LELE MA'IMAI'

²³ Kalana potatae anu tumuu' ka' sampe toka sidu-sidutu' lengkat mae hi Tumpu aijo', belemiu pinotimbalimo manusia bu'ou anu misa' i hampeakon nu manusia, panyo lengkat mae hi Tuuma anu tumuu' sampe toka sidu-sidutu'.

1 PETRUS 1:23 ပူးပေါင်းရင်းမြစ်များ

YEREMIA 23:28

Nabi anu nongipimo sabenannyo ahi' mompoto'i, ‘Aiya ola anu ingipi.’ Panyo nabi anu nohumpakmo potuunon lengkat mae hi beleng-Ku na tionyo ahi' mompoto'i potuunon aijo' tiba sahondo-hondonyo. Gandum madi' timbali opokakanakon tiba hatinyo.

IMAMAT 11:37

De bangke' aijo' manabu' i bine' anu kahanda'mo osau, bine' aijo' tataap ma'ima' madi' mahumimi'.

MALEAKHI 2:3

To ana-anak nu belemiu Ku hukumo ka' mule ohup nu belemiu Ku sapuimo nu sengkun nu binatang anu kinolobanakonmo nu belemiu, ka' mule' belemiu oboamo i tambulan nu sengkun.

MATIUS 24:35

Langit ka' tano' lanjap, panyo potataeng-Ku tataap sampe toka sidu-sidutu'.”

LUKAS 8:11

“Aiya na alati'nyo nu kantuangan aijo': Bine' aijo', aijo'mo potatae nu Tumpu.

YOHANES 1:13

anu i hampeakon misa' nolengkat mae i mian, kalana tumuu' bu'ou aijo' lengkat mae hi Tumpu na pinolengkatannyo.

YOHANES 1:3

Iwi-iwi' na anu pinotimbali nolengkat mae hi Ia, ka' iwi-iwi' na anu daagi', madi' ko sa'angu' pe'e na anu pinotimbali de misa' Ia.

YOHANES 3:3

I Yesus nontaami, “Palesayamo, madi' ko samian pe'e timbali minsoop anu palesayamo hi Tumpu, de madi' ia po'ule' ohampeakon.”

YOHANES 3:5

I Yesus nontaami, “Totu-totu'u na potataeng-Ku aiya: de mian madi' ohampeakon nu uee ka' mule' nu Roh nu Tumpu, mian aijo' madi' timbali mian anu palesayamo hi Tumpu.

YOHANES 6:63

Anu nompotimbali mian tumuu' aijo'mo Roh nu Tumpu. Kahosonan nu mian madi' ko kaliangannyo. Potatae anu Ku taloakon hi komiu aiya, aijo'mo na potatae nu Roh nu Tumpu ka' potatae anu mombee'i kantumuu'an.

ROMA 1:23

Misa' Tumpu anu sampe toka sidu-sidutu' na anu osombah nu aha, panyo patong-patong anu montiho to bina-binatang anu timbali mate; aijo'mo mian, tomonsi, binatang anu ko tengkenyo opat, ka' binatang anu jumolo.

IBRANI 4:12

Potatae nu Tumpu aijo'mo na potatae anu tumuu' ka' mahoson; molingkudui tajom nu bajak anu ko matanyo ohua'. Potatae aijo' monsusuk toka-toka i kinyonyoa ka' santuu'; toka-toka i to losu-losuan ka' touak na buku, sahingga monsumbu' totu-totu'u pikilan ka' tanga'an nu mian.

YAKOBUS 1:18

Posi pongka'oho'-Nyo na Ia nompotimbalimo kita to ana-anak-Nyo kalana nohongomo potatae-Nyo anu totu'u. Binau-Nyo sumo aijo' da kita mohumpak tampat anu talasanggo molingkudui iwi-iwi' anu ko nyawa-Nyo anu pinotimbalimo nu Tumpu.

1 PETRUS 1:25

panyo potatae nu Tumpu tataap sampe toka sidu-sidutu'.” Potatae nu Tumpu aijo' Lele Ma'ima' anu binebakonmo hi belemiu.

1 PETRUS 1:3

Imbo' na kita montalima kase hi Tumpu, Tuuma Tumpunto i Yesus Kristus! Ia talalo mongkalibosi kita, aijo' na pu'unnyo Ia nombee'imo kantumuu'an bu'ou hi kita, aijo'mo i Yesus Kristus sinilaka po'ule'mo pinotumuu'. Aiya mompokeman kita da mahoson na montaha'imani.

1 YOHANES 3:9

Mian anu tinimbalimo Anak nu Tumpu, madi'mo saja' mombau dosa', kalana sipat nu Tumpu daagi'mo hi ia. Ka' kalana Tumpu aijo' Tuumanyomo, sahingga ia madi'mo timbali sabau-baunyo dosa'.

1 YOHANES 5:18

Osumbu'to saba' iwi-iwi' na mian anu tinimbalimo to ana-anak nu Tumpu, madi' sabau-baunyomo dosa', kalana Anak nu Tumpu Allah na monjagai ia, ka' Anu Ma'idek madi'mo moko ala mombau apa-apaa hi ia.