1 PETRUS 1:22 - KITAB NU TUMPU ALLA LELE MA'IMAI'

²² Kalana komiu tulu-tulutan i pangajalan anu lengkat mae hi Tumpu, jadi belemiu mompolomas ahi' butong, ka' halala' ahi' na mongkalibosi to mia-mian anu bubu'mo pokakana na kapalesaya'an. Kalana aijo' tionyo ahi' kinyonyoa miu mompaha kali-kalibosi totu-totu'u samian ka' samian.

1 PETRUS 1:22 ပူးပေါင်းရင်းမြစ်များ

YOHANES 15:17

Aiyamo na palentah-ngKu hi komiu. Pompaha kali-kalibosi samian ka' samian.”

YOHANES 15:3

Komiu binalasinmo, kalana pokinde' anu binee'-Ku hi komiu.

YOHANES 17:17

Potimbali na aha matungka' kita Tuuma na tumpunyo, aijo' nyata' i kahondoan; potatae nu kita Tuuma aijo'mo na kahondoan.

YOHANES 17:19

Bau kapalaluan nu aha, Aku mombee' butong-Ku da osumbu' ahi', taalu' kita Tuuma na tumpunyo, da aha suele timbali matungka' kita Tuuma na tumpunyo, aijo' nyata' i hahan anu hondo.

SISIKON NU TO RASUL-RASUL 15:9

Tumpu montoa kita pokakana sumo aha. Ia nompobelesimo kinyonyoa nu aha, kalana aha palesaya.

SISIKON NU TO RASUL-RASUL 6:7

Sumo aitumo na lele lengkat hi Tumpu nompaka togilelemo ka' anu saja' mombatuki Yesus i Yerusalem nompaka da'isanmo. Ka' da'isan mule' na to ima-imam anu pinalesayamo hi Yesus.

ROMA 1:5

Kalana Ia sahingga Tumpu nombee'imo belengku balakat timbali rasul, da aku – mongangga'i Kristus – molaya' to mia-mian lengkat i songko-songko na bansa da palesaya ka' mohongo-hongo.

ROMA 2:8

Panyo to mia-mian anu ola monginau' posi butong ka' madi' montapali Tumpu, panyo ola mombatuki anu ma'idek, to mia-mian haha aijo' nu tambuha'i hondo nu Tumpu.

ROMA 8:13

Kalana de komiu tumuu' mombatuki sipat nu mian, saba' komiu ola mate; panyo de kuasa nu Roh nu Tumpu, komiu saja' mompatei apa-apaa na anu obau, anu moko baladosa', atina'je yo komiu tumuu'.

2 KORINTUS 6:6

Tiba gau' anu hodi', pande, sabaan ka' ma'ima' na kinyonyoa, kami mompotoa saba' kami, aijo'mo posaihon nu Tumpu Allah. Tiba mule' montaha'imani pontulungi nu Roh nu Tumpu Allah, ka' mongkalibosi totu-totu'u lengkat i kinyonyoa,

GALATIA 3:1

To Utu-utus mian nu Galatia! Komiu talalo hondo ponga'! Pa' ihe na nonsale'i komiu? I Kristus sinilaka kalana sinalib pinotalangkumo sahondo-hondonyo hi komiu!

GALATIA 5:5

Panyo de hi kami, kami taha'iman saba' de Roh nu Tumpu Allah na montulungi ka' mimpu'u kalana kami palesayamo hi Kristus, Tumpu montalimamo kami mompo'ule'mo ma'ima' tiba Ia.

GALATIA 5:7

U'utu mae komiu nokalajamo ima-ima'! Uuka aiya na kadaka' komiu madi'mo nontuluti pongka'oho' nu Tumpu? Ihe na nonsale'imo komiu?

EFESUS 4:3

O'usahakon totu-totu'u da tumuu' saja' dame, da posa'angu'an anu pinodaagi'mo nu Roh nu Tumpu tataap ma'ima'.

FILIPI 1:9

Aiyamo na do'angku toka hi komiu: o'amalakon da komiu mompaka kalibosi Tumpu ka' sangko gampa, ka' ko pintu-pintuangnyo na monsumbu' anu totu'u ka' mimpikilan pande.

1 TESALONIKA 3:12

O amalakon hi Tumpu da mompotimbali komiu lebe saja' mongkalibosi samian ka' samian, sahingga kalibosanum ko pintu-pintuangnyo, pokakana sumo kalibosan mami hi komiu.

2 TESALONIKA 1:3

To Utu-utus, kami saja' tionyo montaloakon talima kase hi Tumpu kalana komiu. Ka' konanyomo na kami mombau sumo aijo', kalana komiu nompaka palesayamo hi Kristus, ka' komiu lebemo nompaha kali-kalibosimo samian ka' samian.

2 TESALONIKA 2:13

To Utu-utus anu nukalibosi nu Tumpu! Kami tionyo saja' mompoita talima kase hi Tumpu kalana komiu, kalana lengkat pe'e imoonanyo Tumpu nompile'imo komiu da o posalamat. Han aijo' jinadimo kalana Roh nu Tumpu na nokalaja hi komiu, da komiu timbalimo mian anu palesayamo hi Tumpu anu susi', ka' kalana komiu, pinalesayamo i lele anu totu'u lengkat mae hi Tumpu Allah.

1 TIMOTIUS 1:3

Ku kahanda'i da beleyum tataap jojoong i Efesus, sumo anu pagalamo pinoto'ingku hi beleyum tempo'nyo aku namba i Makedonia. Kalana i Efesus daagi' ko to pia-piangkuka na mian anu mombebakon pangajalan anu madi' totu'u, ka' beleyum tionyo mompobelenti aha.

1 TIMOTIUS 1:5

Kahanda' nu pokinde'ku aijo', atina'mo da mian timbali ko kinyonyoa anu ma'ima' ka' kinyonyoa anu ma'ima' ka' susi', tiba mule' totu-totu'u palesaya hi Tumpu, ka' tiba jalan anu sumo aijo' yo aha timbali mongkalibosi sangalunyo.

1 TIMOTIUS 4:12

Boli mompojohok maumo ola samian na monsangka beleyum madi' kogunanyo kalana beleyum daagi' olitau. Panyo ola ahi' tionyo beleyum timbali bau sonto' hi to mia-mian anu palesayamo i sisik nu beleyum ka' kalakuan nu beleyum i uno nu han beleyum mongkalibosi sangko mian ka' palesaya hi Yesus Kristus, ka' kantumuu'anum mule' ma'ima'.

1 TIMOTIUS 5:2

ka' to bou-boune anu tu'anyomo susumo tina. To lalangkoyang nu palentah susumo utus ise' nu kalakuan anu ma'ima'.

2 TIMOTIUS 1:14

Kalana tulungan nu Roh nu Tumpu anu tinumuu'mo i uno nu kantumuu'anto, tionyo ahi' nu jagai nu beleyum ima-ima' na hahan anu ko halaga'nyo, anu pinalesayakonmo hi beleyum.

IBRANI 11:8

Kalana bala'iman, sahingga i Abraham tulu-tulutan hondo hi Tumpu, tempo'nyo Tumpu nolagamo ia ka' nonsaimo ia namba i lipu' anu jinanji'mo nu Tumpu hi ia. Lantas i Abraham nambamo, padahan madi' nusumbu' pa' moya na kalambanannyo.

IBRANI 13:1

Tionyo ahi' komiu tataap mompaha kali-kalibosi samian ka' samian susumo to mia-mian Kristen anu moto utus.

IBRANI 5:9

Sahingga salatan Ia pinotimbalimo anu momposalamat totu-totu'u, Ia tinimbalimo pinolengkatan nu kasalamatan anu sampe toka sidu-sidutu' kona hi iwi-iwi'na mian anu tulu-tulutan hi Ia,

IBRANI 6:10

Tumpu misa' Tumpu anu madi' adin. Ia madi' mongkolilimi apaa na anu kinalajamo miu hi Ia, ka' kalibosan anu pinotoamo miu hi Ia, tempo'nyo komiu nontulungimo to utu-utus anu sa'a-sa'angu' na kapalesaya'an, tu'utu mae ka' uuka aiya.

IBRANI 9:14

Yo, de baso' tiba abu'nyo aijo' moko ala mompobelesi kahenyuan nu to mia-mian, apaa mule' baso' i Kristus. Kalana kuasa nu Roh anu sampe toka sidu-sidutu', i Kristus nonsombahkonmo posi butong-Nyo hi Tumpu salaku koloban anu ma'ima'. Baso'-Nyo mompobelesi kinyonyoanto da bolimo mombau atulan nu agama anu madi' kogunanyo, da kita timbali mombau palentah nu Tumpu anu tumuu'.

YAKOBUS 1:21

Mokonyo aijo', alinmo na kabiasa'an anu mahenyu ka' ma'idek. Boli kobubuun na montalima potatae anu sinu'anmo nu Tumpu Allah i uno nu kinyonyoa miu, kalana potatae aijo' ko kuasa momposalamat komiu.

YAKOBUS 4:8

O'ohani na Tumpu, da Tumpu suele mongohanije komiu. Obaso'i na lima miu, komiu anu baladosa'! Ka' opolino na kinyonyoa miu, komiu anu mopanga' na kinyonyoa!

1 PETRUS 2:17

O'angga'i na mian iwi-iwi', ka' o kalibosi na to utu-utus miu sangko mian Kristen. O kabuhuk na Tumpu ka' o adati na Kaisar.

1 PETRUS 3:1

Sumo aitumo suele na komiu, to bengke-bengkele' tionyo ahi' obatuki na pongka'oho' nu langkai' nu belemiu, da aha de daagi' ko anu madi' palesaya i lele lengkat mae hi Tumpu, kalakuan nu belemiu na mompotimbali aha da palesaya. Ka' madi' pilenje belemiu montaloakon apa-apaa hi aha,

1 PETRUS 3:20

aijo'mo roh nu to mia-mian anu madi' tulu-tulutan hi Tumpu Allah tempo'nyo daagi' i Nuh. Tempo'nyo aijo' Tumpu sinabaan na nontanda'i sampe i Nuh noko baumo kapannyo. Ola to mia-mian anu i uno nu kapan – iwi-iwi' uwalu' na mian – anu pinosalamat madi' sinilakan nu iaba' pasawe' daka' aijo'.

1 PETRUS 3:8

Isinyo aijo'mo: Oposa'angu' ahi' to Utu-utus na tanga'an ka' kinyonyoa. Pompaha kali-kalibosi ahi' sumo to mia-mian anu moto utus. Ka' mompaha kano-kanonongi ahi', ka' mintabiat madi' montige-tige.

1 PETRUS 4:17

Tinokamo na tempo'nyo Tumpu momputusimo dunia. Ka' mian anu pinalesayamo hi Tumpu na anu o putusi momonanyo. Jadi, de nutampu'unimo nu Tumpu hi kita, mosiamo ahi' na katimbaliannyo saidi' mae tiba to mia-mian anu madi' palesaya i Lele Ma'ima' anu lengkat mae hi Tumpu aijo'?

1 PETRUS 4:8

Mompaha kali-kalibosi totu-totu'u samian ka' samian, aijo' na lebe molingkudui iwi-iwi' kalana de mompaha kali-kalibosi belemiu suele timbali mompaha ampu-ampuni.

2 PETRUS 1:7

Ka' tumuu' mombatuki pongka'oho' nu Tumpu tionyo ahi' otiwai nu mongkalibosi to utu-utus anu pokakana na iman. Ka' mule' de komiu mongkalibosi to utu-utus anu pokakana na iman tionyo ahi' otiwai nu mongkalibosi iwi-iwi'na mian.

1 YOHANES 3:11

Salatanmo pe'e momonanyo pinotokakonmo na lele aiya hi komiu: Kita tionyo mompaha kali-kalibosi samian ka' samian.

1 YOHANES 3:23

Anu pinalentahkon-Nyomo hi kita atina'mo: Kita tionyo ahi' palesaya hi Anak-Nyo, aijo'mo i Yesus Kristus ka' kita tionyo ahi' mompaha kali-kalibosi, susumo anu pinalentahkonmo i Kristus hi kita.

1 YOHANES 4:12

Madi' ko samian pe'e na anu toho'mo nontoa Tumpu, panyo de kita mompaha kali-kalibosi, Tumpu mosa'angu'mo tiba kita, ka' kalibosan-Nyo ganaapmo i butongto.

1 YOHANES 4:20

De samian motatae, “Aku mongkalibosi Tumpu,” panyo ia madi' mongkalibosi utusnyo, mian aijo' baleko'. Kalana mian anu madi' mongkalibosi utusnyo anu nutoa, madi' moko ala mongkalibosi Tumpu anu madi' nutoa.

1 YOHANES 4:7

To Utu-utus anu okanonongi! Imbo' da kita mompaha kali-kalibosi samian ka' samian, kalana kalibosan nolengkat mae hi Tumpu. Mian anu mongkalibosi atina' Anak nu Tumpu, ka' ia monsumbu' Tumpu.

ANU PINOTO'I HI YOHANES 2:4

Panyo aiya na Ku poto'i toka hi belemiu: Komiu madi'mo daagi' nongkalibosi Aku sumo imoonanyo.