1 PETRUS 1:17 - KITAB NU TUMPU ALLA LELE MA'IMAI'

¹⁷ Komiu monsanggo Tumpu aijo' Tuuma, de komiu balado'a hi Ia. Saba' Tumpumo ai-aijo' na anu momputusi manusia sitimbang tiba anu binau nu toto samian madi' mompile'i pa' ihe. Kalana aitu de belemiu daagi' i dunia aiya, tionyo ahi' belemiu mompopodaka' Tumpu i uno nu kantumuu'an nu belemiu.

1 PETRUS 1:17 ပူးပေါင်းရင်းမြစ်များ

KAJADIAN 47:9

Tinaaman i Yakub, “Aku tinumuu'mo sa'atu ka tolumpulu'mo na taun salaku mian anu madi' tataap i sa'angu' na tampat. Kantumuu'anku saja' sinusa' ka' madi' tuu'an, de opokakanakon tiba umun nu mompolee'ku salaku mian anu madi' tataap i sa'angu' na tampat.”

1 TAWARIKH 29:15

Osumbu' nu Belento o Tumpu, saba' susumo to aha-aha mompolee' mami, kami suele monjalani kantumuu'an aiya salaku mian anu tinokaje mae kabai mian anu lengkat mae i salipu'an. Kantumuu'an mami ola sumo loolung motulu, ka' kami madi' moko ala monggoliliakon da madi' silaka.

2 TAWARIKH 19:7

Belemiu tionyo ahi' mabuhuk i Tumpu, ka' momputusi palakala tionyo ahi' opotutugakon ima-ima', kalana Tumpu Allah-nto mongka'ideki mian anu tageo' na kinyonyoanyo, anu momputusi palakala madi' adin kabai ko gau'mo da mohumpak tambonyo.”

AYUB 34:19

Ia madi' montinjohi to tomu-tomundo, kabai lebe mompopodaka' mian anu kaya ka' madi' montapa-tapali mian anu talalo hodo kasiasi. Kalana aha iwi-iwi' Ia na nompotimbali.

MAZMUR 39:12

Manusia kalana nu saduakon nu kasala'annyo; nu hukumo nu Belento ka' nu dokemo nu Belento susumo atak nu hansunimo nu Belento apaa na anu mingguna hi ia. Memang, manusia ola susumo opuhakon nu sawo nu manusia.

MAZMUR 89:26

Kalaja'annyo ku paka po'ewamo, lengkat mae i Ambai anu i Totonga'nyo toka-toka i Kaunyo nu Efrat.

AMSAL 14:16

Mian anu manonong saja' balajaga-jaga ka' mati kojo'on ipalabuatan anu ma'idek; panyo mian anu ponga' pusing na ubaknyo lapas mae sanangje na kinyonyoanyo.

AMSAL 28:14

Saja' oholomati na Tumpu, sahinga beleyum saidi mae mohumpakje kabilahian iuno nu kantumuu'an. De beleyum panggaga hi Ia, beleyum mohumpakmo kasilaka'an.

YEREMIA 3:19

Tumpu notatae, “O Israel, Aku kahanda'mo montalima beleyum salaku anak-Ku, ka' mombee'imo beleyum lipu' anu oka'ima'i nu kinyonyoa, lipu' anu ma'ima' hondo idunia aiya songko-songko. Ku kahanda'i da beleyum monsanggo Aku tuuma nu beleyum, ka' madi'mo daagi' mompala'i Aku.

ZEFANYA 3:9

Panyo lapas aijo' Ku bali'imo na kinyonyoa nu bansa haha aijo' sahingga aha balado'a memo hi beleng-Ku ka' misa'mo hi to pilo-pilogot sangga'at. Bansa haha aijo' iwi-iwi' montulutimo Aku.

MATIUS 16:27

Madi'mo pin Anak nu Mian, mohingga-hinggatmo tiba to mala-malaikat-Nyo tokamo mae tiba kuasa nu Tuuma-Nyo. Tempo'nyo aitu Ia mombalosimo toto samian sitimbang tiba i palabuatannyo.

MATIUS 22:16

Saba' aha nonsai anu saja' mombatuki aha mamba hi Yesus tiba to pia-piangkuka na mian anu monsangaja'i Herodes. To mia-mian aijo' notatae hi Yesus, “Tuumangku Gulu', osumbu' mami na kita Tuuma madi' mongakali. Kita Tuuma mongajan totu-totu'u mongkona kahanda' nu Tumpu hi mian, madi' mompajuli pikilan mau pe'e pa' ihe, sabab kita Tuuma madi' mompile'i mian.

MATIUS 6:9

Jadi balado'a sumo uuka, ‘Tuuma mami isuluga': Sa'a-sa'angu'nyo kita na Tumpu. O'amalakon kitamo na anu o sombah ka' anu o'angga'i.

ROMA 11:20

Aijo' memang totu'u. Panyo aha o'alin kalana aha madi' palesaya, panyo kita Utus otalimamo kalana kita Utus pinalesayamo. Jadi boli kita timbali kobubuun kalana tinalimamo; ola ahi' kita Utus tionyo mongoa'i mabuhuk.

2 KORINTUS 1:2

montaha'imani ka' mongamalakon da Tumpu Tuumanto tiba i Tumpu Yesus Kristus mombee'i balakat ka' ka'ima'an hi komiu.

2 KORINTUS 5:6

Kalana aijo' kinyonyoa mami saja' mongoa'i mahoson. Osumbu' mami saba' de kami daagi' jojoong i uno nu butong mami aiya, kami majo'onmo i laigan anu ojojoongije mami hingga-hinggat ka' Tumpu.

2 KORINTUS 7:1

To Utu-utus anu okanonongi! Iwi-iwi' na anu jinanji'mo aijo' kona hi kita. Mokonyo aijo' iwi-iwi' na anu mombusiki kinyonyoa ka' butongto tionyo ahi' opobelesi'. Tumpu tionyo ahi' okabuhuk da kita timbali tumuu' maima ka' hondo-hondo mombau apaa na anu nu palentahkon.

2 KORINTUS 7:11

Soba po'inau'akon miu apaa na hasinnyo hi komiu nu kalibosan anu mo'imboa kahanda' nu Tumpu! Hasinnyo aijo'mo komiu totu-totu'u bala usaha da mompokopiani anu ma'idek! Komiu mongka'idekimo dosa', komiu mabuhukmo, komiu molibosmo, komiu timbalimo bikas, komiu halala'mo na mohukum anu ko sala'nyo! I uno nu iwi-iwi' na han aiya komiu mompotoamo saba' komiu madi' ko sala'nyo.

GALATIA 2:6

Maumo sumo aitu, madi' ko hahan anu ma'isa toho' ihongo nu aha na pagalamo nu tuntut nu aha hi belengku, nu to mia-mian anu osangka pande – hi belengku madi' ko bedanyo de aha pande kabai madi', kalana Tumpu madi' montoa ohup nu mian.

EFESUS 1:17

Aku nongkakasemo da Tumpunto i Yesus Kristus, Tuuma anu opopodaka' mombee'i Roh-Nyo hi komiu. Roh aijo' mompotimbalije belemiu pande, ka' momponyata'je Tumpu hi komiu, sahingga belemiu monsumbu'mo Ia.

EFESUS 3:14

Mokonyo aitu aku tinolodadupumo i ahop nu Tuuma.

EFESUS 6:9

To Utu-utus anu tinimbalimo tuan! Tionyo ahi' komiu montiho sumo aijo' suele kona hi to posa-posaihon. Boli talalo masigo. Jaga saba' komiu ka' to posa-posaihon miu haha aijo' hingga-hinggat daagi' ko sa'angu' na bagi tumpuan, aijo'mo Tumpu anu i suluga'. Ia madi' montoa ohup nu mian.

PO'ULE' INGULIT 10:17

Tumpu Allah nu belemiu i bawo nu iwi-iwi' na pilogot ka' molingkudui iwi-iwi' na kuasa. Ia Tumpu Allah anu talasanggo ka' daka' na kuasa-Nyo ka' anu tionyo ahi' otuluti. Ia madi' mongka'ima'i momposambiha' ka' madi' mongka'oho' da otamboi asan opo'untung i palakala.

FILIPI 2:12

Mokonyo aijo', to Utu-utus anu okanonongi, susumo komiu saja' montuluti aku tempo'nyo aku daagi' itina' hi komiu, saba' lebe-lebe mule' uuka aiya tempo'nyo to majo'onanmo, tionyo ahi' komiu tataap montuluti aku. Komiu pinosalamatmo nu Tumpu Allah, jadi saja' ahi' o usahakon da kabilahian miu mompaka pa'ima'. Obau na aijo' bau pongadati ka' tulu-tulutan hi Tumpu,

KOLOSE 3:25

Ka' mau mule' ihe na anu mombau kasala'an, tionyo ahi' monsimbu iwi-iwi' na kasala'annyo aijo'; kalana Tumpu madi' mompile'i ohup nu mian.

IBRANI 12:28

Kalana aijo', kita tionyo ahi' montalima kase hi Tumpu, kalana kita montalimamo hi Ia sa'angu' na kalaja'an anu madi' tonggegut. Kita tionyo ahi' montalima kase ka' monsombah Tumpu, o angga'i ka' okabuhuk susumo anu pinoto'i-Nyomo ka' anu nu ka'ima'i.

IBRANI 4:1

Yo, janji' nu Tumpu daagi' ahi' sabole-bole opake, ka' kita mohumpakje pingkainan anu jinanji'nyomo. Jadi, sabole-bole ahi' obala'ingati da boli ko samian anu itina' hi komiu na madi' mohumpak pingkainan anu jinanji'nyomo aijo'.

1 PETRUS 2:11

To Utu-utus anu okanonongi! Belemiu mian anu i salipu'an ka' anu lumambanan i dunia aiya. Mokonyo aijo' ku poita hondo-hondo da belemiu boli montuluti napisu nu manusia anu saja' mahampate mongewa santuu'.

1 PETRUS 3:15

Panyo i uno nu kinyonyoa miu, tionyo ahi' belemiu mongadati i Kristus anu samata-mata opotoka hi Ia, anu sitimbang tiba kakuasa'an-Nyo salaku Tumpu. Ka' tionyo ahi' belemiu saja' mosadia bau potaam hi batu-batu mian anu mompokilawa mongkona anu otaha'imani nu belemiu, anu itina'mo hi belemiu.