1 PETRUS 1:14 - KITAB NU TUMPU ALLA LELE MA'IMAI'

¹⁴ Otuluti na Tumpu, ka' bolimo tumuu' mombatuki pongka'oho' nu beleyum anu susumo naipuan mae, tempo'nyo belemiu ma'isa pe'e nonsumbu' Tumpu.

1 PETRUS 1:14 ပူးပေါင်းရင်းမြစ်များ

SISIKON NU TO RASUL-RASUL 17:30

Jadi kaponga'anto aijo' kinolilimanmo nu Tumpu, panyo tempo' uuka Ia nompokaumo iwi-iwi' mian i songko-songko na dunia da bolimo mombau to dosa-dosa' nu aha.

ROMA 12:2

Boli mombatuki sonto' nu dunia aiya. Bee' da nupotimbali nu Tumpu na butongum timbali bu'ou, da komiu mongabali'. Tiba jalan aijo' yo komiu moko ala monsumbu' pongka'oho' nu Tumpu Allah – aijo'mo apaa na anu ma'ima' tiba anu momposanang kinyonyoa-Nyo ka' anu talakana'.

ROMA 6:4

Tiba palamandian aijo' kita ilamunmo tiba i Kristus ka' sinilakamo hingga-hinggat tiba Ia, da sumo i Kristus sinilaka po'ule' pinotumuu' kuasa nu Tuuma anu daka', sumo aitumo mule' na kita timbali monjalani sa'angu' na kantumuu'an anu bu'ou.

EFESUS 2:2

Tempo'nyo aitu komiu nombatukimo kabiasa'an-kabiasa'an nu dunia aiya; bala alati' komiu nontulutimo anu mongkuasai langa, aijo'mo roh anu tempo' uuka nongkuasaimo kinyonyoa nu to mia-mian anu madi'mo nontuluti Tumpu.

EFESUS 5:6

Boli komiu nu akali nu to sisi-sisik anu madi' mimbatu. Kalana anu hahan aijo'mo na monsaduakon Tumpu montambuha'i to mia-mian anu madi' tulu-tulutan hi Ia.

PO'ULE' INGULIT 27:10

Kalana aijo' otuluti na Tumpu Allah nu belemiu ka' bau iwi-iwi' na palentah-Nyo anu binee'kumo hi belemiu sinaa aiya.”

1 TESALONIKA 4:5

Boli tumuu' mombatuki kahanda' nu napisu hi bengkele'um, sumo anu nu bau nu to mia-mian anu madi' monsumbu' Tumpu.