1 PETRUS 1:13 - KITAB NU TUMPU ALLA LELE MA'IMAI'

¹³ Kalana aitu, tionyo ahi' komiu saja' mosadia. Bajaga-jaga ka' otaha'imani ahi' totu-totu'u na balakat anu obee'je mae hi beleyum de i Yesus Kristus po'ule'mo toka saidi' mae.

1 PETRUS 1:13 ပူးပေါင်းရင်းမြစ်များ

1 TOMU-TOMUNDO' 18:46

Tempo'nyo aijo' i Elia nohumpakmo kahosonan lengkat mae hi Tumpu. Kinekesnyomo na juba'nyo nokiita' i kompongnyo lantas ia nopadeka'mo so' i liu-liunyo na i Ahab tinoka-toka i sabatan daka' nu kota Yizreel.

2 TOMU-TOMUNDO' 4:29

I Elisa nosiloimo nokiijo' hi Gehazi lantas notatae “Palia-lia'! Ala mae na tokonku ka' lako'mo mamba hi laigan nu Pontina'on aiya. Boli okolilimi na monsalando'i mian anu nu kabot i jalan maumo pa' ihe. De mian monsalando'i beleyum boli o tanda'i pipin obalosije na salando'anyo. De beleyum tokamo i kiijo', sampa lia-lia' potimpas na tokonku aijo' i butong nu anak aijo'.”

AYUB 38:3

Uuka aiya, ahopi mae na aku de beleyum mo'ane, ka' soba taami mae na anu ku pokilawa aiya.

AYUB 40:7

Lantas pinoto'imo nu Tumpu hi Ayub, “Ahopi mae na aku de beleyum mo'ane, ka' taami mae na anu Ku pokilawa aiya iwi-iwi'.

NOSABATMO 12:11

Pusokmo totouka na baju' anu opake lumajang tiba sandaan ka' tokon otoongimo, atina'je ka' belemiu mongkaan. O lia-lia'i na belemiu mongkaan. Sumo aijo' na molame'akon Paskah bau pongadati Aku, Tumpu.

YESAYA 11:5

Ia adin na mongala kaputusan ka' madi' tageo' na kinyonyoa i uno nu han iwi-iwi'.

YEREMIA 1:17

Balasadiamo, Yeremia! Lako'mo ka' poto'imo hi aha, iwi-iwi' na anu pinalentahkon-Kumo hi beleyum. Boli mabuhuk hi aha da beleyum boli mule' Ku pojadi lebe mabuhuk de mompaha ahopmo tiba aha.

MATIUS 20:4

Lantas ia notatae hi aha, ‘Lako'mo na komiu mokalaja i ale' nu anggurku. Aku mombayanje komiu nu tamboo anu pantas.’

LUKAS 12:35

“Bajaga-jaga na mongahopi iwi-iwi' na han. Komiu tionyo saja' mosadia mipake ka' sulu'um tataap opomoak,

LUKAS 17:30

Sumo aitumo na baunyo saidi' mae de sinaa Anak nu Mian oponyata'mo.

LUKAS 17:8

Tantu madi'! Ola ahi' ia notataemo hi posaihon aijo', ‘Posadia na kaanonku. Pompake baju' anu belesi' ka' tanda'i na aku hau-haunyo mongkaan ka' monginum; lapas aitu timbalije na oko mongkaan.’

ROMA 13:13

Kita tionyo mombau anu ko adatnyo sumo anu biasanyo obau sinaa; boli mompopodaka' bau-bauon moliu-liumo anu madi' opoko ala obaunto, kabai malangu. Boli masala', kabai kalakuan anu madi' ko atulannyo. Boli mahantuda' kabai pusa na kinyonyoa.

ROMA 8:19

Songko-songko na dunia daka-daka' na kinyonyoa montanda'i te tempo'nyo Tumpu momponyata' to ana-anak-Nyo.

1 KORINTUS 1:7

sahingga sa'angu' pe'e na balakat madi' maga'a hi komiu, hau-haunyo komiu montanda'i Tumpunto i Yesus Kristus toka ka' nutoa nu mian iwi-iwi'.

1 KORINTUS 13:13

Jadi, tempo' aiya totolu' na han anu tionyo saja' obaunto: palesaya, montaha'imani, ka' mompaha kali-kalibosi. Anu talalo hondo penting i anu totolu' aiya, aijo'mo, mongkalibosi to mia-mian sangga'at.

EFESUS 6:14

Tionyo ahi' komiu saja' balajaga-jaga. Tulu-tulutan hi Tumpu opake salaku bau pombutu' nu kompong, ka' kahondoan nu kinyonyoa salaku bau baju' besak nu belemiu.

KOLOSE 3:4

Jadi, pinolengkatan nu kantumuu'an miu anu totu-totu'u atina'mo hi Kristus, ka' de Ia po'ule'mo otoa, komiu suele tokamo mae hingga-hinggat tiba Ia ka' opopodaka'mo suele tiba Ia!

2 TESALONIKA 1:7

Ka' hi komiu anu uuka aiya nongoa'imo kasansala'an – sumo aitu mule' hi kami – Tumpu mombee'je kasanangan de Sinaanyomo nu Tumpu Yesus minsusule'mo mae lengkat i suluga' ka' mompotoamo butong-Nyo tiba to mala-malaikat-Nyo anu to babaani

2 TIMOTIUS 4:5

Maumo sumo aitu beleyum tionyo mongkuasai posi butongum i uno nu ka'ada'an maumo pa' mosia. Sabaalakon na kasansala'an, baumo na kalajaum salaku anu mompolele Lele Ma'ima' aijo', ka' opojalan ma'i-ma'ima' na kalajaum salaku mian monjalanakon palentah nu Tumpu.

2 TIMOTIUS 4:8

Ka' uuka aiya palasen nu ka'untungan nopadeka' nontanda'imo aku. I Sinaa Kakiamatan Tumpu, Mian Kopian anu adin aijo' mompotalimaje palasen aijo' hi belengku, kalana aku tumuu' mompaha ima'mo tiba Tumpu. Ka' misa' ola aku na montalima palasen aijo', panyo suele iwi-iwi' mian anu mongindi hondo montanda'i katokaan nu Tumpu.

IBRANI 10:35

Mokonyo aijo' opohoson na kinyonyoa, kalana de komiu tataap palesaya, saba' tambonyo nu han aijo' daka' hondo!

IBRANI 3:6

Panyo i Kristus tinulu-tulutanmo salaku Anak anu mompangakui kalajanyo i uno nu Laigan nu Tumpu. Ka' kita aiya atina'mo na Laigan nu Tumpu, de kita tataap daka-daka' na kinyonyoa ka' tataap palesaya totu-totu'u da mohumpak apaa na anu otaha'imaninto.

IBRANI 6:19

Anu otaha'imaninto aijo' sumomo tapu nanimpasokmo leleeng anu mahoson na pintoongan ka' madi'mo ko'anu mompoposia i uno nu kantumuu'anto. Anu otaha' imani aijo' so'mo noliu-liu lalanse' i Salipi' anu Susi' hondo i Laigan nu Tumpu i suluga'.

IBRANI 9:28

Sumo aitu mule' na i Kristus ola minsan na sinombahkon salaku koloban mompobelesi dosa' nu mian da'isan. Ia po'ule'je toka kopinduannyo, misa' pa' kahanda' mongulusmo palakala nu dosa', panyo momposalamatmo to mia-mian anu saja' montanda'i katokaan-Nyo.

1 PETRUS 1:10

Kasalamatanmo ai-aiya na pinopikilakon ka' sinelidikan nu to nabi-nabi, ka' aha nongkila-kilamo balakat anu nubee' nu Tumpu Allah hi beleyum.

1 PETRUS 3:15

Panyo i uno nu kinyonyoa miu, tionyo ahi' belemiu mongadati i Kristus anu samata-mata opotoka hi Ia, anu sitimbang tiba kakuasa'an-Nyo salaku Tumpu. Ka' tionyo ahi' belemiu saja' mosadia bau potaam hi batu-batu mian anu mompokilawa mongkona anu otaha'imani nu belemiu, anu itina'mo hi belemiu.

1 PETRUS 4:7

Iwi-iwi na apaa mongahopi ka'ahenannyo, mokonyo aijo' okuasai ahi' na butong miu ka' balajaga-jaga, da belemiu moko ala timbali balado'a.

1 PETRUS 5:12

Sulatku anu ola kodo-kodo' aiya tinulisku toka hi belemiu tinulungan i Silas, anu ku anggap samian na utus Kristen, anu mohongo-hongo. Aku kahanda' mongkakeha' belemiu, ka' mompohoson kinyonyoa nu belemiu, kalana apaa na anu tinuliskumo aiya lele anu totu'u aijo'mo balakat nu Tumpu. Opai-pai lio da komiu mintoong ahi' hoso-hoson i balakat aijo'.

1 PETRUS 5:8

Balajaga-jaga ahi' na komiu ka' mosadia! Kalana Ibilis atina'mo na sampo bali' miu. Ia sumo singa lumajang mokiijo', mo'uuka, ka' molohuu' molio kaanonnyo.

1 YOHANES 3:3

Iwi-iwi' na mian anu montaha'imani i Kristus susumo aiya, mompokopiani ahi' butongnyo da totu-totu'u susi', belesi' madi' baladosa' sumo i Kristus susi'.