1 PETRUS 1:12 - KITAB NU TUMPU ALLA LELE MA'IMAI'

¹² Hi to nabi-nabi haha aijo' Tumpu nompoto'imo tukoonyo apaa na anu nubau nu aha misa' bau kapentingan nu aha, panyo bau kapentingan nu belemiu; atina'mo hahan anu tempo' uuka aiya i hongomo komiu mana-manasa hi to mia-mian anu nompolelemo Lele Ma'ima' mongkona i Yesus Kristus. Aha nomposumbu' hahan aijo' hi belemiu kalana kuasa nu Roh nu Tumpu anu sinai-Nyo mae lengkat i suluga'. To mala-malaikat pe'e mongkahanda'i suele da monsumbu' lele anu nu polele nu aha aijo'.

1 PETRUS 1:12 ပူးပေါင်းရင်းမြစ်များ

NOSABATMO 25:20

ka' obau mompaha ahop polipiknyo mongkukubi peti' aijo'.

AMSAL 1:23

Potombihing mae na aku de aku mompisala'imo beleyum sahingga ku poto'imo hi beleyum na isi nu kinyonyoangku ka' ku pogulu'mo na ilimu'ku.

YESAYA 32:15

Panyo daagi' ahi' minsan na Tumpu saidi' mae toka tibamo kakuasa'an-Nyo. Sahingga padang tampat anu mateges timbalimo ale' anu toto lumba-lumba' ka' ale' iwi-iwi' saidi' mae sumomo alas.

YESAYA 53:1

Tinaaman nu bansa aijo', “Ihe ahi' na anu pinalesayamo ihan anu i hongomo mami? Hi he na pinomponyata'anmo kuasa nu Tumpu?

DANIEL 10:1

I taun kinototolu'nyomo na i Tomundo' Koresy nompalentah Persia, sa'angu' na potuunon anu pinoto'i hi Daniel anu osa-osanggohi i Beltsazar. Potuunon aijo' totu'u hondo panyo talalo susa' na mongalati'i. Salatan ia nompagalamo binala usaha da osumbu', i Daniel nohumpakmo katalangan apaa na alati'nyo nu potuunon aijo' i uno nu sa'angu' na han anu pinotoa aijo'.

DANIEL 12:13

Beleyum, Daniel, tulu-tulutan ahi' sampe toka imihinyo mae. Beleyum tantu silaka, panyo po ule' tumuu' ka' montalimamo tambonyo na beleyum de tokamo na tempo'nyo nu kakiamatan.” 45

DANIEL 12:9

Ia nontaami, “Lako'mo uuka aiya, Daniel, kalana potatae aiya tionyo ahi' opohowini ka' olahasiakon sampe toka i tempo'nyo nu kakiamatan.

DANIEL 2:19

Pihi-pihi aijo' suele Tumpu nompoto'imo lahasia aijo' hi Daniel i sa'angu' na han anu tinoa. Sahingga i Daniel nompuji'mo Tumpu kiita i suluga,

DANIEL 2:22

Iamo na mompotuka'lahasia anu talalo o pohowini. Lamo ia na momposumbu' apa-apaa anu jinadimo i uno nu pikat. Ia nu salingkukubi nu jingka anu taha-tahahumo.

DANIEL 2:47

I Tomundo' notatae, “Totu'u, Daniel, Tumpu nu beleyum aijo' talalo hondo daka' na kuasanyo maumo ahi' pa' Tumpu iyamae. Ia na anu mongkuasai iwi-iwi na tomundo' ka' anu moko ala mompotalang iwi-iwi' na lahasia. Kusumbu' na han aijo' kalana beleyum noko alamo nontalangkan lahasia aiya.”

DANIEL 8:13

Lapas aijo' ihongongkumo samian na malaekat notatae hi sangga'at, “Sampe toka hipian na kopinnyo na iwi-iwi' anu tinoa aijo'saja' sabole-bole motuus? Sampe toka hipian na kopinnyo na dosa' daka' ai-aijo' mombolosimo koloban anu sansina-sinaa obau? Sampe toka hipian na kopinnyo na suludadu nu suluga' ka' laigan ponsomban Tumpu aijo' opahampeja'akon?”

DANIEL 9:24

Pimpitun lipat na pitumpulu' na taun, aijo'mo na tempo' anu pinotataapmo nu Tumpu mompobebas bansa nu belemiu tiba kota' nu belemiu anu susi' aijo' da bolimo baladosa' ka' bolimo mombau palabuatan anu ma'idek. Iwi-iwi' na dosa' o'ampunimo ka' mule' ka adilan anu sampe toka sidu-sidutu' aijo' sabole-bolemo ahi' opake sahingga anu lewa' tinoa ka' mule' anu lewa' okila-kila aijo' onyata'mo ahi', ka' Laigan nu Tumpu anu susi' aijo' po ule'mo ahi ponsomban Tumpu.

YOËL 2:28

“Lapas na aijo' iwi-iwi' na mian Ku bee'imo rok-Ku. Sahingga to ana-anak mo'ane, boune mompoto'imo anu Ku potuun; to tu'a-tu'anyo atina' hi belemiu mongipimo anu otoa opotoamo hi olitau ka' langkoyang.

AMOS 3:7

Tumpu Anu Matangkas na kuasanyo madi' toho' mombau sa'angu' pe'e na apaa de madi' nu poto'i pe'e na tanga'an-Nyo hi aha to nabi-nabi ka' hi to posa-posaihon-Nyo.

ZAKHARIA 12:10

Lapas aijo' lee' mae i Daud tiba mian anu jojoong i Yerusalem Ku bee'imo kinyonyoa anu mongka'ima'i mongkalibosi ka' mule' mongka'ima'i balado'a. Aha saidi' mae montoamo ia jijinalo'mo nu aha ka' montando'imo susumo mian anu montando'imo anak anu sa'a-sa'angu'nyomo na sinilaka. Aha tumando'mo ka' susa'mo hondo na kinyonyoa nu aha susumo mian anu nolapusmo na anaknyo tumpe.

MATIUS 11:25

Tempo'nyo aitu i Yesus binala do'amo, “Tuuma, Tumpu anu mongkuasai langit ka' tano'! Aku mompoita talima kaseh hi Kita saba' iwi-iwi' aijo' Belento nolahasiakonmo hi to mia-mian anu pande, ka' ko ilimu', panyo Belento nompotiju'akonmo hi to mia-mian anu madi' ko sikolah.

MATIUS 11:27

Lantas i Yesus notatae, “Iwi-iwi na apaa pinotalimamo nu Tuuma hi beleng-Ku. Madi' ko samian pe'e monsumbu' Anak, de misa' Tuuma. Madi' mule' ko anu monsumbu' Tuuma de misa' Anak, ka' to mia-mian maumo ihe na Anak aijo' monsisikakon Tuuma.

MATIUS 16:17

“Talalo untung hondo na beleyum, Simon anak i Yona!” na koonyo i Yesus. “Kalana misa' mian na nompotoiyakon han aijo' hi komiu, panyo Tuumang-Ku anu i suluga'.

MARKUS 16:15

Lantas i Yesus notatae hi aha, “Lako'mo i songko-songko na dunia aiya, ka' polele na Lele Ma'ima' lengkat mae hi Tumpu aijo' hi iwi-iwi' na mian.

LUKAS 15:10

Sumo aitumo na malaekat nu Tumpu lame' de daagi' ko samian anu ma'idek balatobatmo i dosa-dosa'nyo. Palesayamo!”

LUKAS 2:26

ka' Roh nu Tumpu nompoto'imo hi ia, saba' ia ma'isa silaka de ma'isa pe'e montoa Tomundo anu Momposalamat, anu jinanji'mo nu Tumpu.

LUKAS 9:6

Anu saja' mombatuki Yesus nambamo, lantas namba i kampu-kampung ise' mompolele Lele Ma'ima' aijo' ka' nompa'alinakon mian masakit iyayamae.

YOHANES 15:26

Ku pokauje mamba hi komiu, pontulungi anu nolengkat mae hi Tuuma. Iamo na Roh anu mompoto'i kahondoan mongkona Tumpu. De Ia toka, Ia mombee'i katalangan mongkona Aku.

SISIKON NU TO RASUL-RASUL 10:44

Hau-haunyo i Petrus daagi' basisik, Roh nu Tumpu nintatau'mo ka' nongkuasaimo iwi-iwi' mian anu nohongo lele aijo'.

SISIKON NU TO RASUL-RASUL 16:10

Salatan i Paulus nontoa anu tinoa aijo', kami balo nosadia namba mokiijo' i Makedonia. Kalana kami nompalesayamo totu-totu'u taalu' Tumpu nonsaimo kami, sahingga kami nongala sa'angu' na kaputusan mamba mompolele Lele Ma'ima' hi to mia-mian kiijo' mae.

SISIKON NU TO RASUL-RASUL 2:33

Ia i hangkat ka' pinosuhang i kasuhangan anu matangkas ka' binee'an kakuasa'an nu Tumpu, lantas nontalimamo Roh nu Tumpu Allah anu noko janji'mo nu Tuuma. Ka' anu ihongomo miu uuka aiya ka' tinoamo saba' Roh'mo ai-aijo' na anu ilambe'akon-Nyo hi kami.

SISIKON NU TO RASUL-RASUL 4:31

Ilapas na aha binalado'a, tampat sinihukan nu aha aijo' tinolohenggomo. Aha iwi-iwi' kinuasanmo nu Roh nu Tumpu ka' mulaimo binaani hondo na notatae mongkona lele lengkat mae hi Tumpu.

SISIKON NU TO RASUL-RASUL 4:8

I Petrus anu kinuasanmo nu Roh nu Tumpu, nontaami, “To Tutuuma polaya' bansa ka' to Tutuuma mian kopian!

SISIKON NU TO RASUL-RASUL 8:25

Noko lapas na aha nombee'i katalangan ka' nompotoka potatae nu Tumpu, i Petrus ka' i Yohanes ninsusule'mo i Yerusalem. Ka' manjoo' na to kampu-kampung i lambanan nu aha aijo' nompotoka Lele Ma'ima' i Samaria.

ROMA 1:15

Mokonyo aijo' ku indi hondo mompolele Lele Ma'ima' aijo' hi komiu anu suele jojoong i Roma.

ROMA 1:17

Kalana tiba Lele Ma'ima' aijo', Tumpu nompotiju'mo mosia na bau-baunyo pompahasumbu'an nu mian tiba Tumpu po'ule'mo na'ima'; baunyo aijo'mo palesaya hi Tumpu lengkat pe'e imoonanyo toka-toka i kahimpusannyo. Aijo' pokakana sumo anu tinulismo i uno nu Kitab nu Tumpu, “Mian anu palesayamo hi Tumpu sahingga pompahasumbu'an tiba Tumpu po'ule'mo ma'ima', mian aijo' tionyo tumuu'!”

ROMA 10:15

Ka' mosia na mian timbali momboa lele aijo' de aha madi' opokau? I uno nu Kitab nu Tumpu tinulis sumo uuka, “Paya' na ko'ima'nyo na to mia-mian montalima Lele Ma'ima' lengkat hi Tumpu!”

ROMA 15:19

ka' mule' tiba hahan anu okabangangi ka' anu ma'isa toho' tinimbali; iwi-iwi' aijo' kalana kuasa nu Roh nu Tumpu Allah. Lele Ma'ima' mongkona i Kristus pinolelengkumo iwi-iwi' hi to mia-mian nolengkat pe'e mae i Yerusalem tinoka-toka i Ilirikum.

1 KORINTUS 2:10

Panyo Roh nu Tumpu na nomponyata'mo hi kita. Roh nu Tumpu aijo' na nonselidiki iwi-iwi' apaa, toka-toka i tanga'an nu Tumpu pe'e anu talalo mapohowini.

2 KORINTUS 1:22

Kalana han aijo' sahingga Tumpu nompotantumo kita, iamo na tumpu-Nyo, ka' nombee'imo Roh-Nyo i kinyonyoanto salaku tanda pompohoson saba' tionyo nu bee' hi kita iwi-iwi' na anu jinanji'-Nyomo.

2 KORINTUS 6:6

Tiba gau' anu hodi', pande, sabaan ka' ma'ima' na kinyonyoa, kami mompotoa saba' kami, aijo'mo posaihon nu Tumpu Allah. Tiba mule' montaha'imani pontulungi nu Roh nu Tumpu Allah, ka' mongkalibosi totu-totu'u lengkat i kinyonyoa,

GALATIA 1:12

Aku madi' nontalima lele aijo' lengkat hi manusia, ka' madi' ko samian pe'e na nongajanakon hi belengku. Posi i Yesus Kristus na nontaloakon isinyo nu Lele Ma'ima' aijo' hi belengku.

GALATIA 1:16

Tumpu nomponyata'mo Anak-Nyo hi belengku, da Lele Ma'ima' mongkona Anak-Nyo timbali ku polele hi to mia-mian anu misa' Yahudi. Tempo'nyo aitu aku madi' namba hi samian pe'e momoita da opokinde'i mae.

EFESUS 3:10

Pongka'oho' nu Tumpu aijo'mo da tempo' uuka, montului jama'at, iwi-iwi' na anu montoongi kakuasa'an i langa monsumbu' kapandean nu Tumpu anu lupa-lupa na ngahannyo toto sa'angu'.

1 TESALONIKA 2:9

Tantu komiu daagi' tonginau' mosia na kosigonyo na kami bala usaha ka' bakalaja. Sinaa ka' pihi kami mokalaja da kami madi' monsusa'i mau ola samian anu itina' hi komiu, tempo'nyo kami nompolele Lele Ma'ima' anu lengkat mae hi Tumpu aijo' toka hi komiu.

1 TIMOTIUS 3:16

Madi' ko samian pe'e na madi' mangaku, palias na kinodaka'nyo na lahasia nu agamanto: Ia nompotoamo butong-Nyo i uno nu lupa sumo manusia, ka' pinonyata'mo totu-totu'u nu Roh nu Tumpu, tiba tinoamo nu to mala-malaikat. Lelenyo sinongkohakonnyomo i to bansa-bansa, ka' Ia opalesaya i songko-songko na dunia, ka' i hangkat nokiita' i suluga'.

IBRANI 11:13

Iwi-iwi' na mian haha aijo' tataap bala'iman sampe silaka. Aha madi'mo mohumpak hahan anu jinanji'mo nu Tumpu, panyo ola montanggalakon ka' molabot aijo' mae jo'o-jo'on. Ka' aijo' mule' aha mongakui, saba' aijo' aha ola mian anu lengkat mae i salipu'an ka' anu ola jojoong madi' pin i dunia aiya.

IBRANI 2:4

Ka' mumle' Tumpu nompaka pototu'umo apaa na anu sinakisianmo nu mian haha aijo', aijo'mo Tumpu nombaumo iwi-iwi' nu ngahan anu okabangangi ka' hahan anu madi' ko gampanyo ka' posi pongka'oho'-Nyo na nombagi-bagiakonmo to bala-balakat nu Roh nu Tumpu.

IBRANI 4:2

Kalana Lele Ma'ima' aijo', pinolelemo hi kita pokakana sumo hi aha. Panyo hi aha lele aijo' madi' kino kaliangannyo. Kalana mau mule' i hongomo nu aha, aha madi' ahi' palesaya.

1 PETRUS 1:25

panyo potatae nu Tumpu tataap sampe toka sidu-sidutu'.” Potatae nu Tumpu aijo' Lele Ma'ima' anu binebakonmo hi belemiu.

1 PETRUS 4:6

Mokonyo aijo' Lele Ma'ima' binebakonmo suele hi to mia-mian anu sinilakamo. Makisutnyo da aha anu pinutusanmo salaku butongnyo – susumo hannyo iwi-iwi' na mian saidi' mae o putusi – timbali tumuu' salaku rohani mombatuki pongka'oho' nu Tumpu.

ANU PINOTO'I HI YOHANES 5:11

Lapas aijo' aku nontoa mule'. Aku nohongo potatae nu malaikat i mada-madalannyo ka' mojuta-juta na konjoo'nyo. Aha tinuminjomo nontikubi kasuhangan aijo', ka' opa-opat na malaikat tiba to pola-polaya' haha aijo'.