1 PETRUS 1:10 - KITAB NU TUMPU ALLA LELE MA'IMAI'

¹⁰ Kasalamatanmo ai-aiya na pinopikilakon ka' sinelidikan nu to nabi-nabi, ka' aha nongkila-kilamo balakat anu nubee' nu Tumpu Allah hi beleyum.

1 PETRUS 1:10 ပူးပေါင်းရင်းမြစ်များ

KAJADIAN 49:10

I Yehuda na montoongi tokon nu tomundo da mompalentah, lee'nyo na mompalentah sampe toka sidu-sidutu'. To bansa-bansa momboa hasin, ka' monsombah i ahopnyo kalana ia okabuhuk.

AMSAL 2:4

Olio na aijo' susumo molio mosoni', ka'ololoi' na aijo' susumo mololoi' halata' anu sulu-suluk.

DANIEL 2:44

Tempo'nyo tomundo' haha aijo' mompalentah Tumpu i suluga' nompotinjomo sa'angu' na kalaja'an anu timbali totahan sampe toka sidu-sidutu' ka' anu madi' nu poko ala nu patundu' nu bansa maumo pa' iyamae. Kalaja'anmo ai-aijo' na mohansuni iwi-iwi' na kalaja'an sangga'at haha aijo'.

DANIEL 9:3

Lantas aku binalado'amo totu-totu'u hi Tumpu nompoita da okalibosi mae. Aku mule' binapuasa'mo ka' nompusokmo hude kalung ka' sinumuhangmo i abu'.

HAGAI 2:7

Iwi-iwi' na bansang Ku pokalangkabutmo ka' mule' halata' nu aha nu boamo mae nu aha sahingga Laigan-Ku mobuke'mo nu kakaya'an nu aha.

ZAKHARIA 6:12

Poto'iakon hi ia, saba' Akumo na Tumpu Anu Daka' na Kuasanyo nonotataemo, ‘Mian anu osanggohi Sang Tunas na saidi' mae balahasin i tampat kajojoonganyo ka' ia po ule'mo mombau Laigan nu Tumpu.

MATIUS 13:17

Jaga mae, da'isan na nabi ka' mian anu tulut hi Tumpu mongkahanda'i montoa anu tinoa miu uuka aiya, panyo aha madi' montoa. Aha mongka'oho' mohongo apaa na anu i hongo miu uuka aiya, panyo aha madi'mo daagi' mohongo.”

MATIUS 26:24

Memang Anak nu Mian tionyo mate, sumo anu tinulis i uno nu Kitab nu Tumpu. Panyo silaka na mian anu mongkabisa'i Anak nu Mian! Lebe ma'ima' na mian aijo' de ia madi' pinohampe!”

LUKAS 10:24

Kalana inau': Manjoo' na nabi tiba Tomundo mongindi montoa anu tinoa miu tempo' uuka aiya, panyo aha madi' montoa. Aha mongindi mohongo anu i hongo miu tempo' uuka aiya, panyo aha madi' mohongo.”

LUKAS 24:44

Lapas aijo' Ia notataemo hi aha, “Aiyamo na hahan anu pinoto'ingkumo hi komiu tempo'nyo Aku daagi' nojajalan tiba komiu: tukoongku apa-apaa na anu tinulis mongkona Aku i uno nu Kitab-kitab i Musa, to Nabi-nabi, ka' Mazmur, tionyo timbali.”

YOHANES 5:39

Komiu mompakalioi Kitab nu Tumpu kalana monsangka au'aitu desumo aijo' komiu ko kantumuu'anmo anu talakana' ka' toka sidu-sidutu'. Ka' posi Kitab nu Tumpu aijo' nombee'imo katalangan mongkona Aku.

YOHANES 7:52

“Te beleyum suele lengkat mae i Galilea?” tinaaman nu aha. “Soba palesaya na Kitab nu Tumpu! Beleyum montoaje saba' madi' ko Nabi anu molengkat mae i Galilea!” [

SISIKON NU TO RASUL-RASUL 10:43

Iwi-iwi' to nabi-nabi motatae mongkona Ia. Aha notatae tukoonyo iwi-iwi' mian anu palesaya hi Yesus, o ampunije na dosa'nyo nu kakuasa'an lengkat hi Yesus.”

SISIKON NU TO RASUL-RASUL 17:11

To mia-mian i Berea madi' mompohowini apaa na anu i uno nu kinyonyoanyo, madi' pokakana to mia-mian i Tesalonika. Sanang hondo na kinyonyoa nu aha mohongo lele mongkona i Yesus, ka' toka nu sansina-sinaa aha monselidiki Kitab nu Tumpu, da nusumbu' nu aha pa' totu'u na pangajalan i Paulus aijo'.

SISIKON NU TO RASUL-RASUL 28:23

Sahingga aha ka' i Paulus nontantukanmo sa'angu' na sinaa da bau pompahakabotan. I sinaa aijo' dina'isan na mian tinoka nokiijo' i kajojoongan i Paulus. Lengkat pe'e subu tinoka mamalom, na i Paulus nontalangkan nompotoka hi aha lele mongkona mosia na Tumpu mompalentah sumo Tomundo'. To ayat-ayat lengkat i Kitab i Musa ka' Kitab nu to Nabi-nabi, na pinake i Paulus, ia mompagala da aha palesaya hi Yesus.

SISIKON NU TO RASUL-RASUL 7:52

Apaa daagi' ko nabi anu madi' sinakisa nu mompolee' miu? Aha nompateimo to posa-posaihon nu Tumpu anu u'utu pe'e mae nombebakonmo tukoonyo. Posaihon nu Tumpu anu totu'u, tokaje mae. Ka' uuka aiya komiu nongkabisa'imo ka' nompateimo Posaihon nu Tumpu aijo'.

IBRANI 11:13

Iwi-iwi' na mian haha aijo' tataap bala'iman sampe silaka. Aha madi'mo mohumpak hahan anu jinanji'mo nu Tumpu, panyo ola montanggalakon ka' molabot aijo' mae jo'o-jo'on. Ka' aijo' mule' aha mongakui, saba' aijo' aha ola mian anu lengkat mae i salipu'an ka' anu ola jojoong madi' pin i dunia aiya.

IBRANI 11:40

kalana Tumpu ko tanga'an anu lebe ma'ima' hi kita. Tanga'an-Nyo aijo'mo saba' ola ahi' palesaya hingga-hinggat tiba kita, yo aha timbali ma'ima'.

1 PETRUS 1:11

Aha monselidiki mosia ka' hipian na han aijo' timbali, apaa na anu kokoonyo nu Roh i Kristus anu kiijo' i butong nu aha. Tempo'nyo aitu Roh-Nyo na nompoto'i hi aha mongkona kasansala'an-kasansala'an anu tionyo nu oa'i i Kristus ka' mongkona katalasanggoan-Nyo anu nutalimaje lapas aijo'.

1 PETRUS 1:13

Kalana aitu, tionyo ahi' komiu saja' mosadia. Bajaga-jaga ka' otaha'imani ahi' totu-totu'u na balakat anu obee'je mae hi beleyum de i Yesus Kristus po'ule'mo toka saidi' mae.