1 KORINTUS 9:9 - KITAB NU TUMPU ALLA LELE MA'IMAI'

⁹ I uno nu Kitab i Musa tinulis, “Sapi' anu hau-haunyo opake mongutut gandum aijo' da mo hudu' aijo' ikoengannyo boli ahi' osoku' na nganga'nyo.” Te sapi' na nupatui nu potatae nu Tumpu Allah?

1 KORINTUS 9:9 ပူးပေါင်းရင်းမြစ်များ

MAZMUR 104:27

Aha iwi-iwi' montaha'imani tulungan nu Belento da mohumpak anu okaan de tempo'mo nu pongkaanan.

AMSAL 12:10

Mian anu manonong mongkalesang potuu'onnyo; panyo mian anu ma'idek na kinyonyoanyo na ola ahi'monsakisa.

YESAYA 28:28

Tempo'nyo mongututmo gandum ia madi' monsapahi' sampeje hansun. Madi' ahi'! Nusumbu' mosia na mongutut anu memang totu'u, anu totu'u aijo'mo osake'i na loda na bau pongutut ka' madi' mohansuni batu nu gandum anu o, utut aijo'.

YUNUS 4:11

Iya mule' na Aku madi' susa' na mompopikilakon Ninewe kota' anu daka' aijo'. Kalana sambiha'nyo ahi' na to bina-binatang anu madi' minsoop i lekengan aijo', panyo ikiijo' daagi ko 120.000 na anak anu ma'isa monsumbu' mombedakon, apaa na anu ma'ima' ka' mule' apaa na anu ma'idek.” 1

ROMA 4:23

Potatae, “Otalima sumo mian anu momposanang kinyonyoa nu Tumpu” tinulis misa' ola posi kona hi Abraham,

PO'ULE' INGULIT 25:4

Boli monsoku' nganga' nu sapi' anu hau-haunyo opake mongutut gandum.”

PO'ULE' INGULIT 5:14

panyo sinaa anu ko ipitunnyo aijo'mo na sinaa pilawean samata-mata monsombahmo Aku, Tumpu Allah nu belemiu. I sinaa aijo' madi' ko samian pe'e na anu timbali mokalaja mau belemiu, to ana-anak nu belemiu, to posa-posaihon nu belemiu, potuu'on nu belemiu kabai mian anu lengkat mae i salipu'an anu jinojoongmo i lipu' miu. Posaihon nu belemiu haha aijo', tionyo ahi' milawe susumo belemiu suele.

1 TIMOTIUS 5:18

Kalana i uno nu Kitab nu Tumpu tinulismo, “Sapi' anu hau-haunyo mongutut gandum da mohudu' na batunyo nu gandum anu aijo' i pangkoengnyo, boli ahi' osoku' na nganga'nyo,” suele mule', “Mian anu mokalaja, ko hak montalima tambonyo.”