1 KORINTUS 9:8 - KITAB NU TUMPU ALLA LELE MA'IMAI'

⁸ Aku monsisikakon aijo' misa' ola mintoong i anu saja'mo obau sansina-sinaa, panyo kalana Kitab nu Tumpu na anu nonsisikakonmo hahan aijo' suele.

1 KORINTUS 9:8 ပူးပေါင်းရင်းမြစ်များ

YESAYA 8:20

Taami sumo uuka, “Ohongo na pangajalan nu Tumpu! Mian nau motatae madi' sosok ipangajalan aijo' madi' ko anu nu taha'imani imihinyo mae.”

ROMA 3:31

Ugaat aiya na alati'nyo kalana kita palesaya hi Kristus, sahingga kita nontibahakonmo atulan nu agama Yahudi? Misa' hondo-hondo! Ola o, kalana kapalesaya'anto aijo', kita nohalagaimo atulan iajo'.

ROMA 3:5

Panyo de ka'adinan nu Tumpu konyata-nyata'nyomo, kalana kita mombau anu madi' totu'u, apaa na anu ka'oho' otaloakonto? Tebolong Tumpu madi' adin de ia mohukum kita? (Memang anu opokilawa aiya, pantas de susumo mian.)

ROMA 6:19

Kalana mongalati'i, komiu ma'isa moko ala, aku nompake sonto-sonto' tobotuanan da lebe dengke na komiu mangalati'. U'utu mae komiu mombee' butong miu iwi-iwi' salaku botuan nu hahan anu mahenyu ka' anu ma'idek bau kapentingan nu han anu ma'idek. Sumo aitumo mule' tempo' uuka, tionyo komiu monsimpalaakon butong miu iwi-iwi' salaku posaihon mombau pongka'oho' nu Tumpu, apaa na anu nukahanda'i nu Tumpu da miu susi'.

1 KORINTUS 14:34

boune sahanyo ola momohokot de singkabotmo i pogombuan nu jama'at. Aha madi' opobee' basisik. Aha madi' timbali opobee' mongatun; aijo' mompahakona tiba atulan nu agama.

1 KORINTUS 7:40

Pakalaus ia lebe untung de ia madi'mo po'ule' mo'osoa. Aijo' posi pikilanku, panyo kututugi apaa na anu kutaloakon aijo' te kuasa nu Roh nu Tumpu.

GALATIA 1:11

To Utu-utus tionyo monsumbu' saba' Lele Ma'ima' anu pinolelengku aijo' misa' nolengkat hi manusia.

1 TESALONIKA 2:13

Daagi' mule' ko sa'angu' na han anu sangga'at, anu mombau kami saja' montalima kase hi Tumpu. Han aijo' aitumo, saaba' tempo'nyo kami nompotokakon lele lengkat mae hi Tumpu Allah toka hi komiu, komiu nohongomo ka' montalimamo lele aijo' misa' sumo lele lengkat hi mian, panyo sumo lele anu totu-totu'u lengkat mae hi Tumpu. Iamo na anu mokalaja i uno nu butong miu anu pinalesayamo hi Kristus.

1 TESALONIKA 4:8

Mian anu madi' montalima pangajalan aiya misa' madi' montalima mian, panyo madi' montalima Tumpu anu nombee'imo Roh-Nyo anu susi' hi komiu.