1 KORINTUS 9:23 - KITAB NU TUMPU ALLA LELE MA'IMAI'

²³ Iwi-iwi' aijo' kubau kalana Lele Ma'ima' lengkat mae hi Tumpu aijo', da aku suele nu balakati.

1 KORINTUS 9:23 ပူးပေါင်းရင်းမြစ်များ

MARKUS 8:35

Kalana mian anu mongka'oho' balatahan i kantumuu'annyo, madi' matantu na kantumuu'annyo. Panyo mian anu mongkolobanakon kantumuu'annyo hi belengku ka' bau kapalaluan nu Lele Ma'ima' anu lengkat mae hi Tumpu, momposalamat ia.

ROMA 11:17

Sambagian na to panga-panga' nu kau' zaitun – aijo'mo na to mia-mian Yahudi – tinutu'akonmo. Ka' i pinontutu'akonan aijo', na pinompokampa'an panga' nu kau' zaitun nu kuhat, aijo'mo to Utu-utus anu misa' Yahudi. Kita Utus pinokampa' i kiijo' da kita Utus mongoa'i iwi-iwi' na anu ma'ima' i kantumuu'an nu mian Yahudi anu palesayamo.

1 KORINTUS 9:12

De to mia-mian sangga'at ko hak montaha'imani aiya lengkat hi komiu, te misa' kami ahi na lebe ko hak molingkudui aha? Panyo aku ma'isa monggunakon hak aijo'. Ola ahi' aku lebe mongka'ima'i montanggung iwi-iwi' apaa, asan boli monsaduakon han anu molewot Lele Ma'ima' mongkona i Kristus obebakon.

1 KORINTUS 9:22

Hi aha to mia-mian anu kapalesaya'annyo madi' mahoson, aku mule' montiho sumo samian anu kapalesaya'annyo madi' mahoson, da aku timbali moko ala mongendei aha da timbali mombatuki i Kristus. Memang, aku tinimbalimo sumo anu iwi-iwi' aijo', kalana kapalaluan nu iwi-iwi' mian da mau mule' mosiamo na jalan timbali na aku momposalamat sambagian na aha.

1 KORINTUS 9:24

Kita Utus tantu monsumbu' saba' i uno nu pailomban mopadeka', iwi-iwi' na mian mopadeka', panyo ola samian na mohumpak tambonyo. Mokonyo aijo' popadeka'mo hoso-hoson sahingga kita Utus mohumpak tambonyo.

2 KORINTUS 2:4

Maboat ka' molibos na kinyonyoangku montulis sulat toka hi komiu ka' saja' monjujuhakon lolu'. Kahanda'ku misa' da komiu molibos, panyo da osumbu' miu taalu' aku talalo hondo mongkalibosi komiu.

GALATIA 2:5

panyo kami madi' ihungku'an nu aha mau sangkiding pe'e, kalana pagala ojagai mami da Lele Ma'ima' aijo' tataap ma'ima' hi komiu.

2 TIMOTIUS 2:10

Mokonyo aijo', aku sabaan na montanggung iwi-iwi' aijo' kalana kapentingan nu to mia-mian anu pinile'anmo nu Tumpu, da suele aha mohumpak kasalamatan anu obee' kalana palesayamo hi Kristus Yesus tiba mule' talasanggomo sampe toka sidu-sidutu'.

2 TIMOTIUS 2:6

Anu topo ale', anu mokalaja totu-totu'u iamo na momonanyo ko hak mohumpak hasin anu sinu'annyo.

IBRANI 3:1

To utu-utus bubuu' mian Kristen anu i lagamo suele nu Tumpu Allah! Soba popikilakon hondo-hondo na i Yesus aiya! Tumpu nonsaimo mae Ia samata-mata da timbali Imam Daka' i agama anu otoonginto.

IBRANI 3:14

Kita iwi-iwi' mosangalumo tiba i Kristus, i sa'angu' na tanga'an asan kita sampe toka imihinyo na montoongi hoso-hoson kapalesaya'an anu totu-totu'u anu daagi'mo hi kita salatanmo pe'e imoonanyo.

1 PETRUS 5:1

Ku poita da okalesang hondo-hondo nu to pola-polaya' nu jama'at miu. Aku nontulis aiya salaku sangalu bubuu' polaya' ka' salaku mian anu nonsakisimo kasansala'an anu ingoa'anmo i Kristus, ka' anu saidi' mae suele opopodaka', de maluannyo katalasanggoan i Kristus opotoamo hi manusia. Ku poita sabole-bole,

1 YOHANES 1:3

Apaa na anu tinoamo mami ka' i hongomo, aijo'mo mule' na anu opolele mami hi komiu, da komiu tiba kami bubuu' mongoa'i totu-totu'u tumuu' nosa'angu' tiba Tuuma ka' Anak-Nyo i Yesus Kristus.