1 KORINTUS 9:22 - KITAB NU TUMPU ALLA LELE MA'IMAI'

²² Hi aha to mia-mian anu kapalesaya'annyo madi' mahoson, aku mule' montiho sumo samian anu kapalesaya'annyo madi' mahoson, da aku timbali moko ala mongendei aha da timbali mombatuki i Kristus. Memang, aku tinimbalimo sumo anu iwi-iwi' aijo', kalana kapalaluan nu iwi-iwi' mian da mau mule' mosiamo na jalan timbali na aku momposalamat sambagian na aha.

1 KORINTUS 9:22 ပူးပေါင်းရင်းမြစ်များ

ROMA 11:14

Ku kahanda'i da aku moko ala monsakiti kinyonyoa nu posi bansangku, da tiba jalan aijo' aku moko ala momposalamat sambagian anu aijo' hi aha.

ROMA 14:1

Mian anu madi' junjuhi' na palesayanyo itina' hi komiu to Utu-utus, otalima ma'i-ma'ima'. Boli painggaga tiba ia anu pa' mosia na pongka'oho'nyo.

ROMA 14:2

Daagi' ko mian anu ko tanga'an tukoonyo ia timbali mongkaan mau mule' apaa. Panyo daagi' ko mian sangga'at anu ola ue-uengke' na palesayanyo; nu oa'i anu ola timbali nukaan ola santo uta-utan.

ROMA 15:1

Kita anu totu-totu'u junjuhi' i anu opalesayanto, tionyo sabaan i kabalatan-kabalatan nu mian anu ola tudu-tudu na kapalesaya'annyo. Boli ola kita momposanang posi butongto.

ROMA 15:2

Ola ahi' kita toto samian tionyo momposanang sangko utusto da bau ka'ima'annyo, da mompaka pahoson na ia palesaya.

1 KORINTUS 10:33

Tumuu'mo susumo aku. Aku bala usaha momposanang kinyonyoa nu mian iwi-iwi' i uno nu lupa-lupa na han, madi' ko kahanda' bau kapentingan nu posi butong. Patujungku ola da aha iwi-iwi' timbali oposalamat.

1 KORINTUS 7:16

Kalana kita Utus salaku bengkele' – anu palesayamo hi Tumpu – mosia na kita Utus moko ala monsumbu' totu-totu'u taalu' kita Utus madi' moko ala momposalamat langkai'um? Sumo aitu mule' na kita Utus salaku langkai' Kristen, mosia na kita Utus moko ala monsumbu' totu-totu'u, taalu' aitu kita Utus madi' moko ala momposalamat bengkele'um?

1 KORINTUS 8:13

Mokonyo aijo' de kaanon monsaduakonmo Utusku baladosa', saba' aku madi'mo hondo daagi' mongkaan ponoha'. Kalana boli-boli Utusku baladosa'mo kalana aku.

1 KORINTUS 9:19

Aku aiya misa' posaihon pa' ihe; aku bebas. Mau mule' sumo aitu, aku mompotimbalimo butongku aiya posaihon toka hi iwi-iwi' na mian. Kubau na aijo' da aku moko ala mohumpak manjoo' na mian palesaya hi Kristus.

1 KORINTUS 9:23

Iwi-iwi' aijo' kubau kalana Lele Ma'ima' lengkat mae hi Tumpu aijo', da aku suele nu balakati.

2 KORINTUS 11:29

De ko anu susa', aku suele mongoa'i susa'. De ko anu mombau dosa'; kinyonyoangku suele ma'idekanmo ka' tongkolibosonmo.

GALATIA 6:1

To Utu-utus! De daagi' ko samian o humpak mombau dosa', sahanyo komiu anu tumuu' mombatuki Roh nu Tumpu mompotiju' mian aijo' minsusule' i jalan anu totu'u. Panyo komiu mompotiju' aijo' boli kopesa-pesa ka' jaga da boli sampe posi komiu tagoda mule'.