1 KORINTUS 9:20 - KITAB NU TUMPU ALLA LELE MA'IMAI'

²⁰ Toka hi aha mian nu Yahudi, aku sumo mian nu Yahudi, da aku moko ala mohumpak mian nu Yahudi palesaya hi Kristus. Toka hi to mia-mian anu tumuu' mombatuki atulan i Musa, aku montiho susumo au'aitu aku mintoong i atulan aijo', mau mule' aku sabenannyo madi' ahi' mompintoongi atulan aijo'. Kubau na aijo' da aku timbali mongendei aha mombatuki i Kristus.

1 KORINTUS 9:20 ပူးပေါင်းရင်းမြစ်များ

SISIKON NU TO RASUL-RASUL 16:3

I Paulus mongkahanda'i da i Timotius mombatuki ia; mokonyo aitu ia nonsunat i Timotius. Ia nombau aijo', kalana to mia-mian Yahudi i da'erah aijo' iwi-iwi' monsumbu' saba' tuumanyo i Timotius mian nu Yunani.

SISIKON NU TO RASUL-RASUL 18:18

Lapas aitu i Paulus daagi' jinojoong pinin i Korintus. Lantas ia nontaloakon pia mae na komiu to mia-mian anu palesayamo anu jojoong i kiijo', lantas tinalabutmo tiba i Priskila ka' i Akwila nokiijo' i Siria. Kiijo' i Kengkrea, i Paulus nongkismo ubaknyo anu pinojohoknyomo da i nantan kalana niatnyo hi Tumpu.

ROMA 11:14

Ku kahanda'i da aku moko ala monsakiti kinyonyoa nu posi bansangku, da tiba jalan aijo' aku moko ala momposalamat sambagian anu aijo' hi aha.

ROMA 3:19

Uuka aiya osumbu'to taalu' iwi-iwi' na anu tinulis i uno nu atulan nu agama Yahudi, kona hi to mia-mian anu daagi' i aluk nu palentah nu atulan aijo'. Desumo aitu madi' ko samian pe'e na moko ala mombee'i katalangan da bau kahondoan mule', ka' songko-songko na dunia timbali nu tuntut nu Tumpu.

GALATIA 2:19

Panyo aku sinilakamo i atulan nu agama – atulan aijo' na nonsilakai – da aku tumuu' bau kapentingan nu Tumpu. Aku sinalibmo hingga-hinggat i Kristus.

GALATIA 4:21

To Utu-utus anu kahanda' tumuu' da nu kuasai nu to atu-atulan nu agama, soba hongo mae na aku! Ku poto'ije hi komiu apaa na anu totu'u tinulismo i uno nu Kitab Atulan i Musa.

GALATIA 4:5

Tiba jalan anu sumo aijo' Ia nompobebasmo to mia-mian anu tumuu' i uno nu kakuasa'an nu atulan nu agama; da kita mule' moko ala timbali to ana-anak nu Tumpu.

GALATIA 5:18

Panyo de Roh nu Tumpu na mompotiju' komiu, saba' komiu madi'mo nukuasai nu atulan nu agama.