1 KORINTUS 9:19 - KITAB NU TUMPU ALLA LELE MA'IMAI'

¹⁹ Aku aiya misa' posaihon pa' ihe; aku bebas. Mau mule' sumo aitu, aku mompotimbalimo butongku aiya posaihon toka hi iwi-iwi' na mian. Kubau na aijo' da aku moko ala mohumpak manjoo' na mian palesaya hi Kristus.

1 KORINTUS 9:19 ပူးပေါင်းရင်းမြစ်များ

AMSAL 11:30

Mian anu palesaya totu-totu'u saidi' mae mohumpakmo kantumuu'an ma'ima; mian anu pande mintuang na anu mombatuki.

MATIUS 18:15

“De utusum baladosa' hi beleyum, lako' hi ia ka' opoto'i na kasala'annyo. Obau na aijo' hoko-hokot, ola posi komiu ua'aha. De ia mombatuki potataeum, saba' ko hasinnyo na beleyum po'ule' nohumpak utusum aijo'.

ROMA 1:14

Kalana aijo' aku ko kahanda' mamba i songko-songko na bansa; anu monsumbu'mo atulan tiba anu ma'isa monsumbu' atulan, anu nosikolahmo tiba anu ma'isa nosikolah.

ROMA 11:14

Ku kahanda'i da aku moko ala monsakiti kinyonyoa nu posi bansangku, da tiba jalan aijo' aku moko ala momposalamat sambagian anu aijo' hi aha.

ROMA 15:2

Ola ahi' kita toto samian tionyo momposanang sangko utusto da bau ka'ima'annyo, da mompaka pahoson na ia palesaya.

1 KORINTUS 10:29

Anu ku kukahanda'i misa' anu o'oa'i nu kinyonyoaum, panyo anu nu'oa'i nu kinyonyoa nu mian aijo'. Tantu daagi' ko anu mompokilawa, “Ah, kadaka' kabebasan, nukinyonyoangku mongalamo anu nu o'oa'i nu kinyonyoa nu mian sangga'at?

1 KORINTUS 10:33

Tumuu'mo susumo aku. Aku bala usaha momposanang kinyonyoa nu mian iwi-iwi' i uno nu lupa-lupa na han, madi' ko kahanda' bau kapentingan nu posi butong. Patujungku ola da aha iwi-iwi' timbali oposalamat.

1 KORINTUS 7:16

Kalana kita Utus salaku bengkele' – anu palesayamo hi Tumpu – mosia na kita Utus moko ala monsumbu' totu-totu'u taalu' kita Utus madi' moko ala momposalamat langkai'um? Sumo aitu mule' na kita Utus salaku langkai' Kristen, mosia na kita Utus moko ala monsumbu' totu-totu'u, taalu' aitu kita Utus madi' moko ala momposalamat bengkele'um?

1 KORINTUS 9:1

Te misa' aku mian anu bebas? Te misa' aku rasul? Te aku ma'isa toho' nontoa i Yesus, Tumpunto? Te komiu misa' hasin nu kalajangku da palesaya hi Tumpu?

2 KORINTUS 12:14

Uuka aiya ko pintolunnyomo na aku mosadia mamba molenga komiu. Ka' aku madi' mongka'oho' momposusa' komiu, kalana anu ku kahanda'i misa' apaa na anu daagi' hi komiu, panyo butong miu. Kalana misa' to ana-anak na anu tionyo molio kaanon nu tu'anyo, panyo tu'anyo ahi' na anu tionyo molio kaanon nu to ana-anak.

2 KORINTUS 4:15

Iwi-iwi' aijo' bau kapentingan. Kalana lebe manjoo' na mian mongoa'i kalibosan nu Tumpu, mompaka lebe manjoo' mule' suele na do'a pontalima kase anu opotoka hi Tumpu; jadi desumo aijo' Tumpu opopodaka'mo.

2 KORINTUS 4:5

Lele anu opotokakon mami aijo' misa' lele mongkona posi butong mami. Lele aijo' te lele mongkona i Yesus Kristus; saba' Iamo aijo' na Tumpu; ka' kami te to posa-posaihon miu kalana Ia.

GALATIA 5:1

Kita uuka aiya binebasmo kalana i Kristus nompobebasmo kita! Kalana aijo' otoongi dodo-dodo na kabebasan miu, ka' bolimo mongka'oho' obotuani mule'.

GALATIA 5:13

Kita Utus ilagamo da timbali mian anu bebas. Panyo boli mompake kabebasan miu aijo' da saja' mombau mau mule' pa' apaa na anu oka'oho' obau miu. Ola ahi' komiu tionyo mompaha kali-kalibosi ka' mompaha toa-toa anu kakulangan.

1 TIMOTIUS 4:16

Ojagai na butongum ka' ojagai mule' na pangajalanum. Tionyo ahi' beleyum saja' mombau iwi-iwi' aijo', kalana tiba jalan anu sumo aijo' beleyum momposalamatmo mau posi butongum mau mule' to mia-mian anu mohongomo beleyum.

2 TIMOTIUS 2:10

Mokonyo aijo', aku sabaan na montanggung iwi-iwi' aijo' kalana kapentingan nu to mia-mian anu pinile'anmo nu Tumpu, da suele aha mohumpak kasalamatan anu obee' kalana palesayamo hi Kristus Yesus tiba mule' talasanggomo sampe toka sidu-sidutu'.

1 PETRUS 3:1

Sumo aitumo suele na komiu, to bengke-bengkele' tionyo ahi' obatuki na pongka'oho' nu langkai' nu belemiu, da aha de daagi' ko anu madi' palesaya i lele lengkat mae hi Tumpu, kalakuan nu belemiu na mompotimbali aha da palesaya. Ka' madi' pilenje belemiu montaloakon apa-apaa hi aha,