1 KORINTUS 9:18 - KITAB NU TUMPU ALLA LELE MA'IMAI'

¹⁸ Desumo aijo', tambongku apaa? Aiya na tambonyo: aijo'mo aku moko ala mompolele Lele Ma'ima' aijo' madi' pilenje mompiboati samian pe'e da mongongkosi aku, kalana aku madi' mompagala momoita te hak ku salaku anu mompolele Lele Ma'ima' aijo'.

1 KORINTUS 9:18 ပူးပေါင်းရင်းမြစ်များ

YOHANES 4:36

Mian anu mompadak montampu'unimo montalima tamboonyo, ka' molimu' hasinnyo da bau kantumuu'an anu talakana' sampe toka sidu-sidutu'. Sahingga mian anu montugan tiba mian anu mompadak timbali mongoa'i kasanangan hingga-hinggat.

SISIKON NU TO RASUL-RASUL 18:3

lantas jinojoong i kiijo' tiba aha ka' nokalaja hingga-hinggat aha, kalana bau polio nu aha pokakana tiba i Paulus, aitumo mongka'ut kemah.

ROMA 14:15

Panyo de apaa na anu okaan nu kita Utus, samian na utus sangalunto anu bubuu' palesaya osakitimo na kinyonyoanyo, saba' kita Utus madi'mo mimpikilan molengkat i kinyonyoa anu molibos. De i Kristus sinilakamo bau kapentingan nu toto samian, boli mompojohok mian aijo' dumo ma'idek na kinyonyoanyo kalana nu saduakonmo nu anu okaan nu kita Utus.

1 KORINTUS 10:33

Tumuu'mo susumo aku. Aku bala usaha momposanang kinyonyoa nu mian iwi-iwi' i uno nu lupa-lupa na han, madi' ko kahanda' bau kapentingan nu posi butong. Patujungku ola da aha iwi-iwi' timbali oposalamat.

1 KORINTUS 3:8

ua-ua'aha pokakanamo. Toto samian mohumpakje tambo nu lawenyo.

1 KORINTUS 7:31

ka' mian anu manjoo' na ulusan i dunia, tionyo ia tumuu' susumo ia madi' nupogago' nu hahan aijo'. Kalana madi'mo pin na dunia aiya, bau-baunyo anu susumo aiya tionyo lanyapmo!

1 KORINTUS 8:9

Panyo obala ingati! Boli mule' monsaduakon mian sangga'at timbali baladosa' – kalana palesayanyo ma'isa mahoson – kalana kita Utus bebas mombau maumo pa'apaa.

1 KORINTUS 9:12

De to mia-mian sangga'at ko hak montaha'imani aiya lengkat hi komiu, te misa' kami ahi na lebe ko hak molingkudui aha? Panyo aku ma'isa monggunakon hak aijo'. Ola ahi' aku lebe mongka'ima'i montanggung iwi-iwi' apaa, asan boli monsaduakon han anu molewot Lele Ma'ima' mongkona i Kristus obebakon.

1 KORINTUS 9:15

Panyo ma'isa toho' aku nompake hak haha aijo' mau pe'e sangahan. Ka' aku nontulis sulat aiya misa' mule' ko kahanda' da anu haha aijo' obee'mo uuka hi belengku. Lebe ma'ima' aku silaka ka' de mule' ola talabakas na anu ku kabubuulakon aijo'.

1 KORINTUS 9:17

Bisuannyo aku mompojalan kalaja aijo' ola posi kahanda'ku, tantu aku timbali montaha'imani da mohumpak tambo. Panyo aku mompolele Lele Ma'ima' aijo' ola ahi' kalana pinokaumo nu Tumpu Allah da mompojalan kalaja aijo'.

2 KORINTUS 4:5

Lele anu opotokakon mami aijo' misa' lele mongkona posi butong mami. Lele aijo' te lele mongkona i Yesus Kristus; saba' Iamo aijo' na Tumpu; ka' kami te to posa-posaihon miu kalana Ia.

1 TESALONIKA 2:6

Kami madi' mule' mompagala da mohumpak pompuji' lengkat hi mian – kabai hi komiu kabai hi mian sangga'at. Anu sahondo-hondonyo salaku rasul i Kristus, kami timbali ahi' montuntut apa-apaa lengkat hi komiu.