1 KORINTUS 9:17 - KITAB NU TUMPU ALLA LELE MA'IMAI'

¹⁷ Bisuannyo aku mompojalan kalaja aijo' ola posi kahanda'ku, tantu aku timbali montaha'imani da mohumpak tambo. Panyo aku mompolele Lele Ma'ima' aijo' ola ahi' kalana pinokaumo nu Tumpu Allah da mompojalan kalaja aijo'.

1 KORINTUS 9:17 ပူးပေါင်းရင်းမြစ်များ

GALATIA 2:7

Sumo aitumo mule' na to mia-mian anu osangka pande aijo' mangaku tukoonyo, Tumpu ompalentahmo aku da mompolele Lele Ma'ima' hi mian anu misa' Yahudi, pokakana sumo Ia nompalentahmo i Petrus da mompolele Lele Ma'ima' aijo' hi mian nu Yahudi.

1 KORINTUS 3:8

ua-ua'aha pokakanamo. Toto samian mohumpakje tambo nu lawenyo.

KOLOSE 1:25

Tumpu nonsaimo aku da timbali posaihon hi jama'at-Nyo bau kapentingan miu. Aku tionyo mompotokakon lele lengkat mae hi Tumpu, iwi-iwi';

1 KORINTUS 4:1

Kami aijo'mo to posa-posaihon i Kristus anu mangaku mompolele tanga'an nu Tumpu anu ma'isa sinumbu' nu dunia.

MATIUS 10:41

Mian anu montalima nabi, kalana ia nabi, tionyo mohumpak tamboo hi samian na nabi. Ka' ihe na montalima samian anu ma'ima' kalana ia ma'ima', tionyo mohumpak tamboo hi samian anu ma'ima'.

1 TAWARIKH 28:9

Lantas i Daud notataemo hi Salomo, “O anaku, tionyo ahi' Tumpu Allah anu nu sombah nu tuuma nu beleyum na nu akui salaku Tumpu Allah nu beleyum. Beleyum tionyo ahi' montuluti hondo-hondo lengkat i uno nu kinyonyoa nu beleyum totu-totu'u. Kalana nu sumbu'mo nu Tumpu na pikilan ka' tanga'an nu kinyonyoanto. De beleyum molio Ia, nukabot na Ia, panyo de beleyum mompala'i Ia, ia madi'mo mongala beleyum sampe toka sidu-sidutu'.

1 TESALONIKA 2:4

Madi'! Kami madi' motatae da momposanang kinyonyoa nu mian, panyo momposanang kinyonyoa nu Tumpu, anu monguji' kinyonyoa mami. Kalana kami nutaha'imani nu Tumpu timbali mompolele Lele Ma'ima' aijo'.

1 KORINTUS 3:14

De gudang anu pipinotinjomo nu mian i bawo nu mesen aijo' madi' mopapu nu apu, mian aijo' mohumpak tambonyo.

YEHEZKIEL 3:14

Kakuasa'an nu Tumpu na tinoka mae hi belengku, ka' salatan aku ihangkatmo ka' binoamo nu Roh-Nyo kinyonyoanku ingoa'anku napakatmo ka' mule' napanasmo.

YEREMIA 20:9

Panyo de ikinyonyoangku montaloakonmo na aku, “Sahanyo ku kolilimimo ahi' na Tumpu, bolimo daagi' aku motatae momboa atas sanggo-Nyo,” saba' potuunon nu Belento sumomo ahi' apu anu ningobamo ikinyonyoangku. Pinisobangkumo na nongintim, panyo madi' ahi' ku poko ala.

YESAYA 6:8

Lantas ihongongkumo na potatae nu Tumpu nompoto'i, “Ihe na Kusai? Ihe na momboa lele lengkat aiya hi kita?” Tinaamankumo, “Aiya na aku. Saimo mae na aku!”

NEHEMIA 11:2

Aha aijo' daagi' ko anu sanang na jojoong i kota' Yerusalem ka' aha o puji' nu mian da'isan.

1 TAWARIKH 29:9

Sanang na kinyonyoa nu mian da'isan hi Tumpu ka' aha i lame'mo kalana nanjoo'mo na anu binee'mo nu aha hi Tumpu. I Tomundo' Daud suele i lame'mo hondo.

FILEMON 1:14

Panyo aku madi' mongka'oho' mombau apa-apaa de kita Utus ma'isa monsitujui mae. Aku lebe mongka'ima'i de kita Utus montalima ia ka' halata' ahi' na kinyonyoaum; aku madi' mongka'oho' mompakisa beleyum.

2 KORINTUS 8:12

De komiu halala' na mombee' saba' nutalima nu Tumpu na anu obee' aijo' iyamo na anu daagi' hi belemiu, misa' pa' apaa na anu madi' hi belemiu.

1 KORINTUS 9:16

Kalana de aijo' ola han mompolele Lele Ma'ima' lengkat mae hi Tumpu, tantu aku madi' ko hak kobubuun, kalana Tumpu nompalentahmo aku, da mompojalan aijo'. Silaka na aku de aku madi' mompolele Lele Ma'ima' aijo'!

LUKAS 12:42

Tumpu nontaami, “Ihe na posaihon anu mohongo-hongo ka' pande, sahingga i hangkat nu tuannyo timbali kapala nu to posa-posaihon sangga'at da ia mombee'i aha mongkaan toka i tempo'nyo?

MATIUS 24:25

Jadi, o inau'! Aku mompoto'imo hi komiu i moonanyo ma'isa pe'e han aijo' jadi saidi' mae.

MALEAKHI 1:10

Tumpu Anu Daka' na Kuasanyo notataemo, “Lebe ma'ima' tumban nu Laigan-Ku otumbanmo kalana palasuma ahi' na belemiu mompomoak apu i mezbah-Ku. Madi'mo Ku ka'ima'i na belemiu ka' mule' madi'mo mongka'oho' mongala palasombahan nu belemiu.

YUNUS 1:3

Panyo i Yunus ola mule' ahi' namba itampat sangga'at da majo'on hi Tumpu. Ia namba i Yope ka' tempo'nyo aijo' nompaha kabotmo kapan anu kahanda' mamba i Spanyol. Salatan binayannyomo na ongkos nu kapan ia sinumake'mo i kapan aijo', lantas tinalabutmo namba hingga-hinggat tiba pangalaja nu kapan nambamo i Spanyol da majo'on hi Tumpu.

1 TAWARIKH 29:14

Aku ka' mianku aiya totu-totu'u madi' moko ala mombee'i apa-apaa hi belento, kalana iwi-iwi' na anu binee' nu Belento ka' apaa na anu obee' mami aiya, belento ahi' suele na tumpunyo.

YOHANES 4:36

Mian anu mompadak montampu'unimo montalima tamboonyo, ka' molimu' hasinnyo da bau kantumuu'an anu talakana' sampe toka sidu-sidutu'. Sahingga mian anu montugan tiba mian anu mompadak timbali mongoa'i kasanangan hingga-hinggat.

1 KORINTUS 9:18

Desumo aijo', tambongku apaa? Aiya na tambonyo: aijo'mo aku moko ala mompolele Lele Ma'ima' aijo' madi' pilenje mompiboati samian pe'e da mongongkosi aku, kalana aku madi' mompagala momoita te hak ku salaku anu mompolele Lele Ma'ima' aijo'.