1 KORINTUS 8:9 - KITAB NU TUMPU ALLA LELE MA'IMAI'

⁹ Panyo obala ingati! Boli mule' monsaduakon mian sangga'at timbali baladosa' – kalana palesayanyo ma'isa mahoson – kalana kita Utus bebas mombau maumo pa'apaa.

1 KORINTUS 8:9 ပူးပေါင်းရင်းမြစ်များ

YESAYA 35:3

Pohoson na lima anu madi' moko ala mombau apa-apaa, pohoson na buku nu ike-ike' anu iludokmo.

YESAYA 57:14

Daagi' ko anu notatae, “Baumo ka' posadiamo na jalan da bau kajalanan nu mian anu palesayamo hi beleng-Ku bolimo daagi' ko anu madi' mombau.”

YEHEZKIEL 14:3

“O, manusia anu madi' tumuu' batu, mian haha aiya nompopalesayamo butong nu aha hi pilogot sahingga aha nanabu'mo i dosa'. Te toho' mule' Aku pompokilawan mae nu aha?

YEHEZKIEL 44:12

Panyo kalana aha nombaumo pakalaja'an monsombah pilogot hi aha bansa Israel, ka' tiba jalan aijo' sahingga nonsaduakonmo bansang aijo' binaladosa'mo, sahingga Aku, Tumpu Anu Matangkas na Kuasanyo binasumpa'mo saba' aha aijo' tionyo ahi' ohukumo.

IMAMAT 19:14

Boli montotobi'akon mian anu mabongon ka' boli mompotimpas batu, da bau tosumpunan nu mian mapisok hau-haunyo lumajang. Tionyo ahi' belemiu mongadati ka' okabuhuk na Aku, kalana Akumo na Tumpu Allah nu belemiu.

MATIUS 18:10

“Jaga! Boli mompopo'ambang sala'samian na to mia-mian anu ise' aijo'. Kalana, o inau'mo, na to mala-malaikat, aha saja' i ahop nu Tuumang-Ku i suluga'. [

ROMA 15:1

Kita anu totu-totu'u junjuhi' i anu opalesayanto, tionyo sabaan i kabalatan-kabalatan nu mian anu ola tudu-tudu na kapalesaya'annyo. Boli ola kita momposanang posi butongto.

1 KORINTUS 10:24

Boli ko samian mombau usaha ola posi kapentingan nu butongnyo. Toto samian mombau usaha tionyo ahi' bau kapentingan nu mian sangga'at.

1 KORINTUS 10:28

Panyo de ko anu motatae hi beleyum, “Kaanon aiya sinombahkonmo hi pilogot,” bolimo mongkaan kaanon aijo', kalana montoa kapentingan nu mian aijo' tiba kalana monginau' anu uutu i kinyonyoa.

1 KORINTUS 10:29

Anu ku kukahanda'i misa' anu o'oa'i nu kinyonyoaum, panyo anu nu'oa'i nu kinyonyoa nu mian aijo'. Tantu daagi' ko anu mompokilawa, “Ah, kadaka' kabebasan, nukinyonyoangku mongalamo anu nu o'oa'i nu kinyonyoa nu mian sangga'at?

1 KORINTUS 10:32

Tumuu'mo sumo aitu na baunyo da kita Utus madi' monsaduakon mian sangga'at mombau dosa'; pa' aha mian nu Yahudi kabai misa' mian nu Yahudi, kabai jama'at nu Tumpu.

1 KORINTUS 8:10

Pongka'oho'ku sumo uuka: Bisuannyo kita Utus, anu mahosonmo na palesaya hau-haunyo suha-suhang mongkaan i pontalakanian pilogot. Lantas daagi' ko mian montoa kita Utus suha-suhang mongkaan i kiijo'. De palesaya nu mian aijo' madi' mahoson, temisa' aijo' monsaduakonmo mian aijo' baanimo mongkaan kaanon anu binee'mo i pilogot aijo'?

1 KORINTUS 8:12

Ka' de kita Utus mombau kasala'an pokakana sumo aijo' hi to Utu-utus Kristen, – aijo' kita Utus mongideimo palesaya nu aha anu ma'isa mahoson – jadi kita Utus baladosa'mo hi Kristus.

1 KORINTUS 9:22

Hi aha to mia-mian anu kapalesaya'annyo madi' mahoson, aku mule' montiho sumo samian anu kapalesaya'annyo madi' mahoson, da aku timbali moko ala mongendei aha da timbali mombatuki i Kristus. Memang, aku tinimbalimo sumo anu iwi-iwi' aijo', kalana kapalaluan nu iwi-iwi' mian da mau mule' mosiamo na jalan timbali na aku momposalamat sambagian na aha.

2 KORINTUS 11:21

Aku ma'ambang na mangaku au'aitu kami talalo mabuhuk na mombau anu sumo aijo'. Panyo apaa na anu nu kabaaniakon ka' okabubuulakon nu mian sangga'at, aku suele baani! (Aku motatae sumo mian ponga'.)

2 KORINTUS 11:29

De ko anu susa', aku suele mongoa'i susa'. De ko anu mombau dosa'; kinyonyoangku suele ma'idekanmo ka' tongkolibosonmo.

2 KORINTUS 6:3

Kami madi' mongka'oho' kalaja mami opisala'i. Kalana aijo' kami bala usaha madi' mombee'i pikilan hi samian pe'e da mombau han aijo'.

GALATIA 5:13

Kita Utus ilagamo da timbali mian anu bebas. Panyo boli mompake kabebasan miu aijo' da saja' mombau mau mule' pa' apaa na anu oka'oho' obau miu. Ola ahi' komiu tionyo mompaha kali-kalibosi ka' mompaha toa-toa anu kakulangan.

KOLOSE 2:8

Tionyo ahi' obala'ingati miu, ihe na monsumbu' daagi' ko anu monggoda komiu nu to kapa-kapandean nu mian anu madi' ko kaliangannyo, panyo ola mompobingong da sala'. Kapandean haha aijo' misa' lengkat mae hi Kristus, panyo ola lengkat mae i pikilan nu mian ka' lengkat mae i to roh-roh ma'idek anu mongkuasai dunia.

1 PETRUS 2:16

Komiu tionyo ahi' tumuu' sumo mian anu bebas, panyo boli mompake kabebasan nu belemiu aijo' da bau pongkulubi anu ma'idek, panyo tumuu'mo ahi' susumo posaihon nu Tumpu.

2 PETRUS 2:19

To gulu-gulu' anu madi' totu'u haha aijo' binajanji'mo hi to mia-mian tukoonyo saidi' mae madi' mohumpak hukuman, padahan posi aha binotuananmo nu anu saja' nubau nu aha anu nongideimo mian. Kalana de mian i hungku'anmo nu apa-apaa, saba' ia binotuananmo nu anu nohungku'imo aijo'.

ANU PINOTO'I HI YOHANES 2:14

Mau mule' sumo aitu daagi' ko to pia-piangkuka na han anu madi' Ku ka'ima'i hi belemiu: Daagi' ko sambahagian na mian atina' hi belemiu anu nontulutimo apaa na anu ingajanakonmo i Bileam. I Bileam nompogulu'mo i Balak mosia na monabu'akon mian nu Israel i uno nu dosa'; aijo'mo pagala monsale'i aha mongkaan kaanon anu sinombahkonmo hi pilogot ka' mombau hahan masala'.