1 KORINTUS 8:6 - KITAB NU TUMPU ALLA LELE MA'IMAI'

⁶ Panyo hi kita, Tumpu ola sa'a-sa'angu'nyo. Ia Tuuma anu nompotimbalimo iwi-iwi' na anu daagi'. Bau kapaluan-Njo na kita tumuu'. Ka' Tumpu suele ola sa'angu', aijo'mo i Yesus Kristus. Anu binau iwi-iwi' nolengkat mae hi Ia, ka' kalana Ia sahingga kita tinumuu'mo.

1 KORINTUS 8:6 ပူးပေါင်းရင်းမြစ်များ

YESAYA 46:9

Soba tutugi na hahan anu jinadimo naipuan mae; akuimo taalu' Akumo ahi' na Tumpu ka' madi'mo daagi' kosangga'atannyo Akumo na Tumpu ka' madi'mo ko anu pokakana sumo Aku.

YEREMIA 10:6

Tumpu anu talasanggo hondo Belento madi' ko anu moko ala mongkakanai sanggo nu Belento talasanggo hondo ka' balakuasa hondo.

YEREMIA 10:7

Ihe na madi' mongka'oho' tundu' hi Belento, tomundo' nu aha bansa iwi-iwi'? Memang, Belento patut hondo o, adati. Iwi-iwi' na anu pande hi aha to bansa-bansa ka' hi aha iwi-iwi' na tomundo' nu aha, madi' ko samian pe'e na timbali pompokakana i tiba butong nu Belento o, Tumpu.

YUNUS 1:9

Tinaaman i Yunus, “Aku mian nu Ibrani. Aku monsombah Tumpu, Tumpu anu kiita i suluga', anu nompojadi ambai tiba katano'an.”

MALEAKHI 2:10

Temisa' kita iwi-iwi' aiya ko tuuma ahi anu pokakana? Temisa' kita iwi-iwi' aiya pinotimbali ahi' nu Tumpu anu pokakana? De sumo aijo' kadaka' kita bubuu'mo madi' nontuluti palajanjian ka' mule' tiba jalan aijo' madi'mo nontuluti palajanjian anu bianumo nu Tumpu tiba mompolee'to?

MATIUS 11:27

Lantas i Yesus notatae, “Iwi-iwi na apaa pinotalimamo nu Tuuma hi beleng-Ku. Madi' ko samian pe'e monsumbu' Anak, de misa' Tuuma. Madi' mule' ko anu monsumbu' Tuuma de misa' Anak, ka' to mia-mian maumo ihe na Anak aijo' monsisikakon Tuuma.

MATIUS 28:18

I Yesus nongohani aha ka' notatae, “Iwi-iwi' na kuasa i suluga' ka' i dunia aiya binee'mo hi beleng-Ku.

YOHANES 1:10

Potatae nu Tumpu daagi'mo i dunia, dunia pinotimbali nu potatae-Nyo, panyo dunia madi' monsumbu' Ia.

YOHANES 1:3

Iwi-iwi' na anu pinotimbali nolengkat mae hi Ia, ka' iwi-iwi' na anu daagi', madi' ko sa'angu' pe'e na anu pinotimbali de misa' Ia.

YOHANES 10:30

Aku tiba Tuuma sa'a-sa'angu'nyomo.”

YOHANES 13:13

Komiu molaga Aku Gulu' ka' Tumpu. Memang ahi' sumo aijo'.

YOHANES 14:20

De tokamo na sinaa aitu, osumbu'je miu taalu' Aku mosa'angu' tiba Tuuma, komiu mosa'angu' ka' Aku, ka' Aku mosa'angu' tiba komiu.

YOHANES 17:3

Aiyamo na kantumuu'an kopian ka' toka sidu-sidutu'; da mian monsumbu' kita Tuuma, ola sa'a-sa'angu'nyomo na Tumpu anu totu'u, ka' monsumbu' i Yesus Kristus anu sinai mae nu kita Tuuma.

YOHANES 20:17

“Boli o toongi na Aku,” koonyo i Yesus hi ia, “kalana Aku ma'isa noliba' namba hi Tuuma. Panyo lako'mo hi to utu-utus-Ku, ka' poto'iakon hi aha, taalu' uuka aiya Aku moliba'mo mamba hi Tuumang-Ku, ka' Tuumaum Tumpung-Ku, ka' Tumpuum.”

SISIKON NU TO RASUL-RASUL 17:28

Sumo anu tinaloakon nu mian, ‘Kita tumuu' ka' kolalaajang ka' jojoong i dunia aiya, kalana kakuasa'an-Nyo'.’ Pokakana suele tiba anu tinaloakonmo nu to pia-piangkuka na mian anu nontulis pantun miu. Aha notatae, ‘Kita iwi-iwi' te to ana-anak-Nyo.’

SISIKON NU TO RASUL-RASUL 2:36

Aijo' na sababnyo iwi-iwi' mian nu Israel tionyo monsumbu' totu-totu'u saba' i Yesus anu sinalibmo miu aijo', i Yesus ati-atina'mo na anu pinotimbalimo nu Tumpu, timbali Tumpu ka' Tomundo anu Momposalamat!”

SISIKON NU TO RASUL-RASUL 5:31

Ka' Tumpu nombee'mo hi Ia kapalentahan ka' kakuasa'an anu matangkas sumo Polaya' ka' Pomposalamat; da bansa Israel obee'i tempo' da balatobat bolimo mombau to dosa-dosa'nyo ka' mohumpak'je ka'ampunan.

ROMA 11:36

Tumpu na nombau iwi-iwi' aijo'. Iwi-iwi' nolengkat mae hi Tumpu tiba mule' bau kapentingan nu Tumpu. Puji' na Tumpu sampe toka sidu-sidutu'! Amin.

1 KORINTUS 12:3

Tionyo ahi' osumbu' miu saba' mian anu nu kuasaimo nu Roh nu Tumpu madi' moko ala motatae, “Kinutukan na i Yesus!” Sumo aitu mule' madi' ko samian pe'e moko ala montaloakon, “I Yesus Tumpu!” de mian aijo' madi' nu kuasai nu Roh nu Tumpu Allah.

1 KORINTUS 6:13

Daagi' mule' ko anu notatae tukoonyo, kaanon bau pongisi kompong, ka' kompong pinotouka bau pongisian kaanon. Panyo ohu-ohua' aijo' madi' nutalima nu Tumpu. Butong nu mian madi' timbali opake mombau palabuatan masala', panyo opake bau pohongo-hongo Tumpu. Ka' Tumpu na mompotuu' butong aiya.

1 KORINTUS 8:4

Han painggaga mongkaan kaanon anu sinombahkonmo hi pilogot, osumbu'to saba' te pilogot monggambanakon apa-apaa anu sabenannyo i madi'an. Ka' osumbu'to mule' saba' Tumpu ola sa'angu'; madi' ko sangga'atannyo.

EFESUS 1:3

Puji' na Tumpu, Tuuma Tumpunto i Yesus Kristus! Ia nombalakatimo kita nu iwi-iwi' na balakat nu Tumpu i uno nu suluga', kalana kita nosa'angu'mo tiba i Kristus.

EFESUS 3:14

Mokonyo aitu aku tinolodadupumo i ahop nu Tuuma.

PO'ULE' INGULIT 4:35

Iwi-iwi' aijo' pinotoamo nu Tumpu hi belemiu da bau pomponyata' saba' ola Tumpu, aijo'mo na Tumpu Allah ka' madi'mo ko sangga'atannyo.

PO'ULE' INGULIT 4:39

Kalana aijo' soba ahi' tutugi sinaa aiya ka' bolimo okolilimi, ola Tumpu sa'a-sa'angu'nyomo na Tumpu Allah i langit ka' i dunia; madi' ko anu sangga'at.

PO'ULE' INGULIT 6:4

To utu-utus, jaga mae! Ola Tumpu, ka' ola Tumpu na Tumpu Allah-nto!

KOLOSE 1:6

Lele lengkat mae hi Tumpu aijo' tinogilelemo i songko-songko na dunia, ka' kantumuu'an nu mian lajangmo binalakatan nu lele aijo', pokakana sumo kantumuu'an miu binalakatanmo salatan pe'e tempo'nyo komiu nohongomo balakat nu Tumpu, ka' totu-totu'u ingoa'anmo.

1 PETRUS 1:21

Kalana Ia sahingga komiu pinalesayamo hi Tumpu anu po'ule'mo nompotumuu' Ia sinilaka ka' nompopodaka'mo Ia. Jadi Tumpu Allah ahi' na anu opalesaya nu belemiu, ka' hi Tumpu ahi' na bau kataha'imanan nu belemiu.

ANU PINOTO'I HI YOHANES 1:18

Akumo na Ia anu tinumuu'mo! Aku sinilakamo, panyo toamo, Aku tumuu'mo sampe toka sidu-sidutu'. Aku mongkuasai kapatean, ka' i dunia nu mian anu i natemo.