1 KORINTUS 8:13 - KITAB NU TUMPU ALLA LELE MA'IMAI'

¹³ Mokonyo aijo' de kaanon monsaduakonmo Utusku baladosa', saba' aku madi'mo hondo daagi' mongkaan ponoha'. Kalana boli-boli Utusku baladosa'mo kalana aku.

1 KORINTUS 8:13 ပူးပေါင်းရင်းမြစ်များ

MATIUS 17:27

Panyo boli kita monsinggung kinyonyoa nu to mia-mian aijo'. Jadi, lako'mo pokiijo'mo i dowiwi da momeka. Ala na ikan momona i humpakum. I uno nu nganga'nyo aijo' beleyum mohumpakje doi anu sukup bau pombayan hasin nu kita ohua'. Ala na doi aijo' ka' bayan hi aha na hasin nu Laigan nu Tumpu.”

SISIKON NU TO RASUL-RASUL 15:20

Panyo kita tionyo montulis sulat toka hi aha ka' mompokinde'i aha, da aha boli mongkaan kaanon anu mahenyu, anu sinombahkonmo hi pilogot, kabai mongkaan ponoha' anu natemo tinekok, kabai mongkaan baso'. Ka' mule' da aha mompojo'on butong lengkat i kalakuan-kalakuan anu ma'idek.

ROMA 14:13

Mokonyo aitu boli kita mompaha pisa-pisala'i. Ola ahi' opai-pai lio da komiu madi' mombau apa-apaa anu monsaduakon samian na utus, anu sa'a-sa'angu' na kapalesaya'an tagoda ka' baladosa'.

ROMA 14:21

Sahanyo bolimo okaan na ponoha' kabai monginum anggur, kabai mombau pa'apaa, de han aijo' monsaduakon samian na utus anu sa'a-sa'angu' na kapalesaya'an timbali baladosa'.

1 KORINTUS 10:32

Tumuu'mo sumo aitu na baunyo da kita Utus madi' monsaduakon mian sangga'at mombau dosa'; pa' aha mian nu Yahudi kabai misa' mian nu Yahudi, kabai jama'at nu Tumpu.

1 KORINTUS 10:33

Tumuu'mo susumo aku. Aku bala usaha momposanang kinyonyoa nu mian iwi-iwi' i uno nu lupa-lupa na han, madi' ko kahanda' bau kapentingan nu posi butong. Patujungku ola da aha iwi-iwi' timbali oposalamat.

1 KORINTUS 13:5

Ia madi' mingkadaka'an, madi' laloasa, ia madi' mompakisa mian sangga'at da mombatuki posi pongka'oho'nyo, madi' mule' malia' monipis na bihing, ka' mongingu.

1 KORINTUS 6:12

Daagi' ko anu notatae tukoonyo toto samian timbali mombau iwi-iwi na apaa. Panyo de hi belengku madi' iwi-iwi'mo mingguna. Jadi mau mule' aku timbali moko ala mombau pa' apaa, panyo aku madi' mongka'oho' mompojohok butongku nukuasai nu apa-apaa.

1 KORINTUS 9:12

De to mia-mian sangga'at ko hak montaha'imani aiya lengkat hi komiu, te misa' kami ahi na lebe ko hak molingkudui aha? Panyo aku ma'isa monggunakon hak aijo'. Ola ahi' aku lebe mongka'ima'i montanggung iwi-iwi' apaa, asan boli monsaduakon han anu molewot Lele Ma'ima' mongkona i Kristus obebakon.

2 KORINTUS 11:29

De ko anu susa', aku suele mongoa'i susa'. De ko anu mombau dosa'; kinyonyoangku suele ma'idekanmo ka' tongkolibosonmo.

2 KORINTUS 6:3

Kami madi' mongka'oho' kalaja mami opisala'i. Kalana aijo' kami bala usaha madi' mombee'i pikilan hi samian pe'e da mombau han aijo'.