1 KORINTUS 7:40 - KITAB NU TUMPU ALLA LELE MA'IMAI'

⁴⁰ Pakalaus ia lebe untung de ia madi'mo po'ule' mo'osoa. Aijo' posi pikilanku, panyo kututugi apaa na anu kutaloakon aijo' te kuasa nu Roh nu Tumpu.

1 KORINTUS 7:40 ပူးပေါင်းရင်းမြစ်များ

1 KORINTUS 7:1

Uuka aiya aku mongka'oho' basisik mongkona hahan anu tinaloakon miu i uno nu sulat miu. De samian na mo'ane madi' mo'osoa, aijo' ma'ima'.

1 KORINTUS 7:35

Kutulis iwi-iwi' aijo' da bau posi ka'ima'anum, misa' kalana kahanda' montewa' aiya, ka' montewa' aijo'. Anu ku ku ka'oho' ola da kita Utus mombau anu totu'u ka' patut, ka' da kita Utus timbali momposa'angu' pikilanum hi Tumpu.

1 KORINTUS 7:6

Anu kutaloakon aiya misa' salaku palentah, panyo salaku pokinde'.

1 KORINTUS 7:8

Hi to mia-mian anu ma'isa no'osoa, ka' hi to bouboune anu binalumo, aiya na pokinde'ku: Lebe ma'ima' kita Utus tataapmo tumuu' sausa' susumo aku.

2 KORINTUS 12:11

Aku totu'u timbalimo sumo mian ponga' – panyo komiumo na nonsaduakon aku tinimbali sumo aijo'. Sabenannyo komiu ahi' na tionyo mompuji' aku. Kalana mau mule' aku madi' ko kaliangannyo apa-apaa, aku madi' hondo-hondo mahungku' hi to “rasul-rasul” anu madi' ko anu mongkakanai aijo'!

2 KORINTUS 13:3

Sahingga ohumpakje miu iwi-iwi' na bukuti' anu o kahanda'i miu taalu' totu-totu'u potataengku nolengkat mae hi Kristus. De i Kristus mompalentahmo komiu, ia madi' mompalentah ola yayamo, panyo ahi' nu potoaje na kuasanyo i tina' hi komiu.

2 KORINTUS 8:10

De o'ala i pikilanku, sapantasnyomo na komiu mompodopusmo apaa na tinampu'unanmo miu i taun anu i hikuhakonmo. Kalana komiumo na anu momonanyo nompopikilakon ka' nontampu'uni usaha aiya.

1 TESALONIKA 4:8

Mian anu madi' montalima pangajalan aiya misa' madi' montalima mian, panyo madi' montalima Tumpu anu nombee'imo Roh-Nyo anu susi' hi komiu.