1 KORINTUS 7:34 - KITAB NU TUMPU ALLA LELE MA'IMAI'

³⁴ ahennyo anu nupopikilakon mobagi-bagimo. Samian na boune anu madi' ko langkai'nyo, kabai samian na langkoyang, manjoo' mompopikilakon hahan mongkona Tumpu, kalana ia mongka'oho' da butong ka' santuu'nyo timbali Tumpu na tumpunyo. Panyo samian na boune anu ko langkai'nyomo, momposa'angu'mo pikilannyo i hahan nu dunia aiya, kalana ia mongka'oho'mo momposanang kinyonyoa nu langkai'nyo.

1 KORINTUS 7:34 ပူးပေါင်းရင်းမြစ်များ

YOHANES 10:13

Mian anu mongala tambo aijo' malai, kalana ia mokalaja ola kalana tambo. Ia madi' mompajuli domba-domba haha aijo'.

ROMA 6:13

Boli mule' kita Utus mombee' bagi-bagian nu butongum i kuasa nu dosa' ka' opakemo i to kaha-kahanda' anu ma'idek. Panyo simpalakonmu na butongum hi Tumpu salaku mian anu ilalinmo lengkat i kasilakaan mokiijo' i kantumuu'an. Simpalakonmo na butongum iwi-iwi' hi Tumpu da opake mombau kahanda' nu Tumpu.

1 KORINTUS 6:20

Ingolimo nu Tumpu na komiu ka' pinolunasnyomo na olinyo. Mokonyo aijo', opake na butong miu ma'i-ma'ima' sahingga Tumpu opopodaka'.

1 KORINTUS 7:33

Panyo mian anu ko bengkele'nyo manjoo' mompopikilakon hahan nu dunia aiya, kalana ia mongka'oho' momposanang kinyonyoa nu bengkele'nyo;

1 KORINTUS 7:35

Kutulis iwi-iwi' aijo' da bau posi ka'ima'anum, misa' kalana kahanda' montewa' aiya, ka' montewa' aijo'. Anu ku ku ka'oho' ola da kita Utus mombau anu totu'u ka' patut, ka' da kita Utus timbali momposa'angu' pikilanum hi Tumpu.

2 KORINTUS 11:28

Ka' mule' i han iwi-iwi' aijo', sansina-sinaa aku bata-bata kalana montoa kalakuan nu jama'at iwi-iwi'.

2 KORINTUS 8:16

Tahahumo hondo na kami montalima kase hi Tumpu, kalana Ia nompotimbalimo i Titus nakekemo sumo kami da montulungi komiu!

FILIPI 1:20

Anu talalo ku ka'ima'i ka' kugagan aijo'mo da boli hondo-hondo aku madi' mingkaliangan i uno nu kalajangku. Panyo ahi' kugagan da iwi-iwi' na tempo' lebe-lebe mule' uuka aiya, aku timbali baani sahingga i uno nu kantumuu'anku – pa' aku tumuu' kabai silaka – i Kristus na opopodaka'.

1 TESALONIKA 5:23

O amalakon da posi Tumpuje na mombee'i kita ka'ima'an, mompotimbali komiu mian anu totu-totu'u tumuu'mo samata-mata hi Tumpu. O amalakon da Tumpu monjagai butong miu, iwi-iwi' mau mule' roh, santuu' kabai pe'e butong miu, sahingga madi' ko ideknyo de Tumpunto i Yesus Kristus mompo'ule'mo mae toka.

1 TIMOTIUS 3:5

Kalana de mian madi' monsumbu' mongatun posi auwannyo, mosia na ia timbali mongatun jama'at nu Tumpu?

1 TIMOTIUS 5:5

Balu anu totu-totu'u me butong sausa', ka' madi'mo ko anu pa' ihe na anu timbali montombuati, ia me taha'iman hi Tumpu. Sinaa ka' pihi ia la saja' balado'a hi Tumpu momoita da Nu montulungi.

TITUS 3:8

Potatae aiya totu'u ka' kona. Ku kahanda'i da beleyum sabole-bole mompoteteng han haha aiya, da to mia-mian anu palesayamo hi Tumpu totu-totu'u bala usaha da mombau pakalaja'an-pakalaja'an anu ma'ima' ka' mingguna hi mian iwi-iwi'.