1 KORINTUS 7:32 - KITAB NU TUMPU ALLA LELE MA'IMAI'

³² Pongka'oho'ku da kita Utus bebas i kasusa'an. Mian anu madi' ko bengkele'nyo momposa'angu'mo pikilannyo i hahan mongkona Tumpu, kalana ia mongka'oho' momposanang Tumpu.

1 KORINTUS 7:32 ပူးပေါင်းရင်းမြစ်များ

MAZMUR 55:22

Potataenyo ma'ima'hondo na ia mombisalai, panyo i uno nu kinyonyoanyo mongka'ideki. Ia basisik madi' ko pesa-pesa, panyo monsusuk, sumomo bajak na ko tajomnyo.

MATIUS 13:22

Bine' anu nanabu' i totonga' nu sompinit, sumomo to mia-mian anu mohongo lele aijo', panyo bata-bata mongkona kantumuu'an nu aha, ka' mongka'oho' tumuu' molabi. Kalana aijo' lele anu lengkat mae hi Tumpu, ola o piiti i kinyonyoa nu aha, sahingga madi' mimbua'.

MARKUS 4:19

panyo kantumuu'an nu aha daagi' bata-bata ka' mongka'ima'i tumuu' sanang. Lupa-lupa na napisu minsoop i uno nu kinyonyoa nu aha. Kalana aijo' lele anu lengkat mae hi Tumpu ingipidanmo nu kinyonyoa nu aha da madi' mimbua'.

YOHANES 10:13

Mian anu mongala tambo aijo' malai, kalana ia mokalaja ola kalana tambo. Ia madi' mompajuli domba-domba haha aijo'.

1 KORINTUS 7:33

Panyo mian anu ko bengkele'nyo manjoo' mompopikilakon hahan nu dunia aiya, kalana ia mongka'oho' momposanang kinyonyoa nu bengkele'nyo;

FILIPI 4:6

Boli bata-bata maumo pa'apaa. I uno nu iwi-iwi' na han, balado'a ka' potoka na poitaon miu hi Tumpu. Apaa na anu opalalui miu, saja' opoto'i na aijo' hi Tumpu, ka' montalima kase.

1 TIMOTIUS 5:5

Balu anu totu-totu'u me butong sausa', ka' madi'mo ko anu pa' ihe na anu timbali montombuati, ia me taha'iman hi Tumpu. Sinaa ka' pihi ia la saja' balado'a hi Tumpu momoita da Nu montulungi.