1 KORINTUS 7:25 - KITAB NU TUMPU ALLA LELE MA'IMAI'

²⁵ Uuka aiya mongkona to mia-mian anu ma'isa no'osoa. Mongkona han aijo', aku madi' nontalima palentah apa-apaa lengkat mae hi Tumpu. Panyo sumo mian anu kalana balakat nu Tumpu, patut opalesaya, aku mongka'oho' mombee'i pokinde'ku.

1 KORINTUS 7:25 ပူးပေါင်းရင်းမြစ်များ

MAZMUR 78:63

To oli-olitau nu aha kinaanmo nu apu; madi'mo ko anu nongosoai to lalangkoyang nu aha.

1 KORINTUS 15:10

Panyo kalana balakat nu Tumpu aku tinimbalimo susumo tinuu'ku uuka aiya. Ka' madi' pinalasuma na Tumpu nongampunimo aku. Pakalaus aku ahi' na mokalaja lebe makeke molingkudui rasul kanjoo'annyo sangga'at. Panyo sabenannyo aijo' misa' usahangku; aijo' usaha nu Tumpu anu mongkalibosi aku ka' mokalaja hingga-hinggat ka' aku.

1 KORINTUS 4:2

Anu momona pagala opoita hi to posa-posaihon anu susumo aijo' madi' kosangalasannyo aijo'mo da ia mohongo-hongo tuannyo.

1 KORINTUS 7:10

Kakona hi aha anu no'osoamo, aiya na palentang-ku: (Sabenannyo misa' aku na mombee'i palentah aiya, panyo Tumpu.) Samian na boune anu no'osoamo, bolimo mompala'i langkai'nyo.

1 KORINTUS 7:12

Hi sangga-sangga'atnyo pokinde'ku sumo uuka: – aiya posi pokinde'ku, misa' Tumpu – de samian na Kristen ko bengkele'nyomo samian na boune anu madi' palesaya hi Kristus, ka' bengkele'nyo setuju jojoong mogalum tiba ia, mian aijo' madi' timbali mongga'atakon bengkele'nyo.

1 KORINTUS 7:28

Panyo de kita Utus mo'osoa aijo' misa' dosa'. Sumo aitu mule' de samian na langkoyang mo'osoa misa' alati'nyo baladosa'. Ola aha anu mo'osoa aijo', saidi' mae mongahopi manjoo' na kasusa'an. Ka' ku kahanda'i da kita Utus madi' nukona nu kasusa'an aijo'.

1 KORINTUS 7:34

ahennyo anu nupopikilakon mobagi-bagimo. Samian na boune anu madi' ko langkai'nyo, kabai samian na langkoyang, manjoo' mompopikilakon hahan mongkona Tumpu, kalana ia mongka'oho' da butong ka' santuu'nyo timbali Tumpu na tumpunyo. Panyo samian na boune anu ko langkai'nyomo, momposa'angu'mo pikilannyo i hahan nu dunia aiya, kalana ia mongka'oho'mo momposanang kinyonyoa nu langkai'nyo.

1 KORINTUS 7:40

Pakalaus ia lebe untung de ia madi'mo po'ule' mo'osoa. Aijo' posi pikilanku, panyo kututugi apaa na anu kutaloakon aijo' te kuasa nu Roh nu Tumpu.

1 KORINTUS 7:6

Anu kutaloakon aiya misa' salaku palentah, panyo salaku pokinde'.

2 KORINTUS 11:17

Lapas aiya kusanggoje na anu ku buulakon, panyo misa' Tumpu na nompokau aku montaloakon aijo'. I uno nu han aiya aku totu-totu'u notatae sumo mian ponga'.

2 KORINTUS 2:17

Kami madi' sumo mian da'isan anu mompotimbali lele lengkat mae hi Tumpu ola sumo balu-balukon. Pongka'oho' mami anu sahondo-hondonyo, kalana kami binee'anmo kalaja nu Tumpu. Ka' Tumpu na nosi toamo saba' kami nompotokamo lele aijo' susumo to posa-posaihon i Kristus.