1 KORINTUS 7:22 - KITAB NU TUMPU ALLA LELE MA'IMAI'

²² Kalana samian na posaihon anu palesayamo hi Tumpu, aijo' mian nu Tumpu anu bebas. Ka' samian anu bebasmo anu palesayamo hi Tumpu, aijo'mo posaihon i Kristus.

1 KORINTUS 7:22 ပူးပေါင်းရင်းမြစ်များ

MAZMUR 116:16

Aku aiya posaihon nu – Belento, o, Tumpu, susumo tinangku, aku suele monsombah ahi' Belento. Belento nonsabatakonmo aku i uno nu talungku'.

ROMA 1:1

To Utu-utus iwi-iwi' i Roma anu nunukalibosi nu Tumpu ka' anu ilagamo nu Tumpu da timbali mian-Nyo anu palesayamo. Tumpu nompile'imo ka' nongangkatmo aku samata-mata da mompolele Lele Ma'ima' lengkat mae hi Tumpu.

1 KORINTUS 7:21

De tempo'nyo kita Utus ilaga, kita Utus posaihon, bolimo kita Utus basusa-susa' mompopikilakon han aijo'. Panyo de saidi' mae kita Utus mohumpak kasampatan da timbali bebas, pakemo na kasampatan aijo'.

1 KORINTUS 9:19

Aku aiya misa' posaihon pa' ihe; aku bebas. Mau mule' sumo aitu, aku mompotimbalimo butongku aiya posaihon toka hi iwi-iwi' na mian. Kubau na aijo' da aku moko ala mohumpak manjoo' na mian palesaya hi Kristus.

1 KORINTUS 9:21

Toka hi mian anu misa' Yahudi, aku montiho susumo samian anu misa' Yahudi, anu tumuu' i sambiha'nyo nu atulan i Musa. Kubau na aijo' da aku timbali moko ala mongendei aha mombatuki i Kristus. Panyo aijo' misa' alati'nyo saba' aku madi'mo mohongo-hongo palentah haha aijo' nu Tumpu; aku na kinuasanmo ahi' nu palentah haha aijo' i Kristus.

GALATIA 1:10

Pa' tiba jalan aijo' aku otoa so'o-so'omo montaha'imani da nu puji' nu manusia? Totu-totu'unyo i madi'! Aku ola ahi' montaha'imani anu ingakuanmo nu Tumpu. Pa' ko anumo binaungku da bau pongala kinyonyoa nu manusia da nu kanonongi nu mian? De aku daagi' mombau sumo aitu, aku misa'mo posaihon i Kristus.

GALATIA 5:1

Kita uuka aiya binebasmo kalana i Kristus nompobebasmo kita! Kalana aijo' otoongi dodo-dodo na kabebasan miu, ka' bolimo mongka'oho' obotuani mule'.

GALATIA 5:13

Kita Utus ilagamo da timbali mian anu bebas. Panyo boli mompake kabebasan miu aijo' da saja' mombau mau mule' pa' apaa na anu oka'oho' obau miu. Ola ahi' komiu tionyo mompaha kali-kalibosi ka' mompaha toa-toa anu kakulangan.

KOLOSE 4:12

Salan do'a lengkat mae hi Epafras. Ia suele lengkat mae atina' i gampa miu. Ia posaihon i Kristus Yesus anu saja' tapakun mondo'akon komiu. Ia nompoitamo hi Tumpu sabole-bole da kapalesaya'an miu timbali mahoson ka' komiu totu-totu'u timbalimo otaha'imani, da sahondo-hondonyo na kinyonyoa miu tulu-tulutan i pongka'oho' nu Tumpu.

FILEMON 1:16

Uuka aiya ia misa'mo ola timbali posaihon nu kita Utus; ia misa'mo ola sumo aijo'. Ia atina' sangko mian Kristen anu okanonongi. Ia kinogunanyo hondo hi belengku, lebe-lebe mule' hi beleyum! Tantu ia ko gunanyo hondo salaku posaihon ka' mule' salaku mian anu noto utusmo hi Tumpu!

1 PETRUS 2:16

Komiu tionyo ahi' tumuu' sumo mian anu bebas, panyo boli mompake kabebasan nu belemiu aijo' da bau pongkulubi anu ma'idek, panyo tumuu'mo ahi' susumo posaihon nu Tumpu.

2 PETRUS 1:1

To Utu-utus anu totu-totu'u pinalesayamo sumo kami! I Yesus Kristus, aijo'mo Tumpu ka' Tomundo anu Momposalamat kita, nompotimbalimo kita palesaya hi Ia, kalana Ia nombaumo anu totu'u. Sulat aiya lengkat mae hi Simon Petrus, samian na posaihon ka' rasul i Yesus Kristus.

YUDAS 1:1

To Utu-utus anu i lagamo ka' anu talalo hondo nu kalibosi nu Tumpu Tuuma, ka' mule' anu o jagai da palesaya hi Yesus Kristus. Salaku posaihon i Yesus Kristus, aku – i Yudas – utus i Yakobus,