1 KORINTUS 7:21 - KITAB NU TUMPU ALLA LELE MA'IMAI'

²¹ De tempo'nyo kita Utus ilaga, kita Utus posaihon, bolimo kita Utus basusa-susa' mompopikilakon han aijo'. Panyo de saidi' mae kita Utus mohumpak kasampatan da timbali bebas, pakemo na kasampatan aijo'.

1 KORINTUS 7:21 ပူးပေါင်းရင်းမြစ်များ

LUKAS 12:29

Jadi, bolimo bata-bata ka' bingong mongkona apaa na anu okaan miu ka' o inum.

LUKAS 21:34

“Ojagai na butongum, boli komiu talalo mongka'ima'i mombau bau-bauon ka' lewa' monginum inumon anu moko langu, kabai talalo mompotutugakon kapalaluan nu kantumuu'anum, sahingga komiu madi' mosadia sampe toka sinaanyo aijo' anu nu potolokengkeng mae.

1 KORINTUS 12:13

Sumo aitumo na kita iwi-iwi', mian nu Yahudi kabai misa' mian nu Yahudi, to posa-posaihon kabai to mia-mian bebas; kita iwi-iwi' pinalamandikanmo nu Roh-mo ai-aijo', da kita oposa'angu' hi butong i Kristus aijo'. Kita iwi-iwi' suele mongoa'i kuasa nu Roh anu sa'a-sa'angu'mo aijo' sampe sukup.

1 KORINTUS 7:20

Tionyo toto samian tataapmo tumuu' i uno nu han tempo'nyo ia nohumpakmo polaga nu Tumpu.

1 KORINTUS 7:22

Kalana samian na posaihon anu palesayamo hi Tumpu, aijo' mian nu Tumpu anu bebas. Ka' samian anu bebasmo anu palesayamo hi Tumpu, aijo'mo posaihon i Kristus.

GALATIA 3:28

I uno nu han aiya madi'mo oposi posangalasan na mian nu Yahudi tiba misa' mian nu Yahudi, te botuan ka' mian bebas, te mo'ane ka' boune To Utu-utus iwi-iwi' nosa'angu'mo kalana i Kristus Yesus.

FILIPI 4:11

Kusisik na aiya misa' kalana aku ko kinakulanganmo, kalana aku binala gulu'mo da o'oa'i sukupmo apaa na anu daagi'.

FILIPI 4:6

Boli bata-bata maumo pa'apaa. I uno nu iwi-iwi' na han, balado'a ka' potoka na poitaon miu hi Tumpu. Apaa na anu opalalui miu, saja' opoto'i na aijo' hi Tumpu, ka' montalima kase.

KOLOSE 3:11

Salaku kasawe'annyo, aijo'mo iwi-iwi' na anu sangalasan hi mian Yahudi ka' misa' Yahudi, mian basunat ka' mian anu madi' basunat, pinokakanamo mian anu i salipu'an ka' mian anu madi' monsumbu' adat, posaihon ka' mian bebas, kalana iwi-iwi' kiijo'mo hi Kristus, ka' Ia nosa'angu'mo tiba aha iwi-iwi'.

IBRANI 13:5

Boli kantumuu'an miu mongka'ima'i doi na mongkuasai, panyo tionyo ahi' komiu mongoa'i sukupmo tiba apaa na anu daagi'mo hi belemiu. Kalana Tumpu notataemo, “Aku madi' mompojohok kabai mompala'i beleyum.”

1 PETRUS 5:7

Sampa' o'asanakon iwi-iwi' hi Tumpu na anu ma'isa talalo matantu i uno nu kinyonyoa nu belemiu, kalana Ia na mongkalesang komiu.