1 KORINTUS 7:19 - KITAB NU TUMPU ALLA LELE MA'IMAI'

¹⁹ Kalana mohongo-hongo atulan nu sunat kabai madi' mohongo-hongo, ohu-ohua' aijo' bubuu' madi' ko alati'nyo apa-apaa. Anu penting mohongo-hongo palentah nu Tumpu.

1 KORINTUS 7:19 ပူးပေါင်းရင်းမြစ်များ

MATIUS 5:19

Sabab kalana aijo', ihe na molanggai sala'sa'angu' na palentah haha aijo' mau mule' talalo ise' ka' mongajan mian sangga'at, mombau sumo aitu mule' timbali anu talalo ise' hi mian anu palesayamo hi Tumpu. Panyo mule' ihe na mompojalan pale-palentah aijo', ka' mongajan mian sangga'at mombau sumo aitu mule', timbali daka' hi mian anu palesayamo hi Tumpu.

YOHANES 15:14

Komiu atina'mo na to bela-bela'-Ku, de komiu mombau apaa na anu pinalentahkon-Kumo hi komiu.

ROMA 3:30

Kalana Tumpu ola sa'angu'. Iamo na nombau da moko ala na to mia-mian Yahudi timbali mompaha ima' mule' tiba Tumpu kalana aha palesaya. Ka' Iamo mule' na nombau da moko ala na to mia-mian bansa sangga'at po'ule' mompaha ima' tiba Tumpu; aijo' suele kalana aha palesaya.

1 KORINTUS 8:8

Sabenannyo de ola kaanon madi' monsabapi pompahasumbu'anto tiba Tumpu timbali lebe ma'ima'. De kita mongkaan kaanon aijo', kita madi' mohumpak ka'untungan apa-apaa. Panyo mule' de kita madi' mongkaan kaanon aijo', kita mule' madi' ko lugi'nyo apa-apaa.

GALATIA 3:28

I uno nu han aiya madi'mo oposi posangalasan na mian nu Yahudi tiba misa' mian nu Yahudi, te botuan ka' mian bebas, te mo'ane ka' boune To Utu-utus iwi-iwi' nosa'angu'mo kalana i Kristus Yesus.

GALATIA 5:6

Kalana de kita mosa'angu'mo tiba i Kristus Yesus, han mombatuki kabai madi' mombatuki atulan nu sunat, madi'mo mongkuka. Anu palalu hondo ola ahi' palesayamo hi Kristus, ka' aijo' oponyata' i uno nu kita mongkalibosi mian sangga'at.

GALATIA 6:15

Sinunat kabai madi' sinunat, aijo' madi' palalu. Anu palalu aijo'mo timbali manusia bu'ou.

KOLOSE 3:11

Salaku kasawe'annyo, aijo'mo iwi-iwi' na anu sangalasan hi mian Yahudi ka' misa' Yahudi, mian basunat ka' mian anu madi' basunat, pinokakanamo mian anu i salipu'an ka' mian anu madi' monsumbu' adat, posaihon ka' mian bebas, kalana iwi-iwi' kiijo'mo hi Kristus, ka' Ia nosa'angu'mo tiba aha iwi-iwi'.

ANU PINOTO'I HI YOHANES 22:14

Mohumpak ka'ima'an na mian anu nombaso'imo juba'nyo sampe belesi', ka' sahingga aha ko hakmo mongkaan bua' nu kau' kantumuu'an ka' minsoopmo i uno nu kota aijo' montului sabatan daka' aijo'.

1 SAMUEL 15:22

Panyo notatae na i Samuel, “Iya na anu talalo nu ka'ima'i nu Tumpu, tulu-tulutan hi Tumpu kabai koloban anu osombahkon? Montuluti Tumpu na lebe ma'ima' nu lingkudui na monsombahkon koloban. Tulu-tulutan hi Tumpu na lebe ma'ima nu lingkudui na lompo'nyo nu domba.