1 KORINTUS 7:14 - KITAB NU TUMPU ALLA LELE MA'IMAI'

¹⁴ Kalana langkai' anu madi' palesaya opobee' timbali mian palesayamo hi Tumpu, kalana po'osoannyo tiba bengkele'nyo anu tinimbalimo, mian anu pinalesayamo hi Tumpu. Sumo aitu mule' bengkele' anu madi' palesaya, opobee' timbali mian anu palesayamo hi Tumpu, kalana po'osoannyo tiba langkai'nyo anu tinimbalimo, mian anu pinalesayamo hi Tumpu. De madi' sumo aijo', to ana-anak nu aha tantu sumo to ana-anak nu mian daagi' halipulu, padahan to ana-anak haha aijo' sumo-sumomo mian anu palesayamo hi Tumpu.

1 KORINTUS 7:14 ပူးပေါင်းရင်းမြစ်များ

YESAYA 52:1

Pobulamo o, Yerusalem, pobulamo! Pohoson na kinyonyoa nu beleyum! Pusokmo na baju' pesalin nu beleyum! O, Yerusalem, kota' anu susi', mian anu mahumimi' madi'mo daagi' minsoop i sabatan daka' nu belemiu.

SISIKON NU TO RASUL-RASUL 10:23

I Petrus nolaga aha minsoop da sonsoo' pe'e i kiijo'. Dodododopnyo i Petrus nobula ka' namba hingga-hinggat tiba aha. To pia-piangkuka na mian anu palesaya lengkat mae i Yope nombatukmo suele.

ROMA 11:16

De sandihis na roti anu momona binee'mo hi Tumpu, aijo' alati'nyo iwi-iwi' na roti obee'mo hi Tumpu. Ka' de bakat nu kau' anu Nu Tumpu, aijo' alati'nyo to panga-panga'nyo anu-Nyomo suele.

1 KORINTUS 7:13

Ka' de samian na boune Kristen ko langkai'nyo anu madi' palesaya hi Kristus, ka' langkai'nyo setuju jojoong mogalum tiba ia, saba' bengkele'nyo madi' timbali mongga'atakon langkai'nyo.

1 TIMOTIUS 4:5

Kalana balakat lengkat hi Tumpu ka' do'a mompotimbalimo kaanon aijo' timbalimo okaan.

TITUS 1:15

Iwi-iwi na apaa susi' kona hi to mia-mian anu susi'. Panyo kona hi to mia-mian anu pikilannyo mahenyu ka' anu madi' palesaya, madi' hondo-hondo ko anu susi', kalana pikilan ka' kinyonyoa nu aha nahenyumo!