1 KORINTUS 7:10 - KITAB NU TUMPU ALLA LELE MA'IMAI'

¹⁰ Kakona hi aha anu no'osoamo, aiya na palentang-ku: (Sabenannyo misa' aku na mombee'i palentah aiya, panyo Tumpu.) Samian na boune anu no'osoamo, bolimo mompala'i langkai'nyo.

1 KORINTUS 7:10 ပူးပေါင်းရင်းမြစ်များ

YEREMIA 3:20

Panyo susumo bengkele' anu madi' tulu-tulutan beleyum suele ahi' madi'mo tulu-tulutan hi beleng-Ku. Aku, Tumpu notataemo.”

MATIUS 5:32

Panyo uuka Aku motatae hi beleyum: De ihe na mongga'atakon bengkele'nyo, padahan boune aijo' madi' noteeba', monsaduakon bengkele'nyo aijo' masala', de bengkele'nyo mo'osoa mule'. Ka' ihe na mo'osoa tiba boune anu gina'atakon aijo' suele masala'.”

MARKUS 10:2

To pia-piangkuka na mian nu Farisi tinoka mule' da molio-lio kasala'an i Yesus. Aha nompokilawa, “Koonyo nu hukum nu agamanto, pa' timbali na mian mongga'atakon bengkele'nyo?”

LUKAS 16:18

Ihe na mongga'atakon bengkele'nyo, ka' mo'osoa tiba boune sangga'at, mian aijo' masala'. Ka' mian anu mongosoai boune anu gina'atakonmo, masala' suele.”

1 KORINTUS 7:11

Panyo de ia mompala'imo, ia tionyo sidu-sidutu' madi'mo mo'osoa, kabai po'ule' ahi' minsusule' hi langkai'nyo. Ka' samian na langkai' madi'mo timbali mongga'atakon bengkele'nyo.

1 KORINTUS 7:12

Hi sangga-sangga'atnyo pokinde'ku sumo uuka: – aiya posi pokinde'ku, misa' Tumpu – de samian na Kristen ko bengkele'nyomo samian na boune anu madi' palesaya hi Kristus, ka' bengkele'nyo setuju jojoong mogalum tiba ia, mian aijo' madi' timbali mongga'atakon bengkele'nyo.

1 KORINTUS 7:15

Panyo de mian anu madi' palesaya aijo' mompala'i bengkele'nyo kabai langkai'nyo anu Kristen, boli montewa' ia. Han aijo' kita Langkoyang kabai Olitau aijo' bebas, kalana pongka'oho' nu Tumpu da kita Utus tumuu' mompaha hongo-hongo ka' ma'i-ma'ima'.

1 KORINTUS 7:25

Uuka aiya mongkona to mia-mian anu ma'isa no'osoa. Mongkona han aijo', aku madi' nontalima palentah apa-apaa lengkat mae hi Tumpu. Panyo sumo mian anu kalana balakat nu Tumpu, patut opalesaya, aku mongka'oho' mombee'i pokinde'ku.

1 KORINTUS 7:40

Pakalaus ia lebe untung de ia madi'mo po'ule' mo'osoa. Aijo' posi pikilanku, panyo kututugi apaa na anu kutaloakon aijo' te kuasa nu Roh nu Tumpu.

1 KORINTUS 7:6

Anu kutaloakon aiya misa' salaku palentah, panyo salaku pokinde'.