1 KORINTUS 6:9 - KITAB NU TUMPU ALLA LELE MA'IMAI'

⁹ Osumbu' miu na to mia-mian anu madi' montuluti pongka'oho' nu Tumpu madi' timbali mian anu palesayamo hi Tumpu? Boli o akali! To mia-mian anu masala', to mia-mian anu bapilogot, anu masala', anu mombau anu moko ambang hi sangko gampanyo bubuu' mo'ane, kabai bubuu' boune,

1 KORINTUS 6:9 ပူးပေါင်းရင်းမြစ်များ

KAJADIAN 19:5

Aha noloboo'imo i Lot ka' nompokilawa, “Iya na to mia-mian anu tinoka mae nale' i laigan nu beleyum? Bee' mae na aha, da okamale'i mami na aha!”

NOSABATMO 23:1

“Boli mombebeakon lele anu madi' totu'u ka' boli montulungi mian anu ma'idek na kinyonyoanyo ka' mule' anu mombee'i katalangan anu madi' totu'u.

AMSAL 11:1

Tumpu mongka'ideki mian anu mompake timbangan anu mongakali; panyo Ia sanang hi mian anu mompake timbangan anu totu'u.

AMSAL 22:8

Mian anu motugan kageguanan mompadak hasinnyo balaa', ahennyo kuasanyo kahanda' buhingison saidi mae lanyapmo.

AMSAL 7:27

De mamba ilaigannyo aijo' alati'nyo mongalamo jalan kodo-kodo' da mokiijo'mo ijalan kasilaka'an.

YESAYA 55:7

Tionyo ahi' mian anu ma'idek na gau'nyo mombabali'i kantumuu'annyo, ka' mombali'i pikilannyo. Sahanyo ahi' ia minsusule' mae hi Tumpu, da mohumpak pangasihan-Nyo. Tionyo ahi' ia po ule' mae toka hi Tumpunto, kalana Tumpu mongampuni nu kinyonyoa anu ma'ima.

YEHEZKIEL 18:11

anu madi' toho' binau nu tuumanyo. Ia mongkaan koloban anu sinombahkonmo itampat-tampat ponsomban to pilo-pilogot. Ia monggoda ka' mompatiduhusimo bengkele' nu mian.

IMAMAT 18:20

Boli moduhus tiba bengkele' nu mian sangga'at, de mombau anu sumo aijo' belemiu timbalimo mahumimi'.

IMAMAT 18:22

To momo'ane madi' timbali moduhus tiba sangko mo'anenyo; Tumpu Allah mongka'ideki palabuatan aijo'.

IMAMAT 19:15

Belemiu tionyo ahi' boli tageo' de momputusi palakala, boli monsangaja'i mian anu kasiasi ka' boli mabuhuk hi mian anu kaya.

IMAMAT 20:13

De ko mo'ane moduhusmo tiba sangko mo'anenyo sangga'at aha nombaumo palabuatan anu ma'idek ka' moko ambang, ka' ua-ua'aha tionyo o hukum mate. Aha nate kalana posi kasala'an nu aha.

ZAKHARIA 5:3

Lantas ia notataemo mae hi belengku, “I kitab anu ilulunmo aijo' tinulis pingkutuki iwi-iwi' na lipu' aiya. I sa'angu' na takeannyo tinulisan tukoonyo toto samian na anu mombuling osabatakonmo da bolimo jojoong i lipu' aiya. Ka' i takeannyo mule' sangga'at tinulis tukoonyo samian na anu basumpa' ihan anu madi' totu'u suele osabatakon.

MATIUS 19:29

Ka' batu-batu mian anu nompala'imo laigan, kabai utus mo'ane, kabai utus boune, kabai tina tuuma, kabai to ana-anak, kabai ale', kalana Aku, mian aijo' montalimaje mule' pinsa'atu lipat. Ka' ia montalimaje mule' kantumuu'an anu talakana' ka' sampe toka sidu-sidutu'.

MATIUS 25:34

Lapas aijo', Tomundo aijo' notatae hi to mia-mian anu i sasu koanan-Nyo, ‘Imbo' na komiu anu binalakatanmo nu Tuumang-Ku. Pinsoopmo i uno nu Kalaja'an anu pinosadiakon hi komiu salatanmo pe'e dunia momona.

LUKAS 21:8

I Yesus notatae, “Obala'ingati mae, boli komiu o akali. Da'isan na mian toka mompake sanggong-Ku, ka' motatae, ‘Akumo aiya na Ia!’ ka' ‘Tinokamo na tempo'nyo.’ Panyo boli komiu mombatuki aha.

SISIKON NU TO RASUL-RASUL 20:32

Uuka aiya ku bee'mo na komiu hi Tumpu da Ia na mompotuu' komiu ka' da komiu mintoong i lele nu balakat nu Tumpu Allah. Tumpu ko kuasa da mompohosonakon komiu ka' mombee'i komiu to bala-balakat anu noko posadia-Nyomo hi iwi-iwi' mian anu palesayamo hi Ia.

SISIKON NU TO RASUL-RASUL 24:25

Panyo salatan i Paulus nolausakonmo potataenyo mongkona hal madi' timbali baleko' ka' tionyo ahi montahan napisu ka' mongkona hukuman i Sinaa Kakiamatan, i Feliks nabuhukmo, lantas notatae, “Beleyum timbalimo minsusule' sinaa uuka. Aku molagaje mule' beleyum de ko kasampatanmo.”

ROMA 1:18

Lengkat mae i suluga' Tumpu nompotoamo tambuha'-Nyo hi iwi-iwi' na dosa' tiba ka'idekan nu mian, kalana ka'idekan mongompo' mian da madi' monsumbu' pokinde' anu totu'u mongkona Tumpu.

1 KORINTUS 15:33

Boli o akali! Po'imboan anu ma'idek mongidei kalakuan anu ma'ima'.

1 KORINTUS 15:50

Anu nupatui nu potataengku to Utu-utus, aijo'mo butong anu baso' ka' antok na pinotimbali, madi' moko ala minsoop i Dunia Bu'ou nu Tumpu; ka' butong anu timbali silaka madi' moko ala tumuu' sidu-sidutu'.

1 KORINTUS 3:16

Osumbu' nu kita Utus, saba' komiu Laigan nu Tumpu? Ka' saba' Roh nu Tumpu jojoong i uno nu butong miu?

1 KORINTUS 5:1

Aku sabenannyo nohumpakmo lele daagi' ko anu nonsisik, tukoonyo itina' hi komiu daagi' ko anu nombaumo anu mahenyu, anu talalomo hondo: Daagi' ko anu itina' hi komiu Utus anu nasala'mo tiba bengkele' nu tuumanyo te silabo'nyo. To mia-mian pe'e anu madi' monsumbu' Tumpu, madi'mo mombau sumo aijo'!

1 KORINTUS 5:10

Anu ku ku kahanda'i misa' mian anu masala' kabai mangoa, kabai pangakali kabai anu saja' motunde pilogot anu madi' hondo-hondo monsumbu' Tumpu. Misa'! Misa' sumo aijo' na kahanda'ku hi aha; kalana de komiu mompolilitmo aha, yo beilako' ahi' komiu mosabatmo totu-totu'u mompala'i dunia aiya.

1 KORINTUS 5:11

Kahanda'ku aijo'mo da komiu boli mosangalu tiba mian anu mangaku butongnyo mian Kristen, panyo mian aijo' saja' masala' kabai mangoa kabai motunde pilogot, kabai saja' mombusi-busiki mian sangga'at, kabai saja' malangu, kabai mule' pambuling. Sumuhang mongkaan tiba mian aijo' pe'e boli!

1 KORINTUS 6:10

anu buling, anu mangoa, saja' malangu, anu saja' mongalu mian sangga'at, tiba anu mompolugi' mian sangga'at – iwi-iwi' na mian anu sumo aijo' madi' timbali mian anu palesayamo hi Tumpu Allah.

1 KORINTUS 6:18

Opimpali na mombau palabuatan masala'. Kalana iwi-iwi' na dosa' sangga'at anu nubau nu mian, obau i sambiha' nu butong nu mian aijo'. Panyo mian anu momba-mombau anu ma'idek sumo-sumomo mombau dosa' i posi butongnyo.

1 KORINTUS 6:19

Tionyo ahi' osumbu' miu saba' butong miu kajojoongan nu Roh nu Tumpu. Roh aijo' jojoong i uno nu butong miu. Ka' posi Tumpu na nombee' Roh aijo' hi komiu. Butong nu kita Utus, misa' kita na tumpunyo. Aijo' Tumpu na tumpunyo.

1 KORINTUS 9:24

Kita Utus tantu monsumbu' saba' i uno nu pailomban mopadeka', iwi-iwi' na mian mopadeka', panyo ola samian na mohumpak tambonyo. Mokonyo aijo' popadeka'mo hoso-hoson sahingga kita Utus mohumpak tambonyo.

2 KORINTUS 12:21

Aku mabuhuk manga-manga tempo'nyo aku toka saidi' mae Tumpu Allah mompopo ambangmo aku i ahop miu ka' aku humaangmo kalana manjoo' itina' hi komiu na anu baladosa' u'utu mae, madi' nongabali' ka' madi' belenti na mombau bauon nu aha anu masala', pahengas ka' anu madi' halus obau.

GALATIA 6:7

Boli tagoda ihan anu madi' ma'ima'. Tumpu madi' timbali opahaikakon! Apaa na anu sinu'anmo, aijo'mo na anu o ala na bua'nyo.

PO'ULE' INGULIT 22:22

De samian na mo'ane o hakop hau-haunyo ia noduhusmo tiba bengkele' nu mian sangga'at ua ua'aha tionyo ahi' o hukum mate. Tiba jalan anu susumo aijo' belemiu mombaumo sonto' da bolimo ko anu mombau anu ma'idek susumo aijo'.

PO'ULE' INGULIT 22:5

Boune madi' timbali mompusok baju' susumo mo'ane ka' mo'ane suele madi' timbali mompusok baju' susumo boune, kalana mian anu mombau susumo aijo' nuka'ideki nu Tumpu Allah nu belemiu.

PO'ULE' INGULIT 23:17

Aha mian Israel, mo'ane kabai boune madi' timbali mian anu masala' i tampat-tampat ponsomban pilogot.

KOLOSE 3:5

Mokonyo aijo' bolimo monginde'i hahan anu nu kamilui nu dunia anu mompigalapi butong miu, sumo masala', hahan anu madi' pantas, napisu nu kinyonyoa, mongkamilui anu ma'idek, ka' mangaluk, (kalana mangaluk sumomo palesaya hi pilogot).

IBRANI 12:14

Bala usaha da tumuu' simbulu tiba to mia-mian. Ka' Bala usaha mule' da tumuu' susi', na palesaya hi Tumpu. Kalana madi' ko samian pe'e na moko ala montoa Tumpu de madi' ia tumuu' sumo aijo'.

IBRANI 12:16

Obala'ingati da boli ko anu tumuu' lewa' masala' kabai madi' mongangga'i hahan rohani, susumo anu binaumo i Esau. Pinobaluknyomo na haknyo salaku anak tumpe, ola kalana samangko' na anu o kaan.

IBRANI 13:4

Iwi-iwi' na mian tionyo ahi' mompotoa kalakuan mongadati po'osoan, mokonyo aijo' tionyo ahi' mo'ane bengkele' mompaha hongo-hongo samian ka' samian. Mian anu mombau anu mahenyu ka' mian anu masala' nu putusije nu Tumpu.

YAKOBUS 1:16

Boli komiu o akali, to Utu-utusku anu ku ku kanonongi!

1 YOHANES 3:7

To ana-anakku, boli mompobee' mau mule' ihe anu momposala' pikilan miu. Mian anu mombau pongka'oho' nu Tumpu atina'mo na anak nu Tumpu, susumo i Kristus Anak nu Tumpu.

ANU PINOTO'I HI YOHANES 21:8

Panyo mian anu madi' sabaan, geguan, mian anu palaganta pampatei, mian masala', mian anu ko ajimat, monsombah pilogot, ka' iwi-iwi' na anu baleko' o'alin i uno nu apu anu sumo ndalangon ka' belelang anu lewa' moak, aijo'mo na kapatean anu kopinduannyo.”

ANU PINOTO'I HI YOHANES 22:15

Panyo to mia-mian anu mombau han anu mahumimi', anu mompake to aji-ajimat, to mia-mian anu mombau to kala-kalakuan masala'; anu mompatei, anu monsombah pilogot, ka' to mia-mian anu baleko', mau anu otaloakon, mau apa-apaa na palabuatan ma'idek, iwi-iwi' na mian aijo' tampatnyo i sambiha' nu kota aijo'.

TO MIA-MIAN KOPIAN 19:22

Hau-haunyo aha kiijo' balasanang-sanang, monti-montiik laigan aijo' tinumbuhanmo nu aha to mia-mian anu madi' talakana' i kota aijo'. I lengku-lengkutmo nu aha na tumban ka' notatae hi tu'anyo aijo', “Bee' mae hi kami na mo'ane itina' anu pinosoopmo nu beleyum i laigannum da opasala'i mami na ia!”