1 KORINTUS 6:8 - KITAB NU TUMPU ALLA LELE MA'IMAI'

⁸ Panyo ola mule' ahi' komiu na mombau hi mian sangga'at madi' adin. Posi komiu suele mompolugi' mian sangga'at. Ka' aijo' obau miu kona hi to Utu-utus anu pokakana na kapalesaya'an!

1 KORINTUS 6:8 ပူးပေါင်းရင်းမြစ်များ

IMAMAT 19:13

Boli mongala anu nu sangalu nu belemiu, kabai mongagoi balangnyo. Tambonyo nu mian anu mokalaja hi belemiu sabole-bole ahi' obee' nu belemiu, boli montahan mau ola sampahu.

MIKHA 2:2

De aha mongka'ima'imo sa'angu' na ale' nu mian nu agoimo nu aha. De aha mongka'ima'imo sa'angu' na laigan nu mian nu alamo nu aha. Mau halata' mau pe'e poto'utusan madi'mo ko anu mompaha kona.

MALEAKHI 3:5

Notatae na Tumpu Anu Daka' na Kuasanyo, “Aku tokamo mae hi belemiu da momputusimo. Aku malia'mo timbali sakisi de momputusimo to tukang-tukang sihir, to mia-mian anu lewa' masala', anu tinimbali sakisai baleko', hi anu madi' adin na mombee'i gaji kona hi aha mian anu mongala tambo, hi aha anu madi' ko ka'adilannyo kona hi aha to balu-balu, to ana-anak anu madi'mo ko tuumanyo ka' tinanyo, ka' aha mian nu salipu'an mae, ka' mule' kona hi aha mian iwi-iwi' anu madi' mongadati Aku.”

MATIUS 20:13

Tumpu nu ale' nu anggur aijo' nontaami, hi sala'samian anu aijo' hi aha, ‘Sangalu, aku madi' ko sala' hi komiu. Te misa' beleyum sinetujumo montalima tamboo mokalaja sansinaa ohua' na doi salaka?

MARKUS 10:19

Beleyum nonsumbu'mo palentah-palentah nu Tumpu, ‘Boli mompatei, boli masala', boli montomang, boli bau sakisi baleko', boli mongakali, adati na tuuma tinaum.’ ”

KOLOSE 3:25

Ka' mau mule' ihe na anu mombau kasala'an, tionyo ahi' monsimbu iwi-iwi' na kasala'annyo aijo'; kalana Tumpu madi' mompile'i ohup nu mian.

1 TESALONIKA 4:6

I uno nu han anu sumo aijo' boli ko samian na mombau kasala'an hi utusnyo kabai mongakali ia. U'utu mae kami nompo'ingatmo totu-totu'u hi komiu, kalana Tumpu mohukumo to mia-mian anu mombau kasala'an-kasala'an anu sumo aijo'.

YAKOBUS 5:4

Komiu madi' nombayan tambonyo nu to mia-mian anu mokalaja i ale' nu belemiu. Uuka aiya potombihing na aha notusa'mo! To mia-mian anu nolimu'akon hasin nu ale' miu, noloobo'mo momoita tulung, ka' lobo' nu aha tinokamo i bihing nu Tumpu, Tumpu Anu Matangkas na Kuasanyo.