1 KORINTUS 6:3 - KITAB NU TUMPU ALLA LELE MA'IMAI'

³ Te komiu madi' monsumbu', saba' to mala-malaikat, kitamo na momputusi? Lebe-lebe mule' to pala-palakala nu kantumuu'an anu sansina-sinaa!

1 KORINTUS 6:3 ပူးပေါင်းရင်းမြစ်များ

MAZMUR 17:14

Boli mae na aku nupoposia nu to mia-mian anu montambun halata' nu aha i dunia aiya. Hukum na aha nu balaa' anu pinotoukamo nu Belento pohukum aha. Ka' to maku-makumpu nu aha suele ahi' o hukum.

DANIEL 7:22

Lapas aijo' Ia anu tumuu' sampe toka sidu-sidutu' tokamo mae lantas mombee'imo kaputusan anu mompototu'u mian anu palesayamo hi Tumpu Allah Anu Matangkas na Kuasanyo. Tinokamo na tempo'nyo aha montalimamo kuasa da mompalentahmo.

MATIUS 25:41

Lantas Tomundo aijo' notatae hi to mia-mian anu i sasu kowi-Nyo, ‘Lako'mo pokiijo', anu kinutukanmo! Pinsoopmo i uno nu apu anu madi' toho' mate, anu pinosadiakonmo i Setan ka' hi to mala-malaikatnyo!

LUKAS 21:34

“Ojagai na butongum, boli komiu talalo mongka'ima'i mombau bau-bauon ka' lewa' monginum inumon anu moko langu, kabai talalo mompotutugakon kapalaluan nu kantumuu'anum, sahingga komiu madi' mosadia sampe toka sinaanyo aijo' anu nu potolokengkeng mae.

LUKAS 8:14

Bine' anu nanabu' i totonga' nu hemput hii'on, sumomo mian anu mohongo lele aijo', panyo bata-bata i kantumuu'an nu aha, ka' mongindi tumuu' molabi ka' sanang i dunia aiya. Iwi-iwi' aijo' mompeedi aha sahingga madi' mohasinakon bua' matantu.

ROMA 6:16

Osumbu'mo miu, de komiu mombee' butong miu pa' hi he da mombau pongka'oho'nyo, saba' komiu botuanmo nu mian anu ohongo-hongo miu aijo' – ugaat botuan nu dosa' anu momboa komiu i kapatean, kabai posaihon anu mohongo-hongo Tumpu, ka' tiba jalan aitu mompo'ule' ma'ima' tiba Tumpu.

1 KORINTUS 6:15

To Utu-utus nonsumbu'mo saba' butong miu nosa'angu'mo hi butong i Kristus. Jadi, pa' timbali na aku mongala sambagian butong i Kristus, lantas opotimbali na sambagian butong nu samian masala'? Madi' hondo-hondonyo!

1 KORINTUS 6:16

Kabai ugaat komiu ma'isa monsumbu', mian anu nogalumo tiba samian anu masala' inosa'angu'mo tiba mian anu masala' aijo'! Kalana i uno nu Kitab nu Tumpu tinulismo, “Ohu-ohua' na aha nosa'angu'mo”.

1 KORINTUS 6:19

Tionyo ahi' osumbu' miu saba' butong miu kajojoongan nu Roh nu Tumpu. Roh aijo' jojoong i uno nu butong miu. Ka' posi Tumpu na nombee' Roh aijo' hi komiu. Butong nu kita Utus, misa' kita na tumpunyo. Aijo' Tumpu na tumpunyo.

1 KORINTUS 6:4

Sahingga de daagi' ko palakala anu susumo aijo', komiu mongkalaakmo hi to mia-mian anu mau pe'e madi' ko pangkatnyo i uno nu jama'at?

2 TIMOTIUS 2:4

Samian na suludadu anu hau-haunyo mokalaja, madi' momposibuk butongnyo nu posi ulusannyo, saba' ia mongkahanda'i momposanang kinyonyoa nu kapalanyo.

2 TIMOTIUS 4:10

sabab i Demas nompala'imo aku kalana mongka'ima'imo dunia aiya. Ia nambamo nokiijo' i Tesalonika. I Kreskes nambamo nokiijo' i Galatia, ka' i Titus nokiijo'mo i Dalmatia.

2 PETRUS 2:4

To mala-malaikat pe'e anu baladosa' madi' nu pojohok nu Tumpu da opobebas madi' mohumpak hukuman, panyo o'alin i uno nu nalaka. Aha oposoopmo i uno nu bolo' anu pintung da opo'una' i kiijo' sampe toka i Sinaa Pomputusianmo.

YUDAS 1:6

Singkona o inau' na to mala-malaikat anu nolingkuduimo kakuasa'an anu binee'mo hi aha, sahingga namba nompala'imo tampat kajojoongan nu aha. Tumpu nompungumo malaikat haha aijo' nu lante' anu sampe toka sidu-sidutu' i uno nu tampat anu pintung i aluknyo nu dunia. I kiijo' mae na aha o talungku'mo sampe hukuman onabu'akonmo hi aha i Sinaa anu opalias aijo' saidi' mae.