1 KORINTUS 5:9 - KITAB NU TUMPU ALLA LELE MA'IMAI'

⁹ I uno nu sulatku anu u'utu mae, aku nompoto'imo hi komiu da boli mosangalu tiba mian saja' masala'.

1 KORINTUS 5:9 ပူးပေါင်းရင်းမြစ်များ

AMSAL 9:6

Tibahakonmo na kaponga'an da beleyum tumuu' bilahi. Otuluti na jalan nu mian anu pande.”

1 KORINTUS 5:10

Anu ku ku kahanda'i misa' mian anu masala' kabai mangoa, kabai pangakali kabai anu saja' motunde pilogot anu madi' hondo-hondo monsumbu' Tumpu. Misa'! Misa' sumo aijo' na kahanda'ku hi aha; kalana de komiu mompolilitmo aha, yo beilako' ahi' komiu mosabatmo totu-totu'u mompala'i dunia aiya.

1 KORINTUS 5:2

Mau mule' sumo aijo', kita Utus daagi' kobubuun. Ola ahi' kita Utus sabenannyo susa', ka' monsabatakon anu itina' hi komiu Utus mian anu nombaumo han aijo'.

1 KORINTUS 5:7

Alin pe'e na ragi anu pininmo aijo', aijo'mo ragi nu dosa', da komiu timbali sumo anu ginalo'anmo bu'ou, belesi' i ragi nu dosa' anu pininmo, ka' memang kusumbu' komiu sumo aijo'mo. Kalana lamean nu Paskah-nto pinosadiamo, saba' i Kristusmo na tinimbali sumo domba nu Paskah-nto, anu kinolobanakonmo.

2 KORINTUS 6:14

Boli mongka'oho' timbali sangalu nu to mia-mian anu madi' palesaya hi Yesus; aijo' madi' sosok. Iya na toho' ka'ima'an mosa'angu' tiba ka'idekan! Madi' toho' jingka maninggalo' tiba pintung.

2 KORINTUS 6:17

Mokonyo aijo', pala'i na to mia-mian anu madi' monsumbu' Tumpu aijo', ka' boli mogalum na butongum hi aha. Boli hondo-hondo monsasuhi anu mahenyu, da Ku talimaje na komiu.

EFESUS 5:11

Boli mombau bauon anu madi' mingguna, anu nu nubau nu to mia-mian anu tumuu' i uno nu pintung. Ola ahi' maunyo opotalang miu na hahan anu sumo aijo'. (

2 TESALONIKA 3:14

Kugantang daagi' ko mian anu madi' mongka'oho' montuluti apaa na anu tinaloakonmo mami i uno nu sulat aiya. Obalaingati na mian anu sumo aijo', ka' boli mosangalu tiba ia da ia ma'ambang.

2 TESALONIKA 3:6

To Utu-utus, kalana kuasa i Tumpu Yesus Kristus, kami mompalentah da komiu matijo'on hi to Utu-utus iwi-iwi' anu tumuu' to lulu-luluk, ka' madi' mombatuki aja-ajalan anu obee' kami hi aha.