1 KORINTUS 5:1 - KITAB NU TUMPU ALLA LELE MA'IMAI'

¹ Aku sabenannyo nohumpakmo lele daagi' ko anu nonsisik, tukoonyo itina' hi komiu daagi' ko anu nombaumo anu mahenyu, anu talalomo hondo: Daagi' ko anu itina' hi komiu Utus anu nasala'mo tiba bengkele' nu tuumanyo te silabo'nyo. To mia-mian pe'e anu madi' monsumbu' Tumpu, madi'mo mombau sumo aijo'!

1 KORINTUS 5:1 ပူးပေါင်းရင်းမြစ်များ

KAJADIAN 35:22

Hau-haunyo aha kiijo' i tampat aijo' i Ruben nongkamale'imo i Bilha, ambahue' nu tuumanyo. Han aijo' i hongomo i Yakub, sahingga ia pinusamo hondo. I Yakub kino anak sampulu' ka' ohua' na mo'ane.

KAJADIAN 37:2

ka' aiyamo na sisikon nu aha saanakan i Yakub; Tempo'nyo i Yusuf, anak i Yakub umunnyo sampulu'mo ka' popitu' na taun, ia nongkalesangmo pahasan nu mee', domba tiba to utu-utusnyo tu'a, aijo'mo to ana-anak i Bilha ka' i Zilpa, ua-ua'aha aijo' ambahue' nu tuumanyo. Ia nompoto'i hi tuumanyo hahan anu ma'idek anu binaumo nu to utu-utusnyo tu'a.

KAJADIAN 49:4

Beleyum dengke na mokokembong susumo uee, sahingga misa'mo anu tongkoimoona; kalana beleyum nongkamale'imo ambahue'ku, beleyum nombusikimo kamale'an nu tuuma nu beleyum.

2 SAMUEL 16:22

Jadi i Absalom binauanmo kemah aita i loteng ilaigan nu tomundo' anu kantoan. Lantas tinoamo nu mian iwi-iwi' na i Absalom ninsoopmo i kemah aijo' ka' noduhusmo tiba to amba-ambahue' nu tuumanyo.

2 SAMUEL 20:3

Salatan i Daud tinokamo kiijo' ilaigan nu tomundo' i Yerusalem, aha sampu-sampulu' na ambahue'nyo anu pinala'ianyomo nontamongi laigan nu tomundo' pinojoongnyomo i sa'angu' na laigan ka' ojagai nu suludadu. Apa-apaa na anu nu palalui nu aha oposukupakon na obee', panyo i Daud madi'mo lewa' male' hi aha, jadi aha jinagaanmo madi' timbali momoya, ka' kantumuu'an nu aha sumomo ahi' anu binalumo sanpe silaka.

1 TAWARIKH 5:1

I Ruben aijo'mo na anak tumpe i Yakub. Panyo kalana i Ruben nompatiduhusimo sala'samian na ambuhue' nu tuumanyo, sahingga sanggo nu ambuhue' aijo' madi'mo na'ima', mokonyo' aijo' haknyo salaku anak tumpe madi'mo binee' hi ia, panyo binee'mo hi Yusuf. Maumo sumo aitu, panyo anu baani hondo na lee' i Yakub misa' i Yusuf panyo tulunan nu bansa Yehuda. Ka' anu momona tinimbali tomundo' hi aha mian nu Israel iwi-iwi' aijo'mo nolengkat mae hi tulunan nu bansa Yehuda aijo'.

YEREMIA 2:33

Belemiu pande hondo na mongatun kapandean monggoda kinyonyoa nu sindua'an nu beleyum. Maumo ahi' mian anu saja' masala' tala-talalo hondo palaganta panyo daagi' ahi timbali balajan hi belemiu!

YEHEZKIEL 16:47

Pa' na'osamo na beleyum nombatuki kalakuan nu aha ka' nontiho palabuatan nu aha anu okahegati aijo'? Ma'isa! Madi'mo daagi' pin beleyumo ahi' na anu tala-talalo palaganta nu lingkuduimo nu beleyum na aha.

YEHEZKIEL 22:10

Daagi' ko mian anu monggoda ka' mompatiduhusi tinanyo te silabo'nyo, ka' mule' boune anu hau-haunyo tinokamo na adat nu aha boune.

IMAMAT 18:8

Boli mongambangi tuuma nu belemiu kalana moduhusmo tiba sala' samian na bengkele'nyo sangga'at.

IMAMAT 20:11

Samian na mo'ane anu moduhusmo tiba sala' samian bengkele' nu tuumanyo, monggagoimo hak nu tuumanyo. Mo'ane ka' boune aijo' tionyo ahi' o hukum mate. Aha mate, kalana posi kasala'an nu aha.

AMOS 2:7

Aha mongkabisa'i mian anu madi'mo moko ala mombau apa-apaa ka' mola'mo mian anu kasiasi. Tuuma ka' anak mongkamale'imo posaihon boune; bounemo ai-aijo', sahingga mongideimo sanggong-Ku anu Susi'.

SISIKON NU TO RASUL-RASUL 15:20

Panyo kita tionyo montulis sulat toka hi aha ka' mompokinde'i aha, da aha boli mongkaan kaanon anu mahenyu, anu sinombahkonmo hi pilogot, kabai mongkaan ponoha' anu natemo tinekok, kabai mongkaan baso'. Ka' mule' da aha mompojo'on butong lengkat i kalakuan-kalakuan anu ma'idek.

SISIKON NU TO RASUL-RASUL 15:29

Boli mongkaan kaanon anu pinosombahkonmo hi pilogot; boli mongkaan baso', boli mongkaan ponoha' anu tinekok, ka' patikojo'oni na to pala-palabuatan anu masala'. De komiu mompojo'on butong lengkat i hahan aijo', komiu nombaumo anu ma'ima'. Olamo pe'e sumo uuka, higahi mae!”

1 KORINTUS 1:11

Kalana, to mia-mian anu lengkat mae hi sa'anakan i Kloë nompoto'imo hi belengku tukoonyo daagi' kino painggagaan itina' hi komiu.

1 KORINTUS 5:11

Kahanda'ku aijo'mo da komiu boli mosangalu tiba mian anu mangaku butongnyo mian Kristen, panyo mian aijo' saja' masala' kabai mangoa kabai motunde pilogot, kabai saja' mombusi-busiki mian sangga'at, kabai saja' malangu, kabai mule' pambuling. Sumuhang mongkaan tiba mian aijo' pe'e boli!

1 KORINTUS 6:13

Daagi' mule' ko anu notatae tukoonyo, kaanon bau pongisi kompong, ka' kompong pinotouka bau pongisian kaanon. Panyo ohu-ohua' aijo' madi' nutalima nu Tumpu. Butong nu mian madi' timbali opake mombau palabuatan masala', panyo opake bau pohongo-hongo Tumpu. Ka' Tumpu na mompotuu' butong aiya.

1 KORINTUS 6:18

Opimpali na mombau palabuatan masala'. Kalana iwi-iwi' na dosa' sangga'at anu nubau nu mian, obau i sambiha' nu butong nu mian aijo'. Panyo mian anu momba-mombau anu ma'idek sumo-sumomo mombau dosa' i posi butongnyo.

1 KORINTUS 6:9

Osumbu' miu na to mia-mian anu madi' montuluti pongka'oho' nu Tumpu madi' timbali mian anu palesayamo hi Tumpu? Boli o akali! To mia-mian anu masala', to mia-mian anu bapilogot, anu masala', anu mombau anu moko ambang hi sangko gampanyo bubuu' mo'ane, kabai bubuu' boune,

2 KORINTUS 12:21

Aku mabuhuk manga-manga tempo'nyo aku toka saidi' mae Tumpu Allah mompopo ambangmo aku i ahop miu ka' aku humaangmo kalana manjoo' itina' hi komiu na anu baladosa' u'utu mae, madi' nongabali' ka' madi' belenti na mombau bauon nu aha anu masala', pahengas ka' anu madi' halus obau.

2 KORINTUS 2:5

De ko mian anu monsaduakon kalibosan, saba' han aijo' binaunyo misa' kona hi belengku, panyo kona hi kita Utus iwi-iwi' kabai tahahumo sangkiding kona hi sambagian anu itina' hi komiu Utus. Aku madi' mongka'oho' talalo mompekangi ia.

2 KORINTUS 7:12

Jadi, mau mule' aku nontulismo sulat itina', aku nontulis misa' kalana mian anu ko sala'nyo aijo'. Misa' mule' kalana mian anu mongoa'i sansala, kalana kasala'an aijo'. Tinulisku na sulat itina' da i ahop nu Tumpu, komiu mosi sinsumbu'mo mosia na kinyonyoa miu anu talalomo hondo nonginau' kami.

GALATIA 5:19

Anu nu kahanda'i nu sipat nu manusia onyata' i palabuatan masala', pahengas ka' madi' halus obau;

EFESUS 5:3

Komiu te mian anu palesayamo hi Tumpu. Mokonyo aijo' han masala' ka' anu ma'idek ka' madi' mingkona, kabai mule' mangoa anu madi' pantas hi komiu. Boli sampe mian sangga'at ko pikilan montaloakon tukoonyo komiu mombau hahan anu sumo aijo'.

PO'ULE' INGULIT 22:30

Madi' timbali ko samian anu mongambangi tuumanyo kalana moduhusmo tiba sala'samian na bengkele' nu tuumanyo.”

PO'ULE' INGULIT 27:20

‘Kinutukan na mian anu mongambangimo tuumanyo kalana moduhusmo tiba sala'samian na bengkele' nu tuumanyo.’ ‘Amin!’

KOLOSE 3:5

Mokonyo aijo' bolimo monginde'i hahan anu nu kamilui nu dunia anu mompigalapi butong miu, sumo masala', hahan anu madi' pantas, napisu nu kinyonyoa, mongkamilui anu ma'idek, ka' mangaluk, (kalana mangaluk sumomo palesaya hi pilogot).

1 TESALONIKA 4:7

Tumpu nolagamo kita misa' da kita tumuu' masala', panyo da kita tumuu' ihan momposanang kinyonyoa-Nyo.

ANU PINOTO'I HI YOHANES 2:21

Binee'-Kumo na ia na kasampatan da balatobatmo i to dosa-dosa'nyo, panyo ia madi' mongka'ima'i montibahakon hahan masala' aijo'.

ANU PINOTO'I HI YOHANES 21:8

Panyo mian anu madi' sabaan, geguan, mian anu palaganta pampatei, mian masala', mian anu ko ajimat, monsombah pilogot, ka' iwi-iwi' na anu baleko' o'alin i uno nu apu anu sumo ndalangon ka' belelang anu lewa' moak, aijo'mo na kapatean anu kopinduannyo.”

1 SAMUEL 2:24

Boli daagi mombau sumo aijo', belemiu anakku. Ma'idek hondo apaa na anu lewa' nu sisik nu mian anu pinalesayamo hi Tumpu mongkona belemiu!