1 KORINTUS 4:9 - KITAB NU TUMPU ALLA LELE MA'IMAI'

⁹ Kalana de mombatuki pikilanku, kami to rasul-rasul pinotimbalimo nu Tumpu sumo anu lewa' otoa i ahop nu mian tiba to mala-malaikat. Kami sumo to mia-mian anu madi' opajuli, anu pinokakanamo hukuman mate i ahop nu mian da'isan ka' sola' ohagai nu dunia.

1 KORINTUS 4:9 ပူးပေါင်းရင်းမြစ်များ

MAZMUR 44:22

Tantu nusumbu' ahi' nu Tumpu kalana Nu kiop ahi' na lahasia nu kinyonyoa mami.

MAZMUR 71:7

Kantumuu'anku baumo sonto hi mian da'isan, kalana Belentomo na anu mahoson monjagai mae aku.

YEREMIA 20:18

Kadaka' aku pinohampemo? Ola da monta'up kasansala'an tiba kasusa'an? Ka' mule' da kantumuu'anku mompala'i anu moko ambang samata-mata?

SISIKON NU TO RASUL-RASUL 19:29

Sahingga ka hengge'an aijo' tinogilelemo tinoka-toka i songko-songko na kota'. Lapas aijo' posa'angu'an anu mombau kahengge'an aijo' nohakop i Gayus ka' i Aristarkhus, aitumo' to mia-mian nu Makedonia anu monsangalui i Paulus mamba moyaya, lantas nohela' aha nokiijo' i totonga' nu kota aijo'.

SISIKON NU TO RASUL-RASUL 19:31

To pia-piangkuka na anu ko pangkat daka' i Provinsi Asia aijo' suele anu mompaha sumbu' tiba i Paulus nompokau mian mompoto'iakon hi Paulus da ia boli manintoa i totonga' nu kota' aijo'.

ROMA 8:36

I Uno nu Kitab nu Tumpu tinulis sumo uuka, “Sansina-sinaa kami tumuu' i uno nu balaa', kapatean kalana Beleyum. Kami obau sumo domba anu okahanda'imo okolot.”

1 KORINTUS 15:19

De anu otaha'imaninto hi Kristus ola kona i kantumuu'anto i dunia aiya, taalu' iwi-iwi' na mian i dunia aiya, kitamo na anu talalo madi' ningkaliangan!

2 KORINTUS 11:23

To posa-posaihon i Kristus ugaat na aha? De ohongo aku sumo anu i ningkotmo na pikilan, panyo aku memang posaihon anu lebe ma'ima' molingkudui aha iwi-iwi'! Aku mokalaja lebe makeke, aku lebe saja' oposoop i uno nu talungku', aku lebe saja' hondo sinakisa, ka' toto minsan mompai patemo.

2 KORINTUS 6:9

Kami osanggohi madi' talasanggo, panyo iwi-iwi' mian monsumbu' kami. Kami osangka sinilakamo, panyo nyata' kami daagi' tumuu'. Mau mule' kami osakisa, kami madi' sinilaka.

1 TESALONIKA 3:3

Tiba jalan anu sumo aijo' madi' ko samian pe'e itina' hi komiu na anu tolo sule' kalana saja' mongoa'i kasansala'an-kasansala'anto anu sumo aiya. Posi komiu monsumbu'mo saba' kasansala'an-kasansala'an anu sumo, aijo' ninsoopmo i uno nu tanga'an nu Tumpu kona hi kita.

IBRANI 1:14

Desumo aijo', to mala-malaikat haha aijo' ihe ahi' na sabenannyo na aha? Aha aijo'mo na to roh-roh anu mombau apaa na anu nu pokauhakon nu Tumpu, ka' anu nu palentah nu Tumpu Allah, da montulungi to mia-mian anu mohumpak kasalamatan.

IBRANI 10:33

Toto minsan komiu pinopo'ambang, ka' lewa' kinabisa'an madi' ma'ima' i ahop nu mian da'isan. Toto minsan komiu suele nongoa'imo sansala tiba aha anu lewa' kinabisa'an susumo aijo',

IBRANI 11:36

Daagi' ko anu i le-letakon, pinohos, pinungu nu lante ka' pinosoop i uno nu talungku'.