1 KORINTUS 4:8 - KITAB NU TUMPU ALLA LELE MA'IMAI'

⁸ Memang komiu madi'mo daagi' mompalalui apa-apaa! Komiu kinayamo! Komiu tinimbalimo tomundo! Ka' kami madi'. Palias na ko'ima'nyo de komiu totu-totu'u tinimbalimo tomundo, da kami timbali mompalentah hingga-hinggat tiba komiu.

1 KORINTUS 4:8 ပူးပေါင်းရင်းမြစ်များ

AMSAL 13:7

Daagi ko mian anu mingadi-adi' mian anu kaya padahan madi' ko halata'nyo; daagi ko anu mingadi-adi' kasiasi padahan talalo ahi' kaya.

AMSAL 25:14

Sinin na janji' anu madi' ko bukuti'nyo sumomo kundom ka' mombun anu madi' montudunakon ujan.

YESAYA 5:21

Silakamo na belemiu anu mongakui butongnyo mapaham ka' mule' pande!

YEREMIA 28:6

“Ma'ima'mo! O'amalakon da apaa na anu kinila-kilamo nu beleyum aijo' ko bukutinyo ahi' ka' Tumpu totu-totu'u ahi' po ule'mo monsule'akon mae lengkat i Babel balang haha aijo' anu memang ahi' balang nu Laigan nu Tumpu tibamo aha mian iwi-iwi' anu binoamo kiijo' mae.

NOMBILANGMO 11:29

Tinaaman i Musa, “Kadaka' Beleyum mompopikilakonmo aku? La ahi' aku montaha'imani da Tumpu mombee'i Roh-Nyo hi iwi-iwi' bansa-Nyo, ka' mompojadi aha iwi-iwi' timbali nabi!”

MATIUS 5:1

Salatan i Yesus nontoamo mian da'isan aijo', Ia nindakomo nokiita' i bungkutnyo. Salatan Ia sinumuhangmo, anu saja' mombatuki Ia tinokamo hi Ia,

LUKAS 6:25

Silaka na komiu anu mobosu uuka aiya; kalana komiu saidi' mae mo'ohopmo! Silaka na komiu anu kumojo uuka aiya; kalana komiu saidi' mae susa' na kinyonyoa ka' humaang!

SISIKON NU TO RASUL-RASUL 26:29

“I uno nu tempo' anu sasaingoni' kabai i uno nu tempo' anu pin,” tinaaman i Paulus, “aku balado'a hi Tumpu da kita Tomundo' tiba to Tuan-tuan iwi-iwi' anu nohongomo aku sinaa aiya timbali sumo aku – ola ahi' pinompungu, na boli!”

ROMA 12:3

Tumpu nombee'imo balakat hi belengku. Mokonyo aijo' aku mompokinde'i to Utu-utus iwi-iwi': Boli mongoa'i butong lebe matangkas molingkuduimo anu sahondo-hondonyo. Ola ahi' butong miu na otutugi ka' boli kobubuun; toto samian montoa butongnyo iya na anu opoko ala obau anu binee'mo nu Tumpu hi ia, kalana ia pinalesayamo hi Yesus.

1 KORINTUS 1:5

Kalana komiu i Kristusmo na tumpunyo, sahingga kantumuu'an miu kaya i uno nu iwi-iwi' na han. Kapandean miu mongkona iwi-iwi' na han talalo matangkas, ka' komiu pande na mompogulu' kapandean aijo'.

1 KORINTUS 4:18

To pia-piangkuka na mian itina' hi komiu kinobubuunmo, kalana aha monsangka aku madi'mo toka hi komiu.

1 KORINTUS 5:6

Madi' pantas na komiu saja' kobubuun. Ugaat komiu nonsumbu'mo ande-andeon aiya, “Ragi mau ola sangkiding de ogalo'akon i labu, labu aijo' mo'insu'!”

2 KORINTUS 11:1

Situjui mae na aku da mimbau-bau momoho' ponga' sangkiding. Tantu timbali?

2 KORINTUS 13:9

Kami sanang de kami madi' moko ala mombau apa-apaa, ka' komiu na mahoson. Kami mule' balado'a da komiu timbali ganap.

GALATIA 6:3

De daagi' ko samian monsangka butongnyo talasanggo padahan madi', mian aijo' mombaleko'imo posi butongnyo.

FILIPI 1:27

Jadi, anu penting uuka aiya aijo'mo da komiu tumuu' pokakana tiba apaa na anu nukahanda'i nu Lele Ma'ima' mongkona i Kristus aijo'. Tiba jalan anu sumo aijo' pa' aku moko ala singkabot tiba komiu, kabai madi'mo, ku hongoje na kahosonan nu posa'angu'an miu ka' mogogia' hingga-hinggat i sa'angu' na kahanda' ka' sa'angu' na tanga'an; aijo'mo kapalesaya'an anu pokakana tiba Lele Ma'ima' anu lengkat mae hi Tumpu aijo'.

FILIPI 2:12

Mokonyo aijo', to Utu-utus anu okanonongi, susumo komiu saja' montuluti aku tempo'nyo aku daagi' itina' hi komiu, saba' lebe-lebe mule' uuka aiya tempo'nyo to majo'onanmo, tionyo ahi' komiu tataap montuluti aku. Komiu pinosalamatmo nu Tumpu Allah, jadi saja' ahi' o usahakon da kabilahian miu mompaka pa'ima'. Obau na aijo' bau pongadati ka' tulu-tulutan hi Tumpu,

ANU PINOTO'I HI YOHANES 3:17

Belemiu notatae, ‘Kami kaya ka' sukup; kami madi' kakulangan apa-apaa.’ Panyo madi' osumbu' miu, palias na ko kasiasinyo ka' ko susa'nyo na ka'ada'an miu! Belemiu kasiasi, to langgo-langgo' ka' mapisok.

ANU PINOTO'I HI YOHANES 5:10

Beleyum nompotimbalimo aha sa'angu' na bansa da timbali samata-mata bau to ima-imam, da aha mompojalan palentah nu Tumpunto, ka' mompalentah dunia aiya.”