1 KORINTUS 4:5 - KITAB NU TUMPU ALLA LELE MA'IMAI'

⁵ Mokonyo aijo', kalana misa' pe'e tempo'nyo, boli komiu lia-lia' montantukan batu-batu mian kosala'nyo kabai madi'. Tanda'i tokaje na Tumpu. Iaje na mompoto'i iwi-iwi' lahasia anu sulu-suluk i uno nu pintung. Iaje na mompotalang tanga'an anu sulu-suluk i uno nu kinyonyoa nu mian. Tempo'je aitu ka' batu-batu mian mohumpak pompuji' lengkat hi Tumpu anu patut nu talima.

1 KORINTUS 4:5 ပူးပေါင်းရင်းမြစ်များ

AYUB 12:22

Jiningkan-Nyomo na tampat-tampat anu madi' talalo majingka; jiningkan-Nyomo na anu pikat hondo.

AMSAL 12:8

Mian opuji' sitimbang tiba kapandeannyo; mian o alu sitimbang tiba kaponga'annyo.

ANU MOMPOLELE POTATAE NU TUMPU 11:9

O belemiu to oli-olitau ka' to lalangkoyang, oa'i pe'e na kasanangan de daagi olitau ka' langkoyang! Balame-lame'mo de belemiu hau-haunyo tumimpasje. Baumo iwi-iwi' apaa na anu nu kahanda'i nu nyawa nu belemiu, ka' mule' baumo iwi-iwi' apaa na anu iniatmo nu kinyonyoa nu belemiu. Panyo o inau' ahi' na Tumpu anu kiita i suluga', Ia na momputusi saidi' mae palabuatanto iwi-iwi'.

ANU MOMPOLELE POTATAE NU TUMPU 12:14

Tumpu na saidi' mae momputusi iwi-iwi na palabuatanto, anu ma'ima' tiba anu ma'idek, ka' mule' anu sulu-suluk.

YEREMIA 16:17

Aku montoamo sinin na anu nu bau nu aha. Madi'mo daagi' ko anu naninsuluk da madi' Ku toa; dosa' nu aha mule' tinoang-Kumo.

YEREMIA 23:25

Iwi-iwi' na anu pinoto'imo nu nabi haha aijo' sinumbu'-Kumo. Nompakemo atas sanggong-Ku na aha nombaleko'i tukoonyo nu aha potuunon-Ku tinalimamo nu aha pino ipi mae.

HOSEA 8:13

Aha mongka'ima'i monsombahkon koloban hi beleng-Ku ka' mongkaan ponoha' anu kinolobanakonmo aijo', panyo Aku Tumpu madi' montalima koloban haha aijo'. Uuka aiya Ku inau'mo na dosa' nu aha ka' mohukumo aha kalana dosa' nu aha haha aijo'; Po ule'mo Ku boa na aha i Mesir!

MALEAKHI 3:18

Mian anu palesayamo hi beleng-Ku montoa mule' bedanyo mosia na mian anu manonong tiba mian anu maidek na kalakuannyo, ka' mule' mian anu monsombah Aku tiba mian anu madi' monsombah Aku.”

MATIUS 10:26

“Boli mabuhuk hi mian. Madi' ko anu sulu-suluk lantas madi' kantoan, ka' madi' ko anu pinohowini lantas madi' o hongo.

MATIUS 24:30

Lapas aijo' tanda Anak nu Mian otoamo aita' i langit. Tempo'nyo aitu iwi-iwi' na bansa i dunia humaangmo. Aha montoamo Anak nu Mian toka aita' i bawo nu kundom tiba kuasanyo anu daka' hondo.

MATIUS 24:46

Palias na kosanangnyo nu posaihon aijo' de tuannyo minsusule'mo mae, ka' montokai mae ia hau-haunyo mombau kalaja'anyo.

MATIUS 25:21

‘Ma'ima'mo’, koonyo nu tuan aijo', ‘beleyum posaihon anu ma'ima' ka' mohongo-hongo. Kalana beleyum timbali o palesaya i hahan anu sangkiding, manjoo'je na kubee' hi beleyum. Pinsoop ka' batuki na aku, basana-sanang tiba aku!’

MATIUS 25:23

‘Ma'ima'mo’, koonyo nu tuan aijo', ‘beleyum posaihon anu ma'ima', ka' mohongo-hongo. Kalana beleyum timbali o palesaya i hahan anu sangkiding, manjoo'je na kubee' hi beleyum. Pinsoop ka' batuki na aku, basana-sanang tiba aku!’

LUKAS 6:37

“Boli mompisala'i mian sangga'at, da boli komiu suele nu pisala'i nu Tumpu. Boli mohukum mian sangga'at, da boli komiu suele nu hukum nu Tumpu. Ampuniakon na mian sangga'at, da Tumpu suele mongampuni komiu.

YOHANES 21:22

I Yesus nontaami, “Maluannyo Ku kahanda'i ia satumuu'nyo sampe Aku toka, aijo' misa' ponsumbu'anum. Panyo beleyum batuki mae na Aku!”

YOHANES 21:23

Sahingga tinogilele hi anu saja' mombatuki Yesus, au' aitu anu saja' mombatuk madi' silaka. Padahan i Yesus madi' nontaloakon anu saja' mombatuki aijo' madi' silaka. Ola ahi', “Maluannyo Ku kahanda'i ia satumuu'nyo sampe Aku toka, aijo' misa' ponsumbu'anum.”

YOHANES 5:44

Mosia na komiu timbali palesaya, de komiu molio da o puji' nu bubu komiu ka' madi' bala usaha molio pompuji' anu lengkat mae hi Tumpu, anu ola-olamo Ia na Tumpu?

ROMA 14:4

Ihe na kita Utus, sahingga kita Utus mompisala'imo posaihon nu mian sangga'at? Pa' posaihon aijo' motua' kabai mobula, aijo' ponsumbu'an nu tuannyo. Ka' memang posaihon aijo' po'ule'je tuminjo mahoson, kalana Tumpu moko ala mompotimbali ia tuminjo ka' mahoson.

ROMA 2:1

Mokonyo aijo', to Utu-utus, te ihe na kita Utus sahingga kita Utus mompisala'i mian sangga'at? Kita Utus madi' koko mohumpak apa-apaa de mompototu'u posi butong! Kalana de kita Utus mompisala'i mian sangga'at, yo aitu posi kita Utus suele mombau hia anu sumo hia nu aha, nyata' kita Utus mosi nabu'akonmo hukuman suele hi butong.

ROMA 2:16

Sumo aijo'mo na anu saidi' mae timbali i sinaa anu tinantukanmo aijo'. I sinaa aijo' – koonyo nu Lele Ma'ima' anu kupo-kupolele – Tumpu hi Yesus Kristus na momputusi iwi-iwi' na lahasia nu kinyonyoa ka' pikilan nu mian iwi-iwi'.

ROMA 2:29

Panyo sabenannyo ahi', samian anu totu-totu'u Yahudi aijo'mo mian anu mingkinyonyoa Yahudi, ka' anu totu-totu'u sinunat, aijo'mo sunat i uno nu kinyonyoa anu binau nu Roh nu Tumpu, misa' anu tinulis i uno nu kitab. Mian anu sumo aijo' mohumpak pompuji' lengkat hi Tumpu, misa' lengkat hi mian.

ROMA 2:7

Tumpu mombee'i kantumuu'an kopian ka' sidu-sidutu' hi aha anu sabaan mombau anu ma'ima' da pohumpakan anu ko angga'nyo, anu opopodaka' ka' toka sidu-sidutu'.

1 KORINTUS 1:7

sahingga sa'angu' pe'e na balakat madi' maga'a hi komiu, hau-haunyo komiu montanda'i Tumpunto i Yesus Kristus toka ka' nutoa nu mian iwi-iwi'.

1 KORINTUS 11:16

Jadi de daagi' ko anu mongka'oho' painggaga mongkona han aiya, sala' sa'angu' na kutaloakon aijo'mo saba' mau mule' kita, mau mule' to jama-jama'at nu Tumpu sangga'at, kanjoo'annyo ola sa'angu' na kabiasa'an anu daagi' i uno nu jama'at; de sangga-sangga'atnyo aijo' madi'mo.

1 KORINTUS 11:26

Memang de komiu mongkaanmo roti ka' monginumo anggur aiya, komiu nompolelemo kapatean i Tumpu, sampe Ia toka.

1 KORINTUS 15:23

Panyo toto samian po'ule' opotumuu' ko posi tempo-tempo'nyo; momonanyo i Kristus; lapas aijo' de po'ule'mo Ia toka mae, sueleje to mia-mian anu i Kristusmo na tumpunyo.

1 KORINTUS 3:13

Kalaja nu batu-batu mian otoaje saidi' mae de i Kristus po'ule'mo toka. Kalana i sinaa aijo' apu mokalajamo da toto samian kantoanmo. Apu monguji'mo ka' mompotantumo angga'nyo nu kalaja aijo'.

1 KORINTUS 3:14

De gudang anu pipinotinjomo nu mian i bawo nu mesen aijo' madi' mopapu nu apu, mian aijo' mohumpak tambonyo.

1 KORINTUS 3:8

ua-ua'aha pokakanamo. Toto samian mohumpakje tambo nu lawenyo.

2 KORINTUS 10:18

Kalana mian anu opuji' aitumo mian anu nu puji' nu Tumpu, misa' mian anu mosi puji' butongnyo.

2 KORINTUS 10:9

Aku madi' mongka'oho' komiu mongoa'i au'aitu aku mompopobuhuk komiu nu sulatku haha aiya.

2 KORINTUS 4:2

Kami madi' mompake hahan anu oposuluk ka' mongambangi. Kami madi' mongka'oho' mokalaja mongakali kabai monggeo-geo'akon potatae nu Tumpu. Hodi-hodi' na kinyonyoa mami mohongo-hongo apaa na koonyo nu Tumpu mombatuki pongka'oho'-Nyo. Mokonyo aijo' o'inde'i mami da mian iwi-iwi' mompopikilakon kami ima-ima' i uno nu kinyonyoanyo.

2 KORINTUS 5:10

Kalana memang kita iwi-iwi' tionyo mangadap hi Kristus na momputusi, ka' toto samian mohumpak balosnyo pokakana tiba anu binaunyo i dunia aiya – anu binaunyo ma'ima' kabai ma'idek.

1 TESALONIKA 5:2

Kalana posi komiu monsumbu'mo totu-totu'u te Sinaa Katokaan nu Tumpu aijo', toka sumo anu buling toka pihi.

IBRANI 4:13

Madi' ko sa'angu' pe'e na anu konyawanyo na madi' nutoa nu Tumpu. Iwi-iwi na apaa langgo-langgo' ka' kantoan hi ahop-Nyo. Ka' kita tionyo ahi' mongakui apaa na anu binauntomo i hi Ia.

YAKOBUS 4:11

To Utu-utus, boli mompaha alu-alu kabai mompaha pisa-pisala'i. Mian anu mongalu kabai mompisala'i utusnyo anu bubu' Kristen, ia mongalu kabai mompisala'i atulan nu Tumpu. Ka' de komiu mompisala'i atulan nu Tumpu, aijo' alati'nyo komiu madi' mombatuki atulan haha aijo', panyo mongatunmo atulannyo.

YAKOBUS 5:7

Kalana aitu, osabalakon to Utu-utus, sangkutnyo Tumpu toka. Toa mosia na kosabaannyo na samian anu topo ale' montanda'i sampe tano'nyo mohasinakon anu ko olinyo hi ia. Ia sabaan na montanda'i ujan loonu nu mohudu' na hon nu kau' ka' ujan loonu nu mimbunga na kau'.

YAKOBUS 5:9

Boli lewa' motusa' ka' mompaha pisa-pisala'i, da komiu madi' o hukum nu Tumpu. O inau'! Mian Kopian ingohanimo, malia'mo toka.

1 PETRUS 1:7

Anu nupatui aijo'mo kahanda' momponyata' pa' komiu totu-totu'u palesaya hi Tumpu kabai madi'. Mosoni' pe'e anu timbali ma'idek, o uji' nu apu. Jadi, palesaya miu anu totu-totu'u molingkudui oli nu mosoni', jadi tionyo ahi' o uji' suele da timbali mahoson. Ka' tiba jalan sumo aijo' komiu o puji' ka' o angga'i tiba opopodaka' toka i sinaa-Nyo de i Yesus Kristus po'ule'mo toka.

1 PETRUS 5:4

Ka' de saidi' mae Polaya' Anu Talasanggo aijo' tokamo mae, komiu mohumpakmo makota anu jongkilaban, anu madi' toho' mingkot na jongkilabannyo.

2 PETRUS 3:12

hau-haunyo komiu montanda'i ka' mongindi Sinaa katokaanmo nu Tumpu. I Sinaa aijo' langit motoyo'mo iwi-iwi', ka' kalana panasnyo sahingga apa-apaa na anu aita' i langit moe'mo sumo uee.

2 PETRUS 3:4

nu potatae sumo uuka, “Tukoonyo Tumpu nonjanji'mo toka! Uuka iya na Ia? To tutuuma mompolee'to sinilakamo, panyo iwi-iwi na apa-apaa daagi' ahi' pokakana sumo salatanmo pe'e dunia pinotimbali!”

YUDAS 1:14

I Henokh, lee'mo ko popitu'nyo lengkat mae hi Adam, naipuan mae toho'mo nonsisikakon kantumuu'an nu mian haha aijo'. I Henokh notatae, “Toa, Tumpu tokaje mae tiba to mala-malaikatnyo anu susi' i mada-madalannyo

ANU PINOTO'I HI YOHANES 1:7

Toa, Ia toka mae nu saput nu kundom! Iwi-iwi' na mian montoa Ia, ka' suele aha anu nonjalo'mo Ia. Iwi-iwi' na bansa i dunia mohangi Ia. Memang, totu-totu'u! Amin!

ANU PINOTO'I HI YOHANES 20:12

Ka' aku nontoamo to mia-mian anu sinilakamo, anu daka'mo ka' anu daagi' ise', tinuminjo i ahop nu kasuhangan aijo'. Sahingga to kita-kitab suele pinaha buka'mo. Lantas sa'angu' na kitab sangga'at binuka'mo, atina'mo Kitab nu Mian anu Tumuu'. Lapas aijo' hukuman inabu'akonmo hi mian anu sinilakamo, sitimbang tiba anu binaumo nu aha susumo anu tinulismo i uno nu kitab haha aijo'.