1 KORINTUS 4:4 - KITAB NU TUMPU ALLA LELE MA'IMAI'

⁴ Aku madi' mongoa'i sala' i uno nu han mau mule' pa' apaa, panyo aijo' misa' bukuti' au'-aitu aku memang madi' kosala'nyo. Posi Tumpuje na montantukan aku kosala'nyo kabai madi'.

1 KORINTUS 4:4 ပူးပေါင်းရင်းမြစ်များ

AYUB 15:14

Pa totu'u na manusia madi' toho' ko kasala'annyo? Te timbali na ia opototu'u i ahop nu Tumpu Allah?

AYUB 25:4

Te moko ala ahi' susi' na manusia i mata nu Tumpu Allah? Te moko ala ahi' na ia belesi, de nutoa nu Tumpu Allah?

AYUB 27:6

Aku sabole-bole ahi' montoongi kalakuanku anu saja' hondo tulu-tulutan, ka' suele kinyonyoangku saja' belesi'.

AYUB 9:20

Aku tulu-tulutan hondo ka' madi' nombau dosa', panyo nganga'ku notataemo madi' ahi' sumo aijo'; batu-batu potatae anu nu anga'akonmo nu biwingku aijo sumomo mompisala'i butongku.

MAZMUR 130:3

De Belento saja' monginau' dosa' mami, o, Tumpu, ihe na moko ala totahan i ahop nu Belento?

MAZMUR 143:2

Aku aiya posaihon nu Belento, boli mae mompulusi aku, kalana madi' ko mian anu madi' kokasala'annyo i ahop nu Belento.

MAZMUR 19:12

Posaihon nu Belento pinokinde'anmo nu atulan aijo' iwi-iwi; daka' hondo na tambonyo obee' hi mian anu mohongo-hongo.

MAZMUR 26:12

Sahingga iwi-iwi' na balaa' madi'mo ko anu montokai mae aku, aku mompuji'mo Tumpu i uno nu posa'angu'an nu mian anu palesayamo hi Ia.

MAZMUR 50:6

Langit nompoitamo da Tumpu na momputusi palakala nu mian anu palesayamo hi Ia ka' da Iamo ahi' na timbali mian kopiannyo.

AMSAL 21:2

Batu-batu palabuatan nu mian, de ia na mosi oa'i tantu koonyo aijo' maima', panyo Tumpu na anu monsumbu' isi nu kinyonyoanyo.

AMSAL 29:26

Manjoo' na mian molio-lio da okalibosi nu mian anu balakuasa, panyo anu mombee'i ka'adilan ola ahi' samata-mata Tumpu.

YOHANES 21:17

Kopintolunnyo i Yesus nompokilawa hi ia, “Simon anak i Yona, apaa beleyum mongkalibosi Aku?” I Petrus tinongkolibosonmo, kalana i Yesus nompokilawa hi ia sampe pinintolunmo. Sahingga i Petrus po'ule' nontaami, “Kita Tumpu, Kita Tumpu na monsumbu' iwi-iwi'. Nu sumbu' nu Kita Tumpu na aku mongkalibosi Kita Tumpu!” Lantas i Yesus notatae hi ia, “Palakaiyakon na domba-dombangku.

SISIKON NU TO RASUL-RASUL 23:1

I Paulus nontonto'i to pangka-pangkat nu Mian Kopian Daka' nu Agama aijo', lantas notatae, “To Utu-utusku! Toka sinaa aiya aku madi' mongoa'i ko sala'nyo hi Tumpu i uno nu kinyonyoangku mongkona kantumuu'anku.”

ROMA 2:13

Kalana mian po'ule'mo ma'ima' tiba Tumpu, misa' kalana mian aijo' nonsumbu'mo atulan nu agama Yahudi, panyo kalana ia nombaumo apaa na anu tuli-tulis i uno nu atulan aijo'.

ROMA 4:2

De hahan anu binaunyomo nonsabapi Tumpu nontalimamo ia salaku mian anu momposanang kinyonyoa nu Tumpu, aijo' yo daagi' ko pintoongan na ia de kobubuun. Panyo ia madi' moko ala buulon i ahop nu Tumpu.

1 KORINTUS 4:3

Hi belengku madi' mongkuka pa' mosia na hi komiu – kabai mau mule' pa' ihe – na mompopikilakon mongkona butongku. Aitu pe'e apaa na anu kuposi tutugi mongkona posi butongku madi' timbali mongkuka.

1 KORINTUS 4:5

Mokonyo aijo', kalana misa' pe'e tempo'nyo, boli komiu lia-lia' montantukan batu-batu mian kosala'nyo kabai madi'. Tanda'i tokaje na Tumpu. Iaje na mompoto'i iwi-iwi' lahasia anu sulu-suluk i uno nu pintung. Iaje na mompotalang tanga'an anu sulu-suluk i uno nu kinyonyoa nu mian. Tempo'je aitu ka' batu-batu mian mohumpak pompuji' lengkat hi Tumpu anu patut nu talima.

2 KORINTUS 1:12

Kami sanang kalana kinyonyoa mami na mompohoson kami, saba' kantumuu'an mami i dunia aiya – anu talalo hondo pompahasumbu'an mami tiba kita Utus – pinojalanmo mami ma'i-ma'ima' ka' sahondo-hondonyo. Kami nombau aijo' misa' kalana kapandean nu mian, panyo kalana kahosonan anu binee' nu Tumpu Allah.

2 KORINTUS 5:10

Kalana memang kita iwi-iwi' tionyo mangadap hi Kristus na momputusi, ka' toto samian mohumpak balosnyo pokakana tiba anu binaunyo i dunia aiya – anu binaunyo ma'ima' kabai ma'idek.