1 KORINTUS 4:2 - KITAB NU TUMPU ALLA LELE MA'IMAI'

² Anu momona pagala opoita hi to posa-posaihon anu susumo aijo' madi' kosangalasannyo aijo'mo da ia mohongo-hongo tuannyo.

1 KORINTUS 4:2 ပူးပေါင်းရင်းမြစ်များ

2 TOMU-TOMUNDO' 12:15

To mia-mian anu mongkapalai kalajanyo hodi' hondo na kinyonyoanyo nu aha, jadi maumo madi' opoita na lapulan nu doi hi aha.

2 TOMU-TOMUNDO' 22:7

To mia-mian anu monjagai kalaja aijo' hodi' hondo na kinyonyoa nu aha, jadi madi'mo palalu opoita hi aha na lapulan pa' sangkuka na doi anu sinabatakonmo nu aha.”

AMSAL 13:17

Utusan anu madi palesaya monsaduakon kasilaka'an; panyo utusan anu timbali opalesaya aijo' yo ko hasinnyo.

NOMBILANGMO 12:7

Panyo madi' sumo posaihon-Ku i Musa. Olamo aijo' ia na mian anu tulu-tulutan madi' sumo mian sangga'at anu pinalesayamo hi beleng-Ku.

MATIUS 25:21

‘Ma'ima'mo’, koonyo nu tuan aijo', ‘beleyum posaihon anu ma'ima' ka' mohongo-hongo. Kalana beleyum timbali o palesaya i hahan anu sangkiding, manjoo'je na kubee' hi beleyum. Pinsoop ka' batuki na aku, basana-sanang tiba aku!’

MATIUS 25:23

‘Ma'ima'mo’, koonyo nu tuan aijo', ‘beleyum posaihon anu ma'ima', ka' mohongo-hongo. Kalana beleyum timbali o palesaya i hahan anu sangkiding, manjoo'je na kubee' hi beleyum. Pinsoop ka' batuki na aku, basana-sanang tiba aku!’

LUKAS 12:42

Tumpu nontaami, “Ihe na posaihon anu mohongo-hongo ka' pande, sahingga i hangkat nu tuannyo timbali kapala nu to posa-posaihon sangga'at da ia mombee'i aha mongkaan toka i tempo'nyo?

1 KORINTUS 4:1

Kami aijo'mo to posa-posaihon i Kristus anu mangaku mompolele tanga'an nu Tumpu anu ma'isa sinumbu' nu dunia.

1 KORINTUS 4:17

Mokonyo aijo' sinaingkumo na i Timotius hi komiu. Salaku anu mombatuki i Kristus ia sumomo posi anakku, anu ku kukalibosi. Ia anak anu timbali opalesaya. Iaje na mompotuka' komiu mongkona jalan nu kantumuu'an anu binatukumo salatan aku pinalesayamo hi Kristus, aijo'mo jalan nu kantumuu'an anu pinogulu'kumo suele hi to jama-jama'at iyaya mae.

1 KORINTUS 4:3

Hi belengku madi' mongkuka pa' mosia na hi komiu – kabai mau mule' pa' ihe – na mompopikilakon mongkona butongku. Aitu pe'e apaa na anu kuposi tutugi mongkona posi butongku madi' timbali mongkuka.

1 KORINTUS 7:25

Uuka aiya mongkona to mia-mian anu ma'isa no'osoa. Mongkona han aijo', aku madi' nontalima palentah apa-apaa lengkat mae hi Tumpu. Panyo sumo mian anu kalana balakat nu Tumpu, patut opalesaya, aku mongka'oho' mombee'i pokinde'ku.

2 KORINTUS 2:17

Kami madi' sumo mian da'isan anu mompotimbali lele lengkat mae hi Tumpu ola sumo balu-balukon. Pongka'oho' mami anu sahondo-hondonyo, kalana kami binee'anmo kalaja nu Tumpu. Ka' Tumpu na nosi toamo saba' kami nompotokamo lele aijo' susumo to posa-posaihon i Kristus.

2 KORINTUS 4:2

Kami madi' mompake hahan anu oposuluk ka' mongambangi. Kami madi' mongka'oho' mokalaja mongakali kabai monggeo-geo'akon potatae nu Tumpu. Hodi-hodi' na kinyonyoa mami mohongo-hongo apaa na koonyo nu Tumpu mombatuki pongka'oho'-Nyo. Mokonyo aijo' o'inde'i mami da mian iwi-iwi' mompopikilakon kami ima-ima' i uno nu kinyonyoanyo.

KOLOSE 1:7

Han aijo' pinotokamo i Epafras hi komiu Utus, sangalu anu okalibosi mami. Ia atina' anu tulu-tulutan na mokalaja hi Kristus, mokalaja bau kapentinganto.

KOLOSE 4:17

Ka' poto'i hi Arkhipus, “Sabole-bole obau na kalaja anu binee'mo hi komiu salaku bau pontuluti palentah nu Tumpu.”

KOLOSE 4:7

I Tikhikus, Utusto anu oka-okalibosi momposumbu'je hi komiu iwi-iwi na apaa anu tinimbalimo hi belengku. Ia tulu-tulutan na nokalajamo, nosangalu tiba kami nombau kapentingan nu Tumpu.