1 KORINTUS 4:19 - KITAB NU TUMPU ALLA LELE MA'IMAI'

¹⁹ Panyo de nupobee' nu Tumpu, aku tionyo ahi' toka hi komiu madi'mo daagi' pin. Tokaje i tempo' aijo' kutoaje suele apaa na anu nupoko ala nubau nu to mia-mian anu kobubuun aijo'; misa' ola potatae nu aha.

1 KORINTUS 4:19 ပူးပေါင်းရင်းမြစ်များ

SISIKON NU TO RASUL-RASUL 18:21

Mau pe'e sumo aitu, panyo tempo'nyo kahanda'mo mamba, ia notatae, “De Tumpu mompoloas, aku po'ule'je minsusule' mae i aiya.” Noko potatae sumo aitu, ia nambamo nompala'i Efesus.

SISIKON NU TO RASUL-RASUL 19:21

Salatan haha aiya ilapasmo, i Paulus nompatantumo da mamba mokiijo' i Makedonia ka' i Akhaya, lantas lausmo mokiijo' i Yerusalem. “Ilapas nokiijo',” koonyo i Paulus, “aku mule' tionyo mamba mokiijo' i Roma.”

SISIKON NU TO RASUL-RASUL 20:2

Ia namba molenga to lipu-lipu kiijo' mae i Makedonia ka' nombee'i manjoo' na pokinde' hi to mia-mian anu palesayamo hi Yesus kiijo' mae salaku bau pongkakeha aha. Lapas aitu ia namba nokiijo' i Yunani.

ROMA 15:32

Desumo aitu, maluannyo nukahanda'i nu Tumpu, aku toka hi beleyum tiba kinyonyoa sanang. Ka' aku mongoa'ije lame' tiba komiu itina'.

1 KORINTUS 11:34

De daagi' ko anu mo'ohop, ia tionyo ahi' mongkaan pe'e i laigan. De komiu mongangga'i han aiya, pompahasingkabotan miu mogaleja madi' mompodaagi' hukuman lengkat mae hi Tumpu i posi butongum. Mongkona hahan sangga'at kututuhakonje hi komiu de aku po'ule'mo toka mae.

1 KORINTUS 14:5

Palias na ko ima'nyo de kita Utus moko ala basisik manjoo' na ngahan nu basa' anu okabangangi. Panyo anu talalo ma'ima' aijo'mo de kita Utus timbali mompolele tanga'an nu Tumpu. Kalana mian anu mompotoka lele lengkat mae hi Tumpu, lebe daka' molingkudui mian anu basisik tiba ngangahan nu basa' anu okabangangi; sangalasan na hannyo de mian anu basisik nu ngangahan basa' anu okabangangi aijo' timbali mompoto'i apaa na alati'nyo nu anu tinaloakonnyomo aijo' da mingguna hi jama'at iwi-iwi'.

1 KORINTUS 16:5

Aku mambaje hi komiu de aku moko lapasmo sonsoo' i Makedonia, kalana aku ko niat sonsoo' i kiijo' mae.

1 KORINTUS 16:7

Aku madi' mamba hi komiu ola asan sonsoo'. De nusitujui nu Tumpu gagalanku jojoong gagana pin tiba komiu.

1 KORINTUS 2:6

Mau mule' sumo aitu, kona hi to mia-mian anu nasasakmo na kapalesaya'annyo i uno nu kantumuu'annyo, aku memang motatae mongkona kapandean. Panyo kapandean aiya misa' kapandean nu dunia, kabai kapandean nu anu mongkuasai tempo' uuka, anu kakuasa'annyo ola mingkot.

1 KORINTUS 4:18

To pia-piangkuka na mian itina' hi komiu kinobubuunmo, kalana aha monsangka aku madi'mo toka hi komiu.

1 KORINTUS 4:6

To Utu-utus! Bau kapentingan miu pinokonangkumo iwi-iwi' aijo' hi Apolos ka' i posi butongku. Kahanda'nyo da sonto' lengkat hi kami aijo' komiu timbali monggulu'i apaa na alati'nyo nu anu tinaloakonmo, “Otoongi na atulan anu daagi'.” Desumo aitu yo madi' ko samian pe'e atina' hi komiu na mombuulakon toto samian, lantas mompopo'ambang sangga'at.

2 KORINTUS 1:23

Tumpu na sakisingku – kalana nusumbu' na isi nu kinyonyoangku – kadaka' aku madi' sida mamba i Korintus, kalana aku madi' mongka'oho' kinyonyoa miu molibos.

2 KORINTUS 10:9

Aku madi' mongka'oho' komiu mongoa'i au'aitu aku mompopobuhuk komiu nu sulatku haha aiya.

IBRANI 6:3

Imbo'mo na kita, de Tumpu mompobee'mo mondensu'akon i panga-pangajalan anu lebemo matangkas!

YAKOBUS 4:15

Sabenannyo ahi' komiu motatae sumo uuka, “De nupobee' nu Tumpu na kami tumuu', ka' mombau aiya kabai aijo'.”