1 KORINTUS 4:14 - KITAB NU TUMPU ALLA LELE MA'IMAI'

¹⁴ Ku tulis na aiya toka hi komiu, misa' pongambangi komiu, panyo bau pompokinde'i komiu sumo posi to ana-anakku.

1 KORINTUS 4:14 ပူးပေါင်းရင်းမြစ်များ

YEHEZKIEL 3:21

De mian anu ma'ima' na kinyonyoanyo aijo' nu pokinde'i ahi' nu beleyum da madi'mo mombau dosa' ka' nu tulutimo na pokinde' nu beleyum saba' ia madi'mo ahi' Ku hukum ka' mule beleyum salamatmo.”

SISIKON NU TO RASUL-RASUL 20:31

Kalana aijo' o bala'ingati! Inau' sabab totolu' na taun na kino pinnyo nonjujuhakon lolu', sinaa pihi aku madi' toho' milawe na mongajan komiu toto samian.

1 KORINTUS 15:34

Sinumbu'mo uuka aiya, ka' bolimo mombau dosa'. Sabenannyo pa'a-pa'ambangmo ahi' na komiu, kalana itina' hi komiu daagi' ko anu ma'isa nonsumbu' Tumpu.

1 KORINTUS 4:15

Kalana akumo na timbali tuuma miu, mau mule' ugaat salaku mian Kristen, komiu kino gulu'mo sampulu' na madala. I uno nu kantumuu'an miu susumo to mia-mian anu nosa'angu'mo tiba i Kristus, aku na timbali tuuma miu, kalana aku na nomboa Lele Ma'ima' mongkona i Kristus hi komiu.

1 KORINTUS 4:17

Mokonyo aijo' sinaingkumo na i Timotius hi komiu. Salaku anu mombatuki i Kristus ia sumomo posi anakku, anu ku kukalibosi. Ia anak anu timbali opalesaya. Iaje na mompotuka' komiu mongkona jalan nu kantumuu'an anu binatukumo salatan aku pinalesayamo hi Kristus, aijo'mo jalan nu kantumuu'an anu pinogulu'kumo suele hi to jama-jama'at iyaya mae.

1 KORINTUS 6:5

Mongambangi hondo! Tantu itina' hi komiu daagi' ko anu toto samian na pande hondo mongulus palakala nu po'uwalian anu itina' hi komiu to utu-utus anu bubuu' Kristen!

1 KORINTUS 9:15

Panyo ma'isa toho' aku nompake hak haha aijo' mau pe'e sangahan. Ka' aku nontulis sulat aiya misa' mule' ko kahanda' da anu haha aijo' obee'mo uuka hi belengku. Lebe ma'ima' aku silaka ka' de mule' ola talabakas na anu ku kabubuulakon aijo'.

2 KORINTUS 11:11

Kadaka' aku motatae sumo aitu? Ugaat kalana aku madi' mongkalibosi komiu? Nu sumbu' nu Tumpu na aku mongkalibosi komiu!

2 KORINTUS 12:19

Kugantang komiu monsangka kami sumo uukamo na kopinnyo na binala usaha mompototu'u butong i ahop miu? Komiu madi' monsumbu' hondo! Tumpu monsumbu' saba' iwi-iwi' na anu tinaloakonmo mami aijo' mombatuki pongka'oho' i Kristus. Ka' iwi-iwi' na anu binaumo mami aijo', mombee'i pikilan da kapalesaya'an miu ko pintu-pintuangnyo.

2 KORINTUS 7:3

Kutaloakon sumo aitu misa' da mompisala'i komiu. Kalana sumo anu tinaloakonkumo u'utu mae, kami talalo hondo mongkalibosi komiu, ka' kita mosangalu sidu-sidutu' sampe silaka.

KOLOSE 1:28

I Kristusmo atina' na anu opolele mami toka hi toto samian. Kami mompotuka' ka' mompagala hondo-hondo mompogulu' aha iwi-iwi'. Kahanda' mami aijo'mo da batu-batu mian timbali oboa hi Tumpu Allah, sumo mian anu motu'amo na pikilan i uno nu hahan rohani, kalana nosa'angu'mo tiba i Kristus.

1 TESALONIKA 2:11

Komiu monsumbu' saba' kami mombau apa-apaa hi komiu sumomo samian na tuuma kona hi to ana-anaknyo.

1 TESALONIKA 5:14

Opoita mami mule' hi to Utu-utus, pokinde'i ma'i-ma'ima' na mian anu madi' mongka'oho' mokalaja; posanang na kinyonyoa nu mian anu mabuhuk; tulungi na mian anu palalu otulungi, ka' sabaan kona hi mian iwi-iwi'.

2 TESALONIKA 3:14

Kugantang daagi' ko mian anu madi' mongka'oho' montuluti apaa na anu tinaloakonmo mami i uno nu sulat aiya. Obalaingati na mian anu sumo aijo', ka' boli mosangalu tiba ia da ia ma'ambang.

FILEMON 1:10

Aku, i Paulus, mompotoka sa'angu' na poitaon hi beleyum mongkona i Onesimus, anakku kalana i Kristus. Kalana i uno nu talungku' aiya, aku tinimbalimo tuuma nu rohaninyo.

1 YOHANES 2:1

To ana-anakku! Aku nontulis aiya toka hi komiu da komiu boli mombau dosa'. Panyo de ko anu mombau dosa', saba' hi kita daagi' ko samian na anu mombolosakon, aijo'mo i Yesus Kristus anu talalo adin hondo aijo'; Iaje na mompoitakon ka'ampunan dosa' hi Tuuma.

3 YOHANES 1:4

Anu moko ala mompotimbali aku da lebe lame', aijo'mo samata-mata ola de aku mohongomo to ana-anakku i uno nu kantumuu'annyo montulutimo pangajalan nu Tumpu.