1 KORINTUS 3:7 - KITAB NU TUMPU ALLA LELE MA'IMAI'

⁷ Jadi anu penting, aijo'mo Tumpu, kalana Ia na mompotumuu'. Anu monsu'an tiba anu mondudu'i madi' penting;

1 KORINTUS 3:7 ပူးပေါင်းရင်းမြစ်များ

MAZMUR 115:1

Misa' kami, o Tumpu, misa' kami, panyo olamo ahi' Belento na tionyo o puji', kalana Belento manonong ka' saja' mongkalibosi.

MAZMUR 90:17

O, Tumpu mami, balakatiakon mae na kami, da anu okalaja mami iwi-iwi' ko hasinnyo ahi'.

YESAYA 40:17

Iwi-iwi' na bansa madi' ko alati'nyo hi Ia, pokakanamo ahi' madi' ko anu i ahop-Nyo.

YESAYA 41:29

Memang pilogot haha aijo' madi' kogunanyo, aha na ola ahi' patong anu sinuang anu madi' moko ala mongkohenggo, ka' madi' ahi' moko ala mombau apa-apaa.”

DANIEL 4:35

Iwi-iwi' na bansa i dunia aiya madi' ko alati'nyo. Tumpu na mongkuasai malaekat kiita' i suluga' ka' mule' mian anu jojoong i dunia aiya. Madi' ko samian pe'e na anu moko ala monggagakon tanga'an-Nyo, madi' ko anu baani mompokilawa apaa na anu binau-Nyomo.”

YOHANES 15:5

Akumo na kau' anggur, ka' komiu na to panga-panga'nyo. Mian anu saja' mosa'angu' tiba Aku, ka' Aku tiba ia, tionyo mimbua' mahampe; kalana de madi' tiba Aku, komiu madi' moko bau apa-apaa.

1 KORINTUS 13:2

Mau mule' aku pande na mompotokakon lele lengkat mae hi Tumpu, ka' monsumbu' iwi-iwi' ilimu', ka' monsumbu' iwi-iwi na apaa, ka' mule' talalo palesaya hi Tumpu sahingga timbali moko ala molalin bungkutnyo, panyo aku madi' mongkalibosi to mia-mian sangga'at, saba' aku madi' ko alati'nyo apa-apaa!

1 KORINTUS 3:6

Aku na monsu'an, lantas i Apolos na nondudu'i, panyo posi Tumpu na mompotimbali pomulaonnyo tumuu'.

1 KORINTUS 3:8

ua-ua'aha pokakanamo. Toto samian mohumpakje tambo nu lawenyo.

2 KORINTUS 12:11

Aku totu'u timbalimo sumo mian ponga' – panyo komiumo na nonsaduakon aku tinimbali sumo aijo'. Sabenannyo komiu ahi' na tionyo mompuji' aku. Kalana mau mule' aku madi' ko kaliangannyo apa-apaa, aku madi' hondo-hondo mahungku' hi to “rasul-rasul” anu madi' ko anu mongkakanai aijo'!

2 KORINTUS 12:9

Panyo Tumpu nontaami, “Aku mongkalibosi beleyum ka' aijo' sukupmo hi beleyum; kalana kuasang-Ku na anu talalo mahoson de beleyum mongoa'imo madi' mahoson.” Mokonyo aijo' aku lebe sanang na mombuulakon anu madi' ku poko ala, kalana de aku madi'mo mahoson, saba' tempo'je ahi' aitu na aku mongoa'i i Kristus monjagai aku nu kahosonan-Nyo.

GALATIA 6:3

De daagi' ko samian monsangka butongnyo talasanggo padahan madi', mian aijo' mombaleko'imo posi butongnyo.