1 KORINTUS 3:23 - KITAB NU TUMPU ALLA LELE MA'IMAI'

²³ Ka' komiu i Kristusmo na tumpunyo, ka' i Kristus, Tumpu Allah na tumpunyo.

1 KORINTUS 3:23 ပူးပေါင်းရင်းမြစ်များ

MATIUS 17:5

Hau-haunyo i Petrus daagi' motatae, sehu' anu majingka hondo nohohungimo aha, ka' lengkat i sehu' aijo' tolohongo na potatae anu nontaloakon, “Aiyamo na Anak-Ku anu Kuku kalibosi. Ia momposanang kinyonyoang-Ku. Hongo na Ia!”

YOHANES 17:18

Sumo kita Tuuma nonsaimo Aku mamba i dunia, sumo aitumo suele na aku monsai aha mamba i dunia.

YOHANES 17:21

Ku poita kita Tuuma, da aha iwi-iwi' timbali mosa'angu', susumo kita Tuuma mosa'angu' tiba Aku, ka' Aku tiba kita Tuuma. O'amalakon da aha timbali mosa'angu' tiba Kita, da dunia palesaya taalu' kita Tuuma na nonsai mae Aku.

ROMA 14:8

De kita tumuu', kita tumuu' bau kapentingan nu Tumpu. Ka' de kita silaka, kita mule' silaka bau kapentingan nu Tumpu. Jadi, tumuu' kabai silaka, kita aiya Tumpu na tumpunyo.

1 KORINTUS 11:3

Panyo ku indi da komiu monsumbu' sa'angu' na han mule', aijo'mo saba' anu mongkapalai aha to momo'ane, aijo'mo i Kristus; anu mongkapalai bengkele' aijo'mo langkai'nyo, ka' anu mongkapalai i Kristus aijo'mo Tumpu.

1 KORINTUS 15:23

Panyo toto samian po'ule' opotumuu' ko posi tempo-tempo'nyo; momonanyo i Kristus; lapas aijo' de po'ule'mo Ia toka mae, sueleje to mia-mian anu i Kristusmo na tumpunyo.

1 KORINTUS 15:28

Panyo salatan iwi-iwi' tinundu'mo i aluk nu kapamalentahan i Kristus, saba' posi Ia, aijo'mo Anak nu Tumpu, montundu'akonmo butong-Nyo hi Tumpu anu nompotimbalimo iwi-iwi' matundu' hi Ia. Sahingga Tumpumo na mompalentah iwi-iwi'.

1 KORINTUS 7:22

Kalana samian na posaihon anu palesayamo hi Tumpu, aijo' mian nu Tumpu anu bebas. Ka' samian anu bebasmo anu palesayamo hi Tumpu, aijo'mo posaihon i Kristus.

1 KORINTUS 8:6

Panyo hi kita, Tumpu ola sa'a-sa'angu'nyo. Ia Tuuma anu nompotimbalimo iwi-iwi' na anu daagi'. Bau kapaluan-Njo na kita tumuu'. Ka' Tumpu suele ola sa'angu', aijo'mo i Yesus Kristus. Anu binau iwi-iwi' nolengkat mae hi Ia, ka' kalana Ia sahingga kita tinumuu'mo.

2 KORINTUS 10:7

Sinsu-sinsumbu'mo ahi' na komiu i han anu sahondo-hondonyo. De toto samian palesayamo tukoonyo, ia anumo i Kristus, yo tutugimo ahi' na posi butong, ka' sinsumbu'mo ahi' saba' kami singkona anumo i Kristus pokakana sumo ia.

GALATIA 3:29

De komiu i Kristusmo na tumpunyo, saba' komiu lee'mo i Abraham. Ka' komiu montalimamo apaa na anu jinanji'mo nu Tumpu Allah.

GALATIA 5:24

To mia-mian anu i Kristus Yesusmo na tumpunyo, mian haha aijo' nompateimo sipatnyo salaku manusia tiba iwi-iwi' na napisunyo ka' apaa na anu nu ka'ima'i.

EFESUS 1:10

Tanga'annyo aijo' da iwi-iwi' na apaa, mau anu i suluga' mau anu i dunia, mosa'angu'mo tiba i Kristus salaku kapala. Ka' han aijo' nu potimbalije nu Tumpu de tokamo na tempo'nyo.